أسطورة البطل بقلمي أسماء علام

رسول من جهنم ج٢

دا فصل يوم الاتنين بعتذر عن التأخير بس ان شاء الله البارت واحداثه تغطى عن التاخير ويا رب محدش يدعى عليا مستنية توقعاتكم    

      الفصل الخامس والثلاثون الجزء الثاني"رسول من جهنم"

في القصر/ جناح الضيوف بالطابق الثالث..

-ما كفاية بقى جنى..

وكأنه طلب منها الزيادة في البكاء وليس العكس .. فمنذ معرفتها بالخبر الصادم أمس -عندما مرت بوعكة صحية عندما كانت بالمشفى وقام الطبيب بفحصها- وهي على هذه الحال .. كيف هذا ثلاثة أشهر ولم تنتبه أبدًا لهذا الحمل؟! كل تلك الفترة لم تشكُ من شيء ورجحت أن هذه الأعراض التي تنتابها نتاج الحالة النفسية السيئة التي كانت بها لم تتوقع أن تكون حمل خاصة وأنها دورتها الشهرية لم تنقطع في هذه الأشهر..لكن  الطبيب النسائي أخبرها أن هناك بعض من النساء لا تنقطع لديهم الدورة الشهرية خلال الشهور الأولى من الحمل ..منذ البارحة وهي لم تتوقف عن البكاء ..     

-يا جنى كفاية عياط ... هو أمر ربنا خلاص ... طب أعملك إيه عشان تبطلي عياط!

 -مكنش ينفع .. احنا مش هنكمل .. أنا مش عايزاه.

جلس حازم في مقابلها و أمسك يدها بحنان، تأمل في عينيها بهدوء قبل أن يقول:.

-دا أنتي بتحبي الاطفال خالص .. أنتي ما شوفتش نفسك وأنتي عينك بطلع قلوب لما شوفتي ولاد عصام وبريهان.

أحبت بحدة مفاجئة: حازم لو سمحت أنت بتتجنب أساس المشكلة ودا مش هيوصلنا لحل احنا متفقين مش هنكمل مع بعض دي فترة وكل واحد يروح في طريق وكمان هيكون فيه طفل معذب في النص.

حازم باتسامة بلهاء: بتجنب! ومعذب! أوعى الكلام الكبير ... ومين دول اللي متفقين عشان يكوون عندي خلفية؟!

جنى بعصبية:احنا!

-أنا اتفقت معاكي على حاجة أنتي بتتبلي عليا؟

وقفت جنى قائلة بعصبية: حازم ما تسطعبتش.. أنتي جبتني هنا على أساس فيه خطر وحد بيهدد أونكل حسين بينا!

-أه قوتيلي جنى هو أبويا بيشتغل ايه؟

-وزير! وده إيه دخله في كلامنا دلوقتي..

  ابتسم حازم باتساع يجيبها بسخرية: بطمن على غبائك يا روحي هي هيخلينا نسنمر وعلاقتنا تطور .. وهل يا ترى بقى حد هيهدد سيادة الوزير وهو هيسيبوا عادي كدة يهددنا شعرين بحالهم .. ولو يعنى أنا مش عايزك ما كنت بعتلك بادي جارد ولا قولت لجوز انسان الغاب اللي معانا يتصرفوا .. دا تخطيط عالي من أبويا الباشا وأنا لازم أسمع الكلام..