ငရဲမှလာသောသူ
The Man from Hell
Author Autumn Wind 123
ဘာသာပြန် Han Shin
စာစဉ် 38 Chapter 557 ဒါဆိုလည်း ကန်လိုက်တာပေါ့
ရွှစ်!
ဟူရွှမ်၏ လည်ပင်းမှနေ၍ ရဲရဲနီသော သွေးများ ပန်းထွက်လာသည်။ သူသည် နေရာမှာတင် ကြက်သေသေနေကာ သွေးထွက်နေသော လည်ပင်းကို လက်ဖြင့်အုပ်လျက် မယုံနိုင်ဟန်ဖြင့် ကြည့်လာလေသည်။
“ဘာ … ဘာကြောင့်လဲ”
ဟူရွှမ်၏ အတင်း ဖျစ်ညှစ်၍ ပြောလာသည့် မလိုလားသော အသံထွက်ပေါ်လာသည်။ နတ်ဘုရား ဂိုဏ်းချုပ်အဆင့်၏ စကားကြောင့် သူ အသတ်ခံရလိမ့်မည်ဟု မယုံနိုင်ချေ။ သူ့စကားကြောင့် လင်ဖေးယွီက ဟူရွှမ်၏ နားနားသို့ ဖြည်းဖြည်းချင်း ကပ်လာသည်။
“ဘာလို့လဲဆိုတော့ အင်မော်တယ်ဘုရင်ကို သတ်ခဲ့တာ သူပဲ”
ဝုန်း!
ထိုစကားသည် မိုးခြိမ်းသံကဲ့သို့ ထွက်ပေါ်လာပြီး ဟူရွှမ်အား မှင်တက်သွားစေသည်။ လင်ဖေးယွီနှင့် စီနီယာ အစ်မကြီးတို့ ထိုသူအား မတရားကြောက်လန့်နေသည်ကို သူ မအံ့ဩမိတော့ချေ။
*လတ်စသက်တော့ ဒီလိုကိုး*
ဟူရွှမ် နားလည်သွားသော်လည်း အချိန်နှောင်းသွားလေပြီ။ စုတ်ပြဲသံ ပေါ်လာပြီးနောက် ဟူရွှမ်၏ ဦးခေါင်းတစ်ခုလုံးသည် လင်ဖေးယွီကြောင့် ပြုတ်ထွက်သွားလေသည်။
သွေးများက လေထဲ လွင့်စဉ်လာ၏။ ဟူရွှမ်၏ မျက်နှာ၌ အလွန် ကြောက်လန့်၍ စိတ်ပျက်အားငယ်ဟန်များနှင့် ပြည့်နှက်နေသည်။
စားသောက်ဆိုင်တစ်ခုလုံး တိတ်ဆိတ်သွားသည်။ ခရမ်းပြာ နတ်မိမယ် ကြက်သေသေနေသည်။ သူမခေါင်းထဲ ချာချာလည်၍ သူမကိုယ်လေးက တုန်ယင်သွားလေသည်။
သူမက ယဲ့ဖန်အား အလွန် မယုံနိုင်သော အမူအရာဖြင့် ကြည့်နေမိသည်။ ဤထူးဆန်းသော အမျိုးသားသည် ထိုစဉ်အခါက အမိန့်ပေးလိုက်သည်နှင့် နဂါးငွေ့တန်းတစ်ခုလုံး ပွက်လောရိုက်သွားသည်။
မထင်မှတ်ဘဲ အင်မော်တယ်မျိုးနွယ်၏ နယ်မြေထဲ၌ သူသည် စကားတစ်ခွန်းတည်းနှင့် ဂိုဏ်းသခင်လေးကို ဖယ်ရှားနိုင်နေသည်။
