نتامل فيه و في الطريق و مش مصدقة اللي صار
درتها انا؟!
اي درتها و قلت اللي في قلبي كله و طلع يحبني و يبيني زي ما انا ميتة فيه
عبيدة كان يسوق في السيارة و الفرحة محتلة ملامح وجهه مد ايده و شبك اصوابعه في صوابعي
انا حطيت راسي ع كتفه : وين ماشيين؟
عبيدة : استني و شوفي
انا حركت راسي ع كتفه و انا مغمضة عيوني نستنشق فيه و في ريحته نبيه يتغلغل فيا اكثر نبي انصدق اللي انا فيه لاني والله حاساته حلم
عبيدة نفخ : أهمدي يا بنت الحكاية والعة مش زايدة تولعيها انت !
انا تحشمت من كلامه و كنت ح نرجع لكرسيا بس هو شدني : خليك
انا : ع شان تسوق براحة
عبيدة : راحتي معاك انت و بس
انا : 😊😊😊❤️❤️❤️❤️
عبيدة على المسجل
و بدّي يغني معاه
نجمة قطبية طلت عقب الليل عليا
سمرة قمحية سحرتني و قالتلي لالا
انا مستغربة الاغنية و كيف هو منسجم معاها: من هذا ليبي؟!
عبيدة ضحك: هههههه ليبي ليبي يا حبيبي هذا حبيبنا السوكني في الهواء يا ربي و لازم تعرفي راجلك ما ينسجم كان لما يسمعله توا معقولة عمرك ما سامعاته يغني
انا : لالا ممكن سامعاته لكن انا ما نحبش الأغاني هادو
عبيدة قام حاجبه : كيف؟
انا نتامل فيه و مش مصدقة : لكن من اليوم حبيتهم
عبيدة بصوت عالي : وووووه عليا يا امي
سحرت عينيا بهديك النظرة المدبالة
انا نضحك : ههههههههههه
عبيدة سرح في ضحكتي : ما أحلاها ضحكتك
انا نرلت راسي و تحشمت
بعدين تفكرت : عبيدة
عبيدة أشر ع عيونه :عيون عبيدة
انا قلبي بيوقف خلاص من كلامه و حركاته : نبي نقولك ان العشية موعد خالتي صابرة مراجعة يعني لازم نروحوا قبل الوقت
عبيدة شد ايدي و باسها : اكيد عارف و متفكر قبل الموعد نروحوا ما تخممي في شي توا الا فينا
انا حاسة روحي طائرة فوق بيه و بكلامه
حاجة عشر دقايق و وصلنا لمكان زي المزرعة او الاستراحة
بيب و انفتح الباب
فتحه عامل أفريقي
دخل عبيدة السيارة
