طلع طبق معاهم المشهد اللي ح يشتركوا بيه في المسابقة بعد حوالي عشرين يوم و طبعا غيروا في تفاصيله والأفكار كانت من عبيدة لكن تحت إشراف المديرة وفاء
المديرة اللي حرصت ان الأطفال يتكتموا ع الموضوع قدامي ع شان تكون مفاجاة ليا
كمل التدريب ( مش ح نحكي ع تفاصيله خليه مفاجاة ليكم و لنور ليوم العرض 😍😍😍)
دخل للحجرة و غير لبسه شاف الساعة كانت الثمانية : اوووو وقت هذاك هو لازم نمشي للحوش قبل نشوف معاد شن صار معاه في الزواق
طلع بسرعة ركب السيارة و انطلق
يدندن مع فنانه المفضل السوكني
يالله يا ب يالله يالله يارب يالله يارب
أتم الحرب في بلادي و ناخذ اللي انحب
يالله
و بعد وصوله للحوش
تفاجا ان معاد كمل : السلام عليكم منور موعا كملت؟
معاد داهش : خليها تبان معاك بس
عبيدة أشر بايده فوق : باينة ليها سنين يا برو
معاد ضحك: هههههههه عارف والله شني هكي خلاص كملنا والا
عبيدة يتفرج ع زواق الدار اللي كان ع الأبيض و فيها ديكور في الزوايا بالموفي الهادي : تمام مازال دار النوم بس نجيبها غدوا و بعد تركب نفرش الدار و تمت
معاد ضربه ع كتفه : ربي يكمل عليك يا غالي
عبيدة تنهد : ان شاء الله ، قولي موعا في رايك تعجبها الدكتورة
معاد ابتسم : الدكتورة عاجبها راس المال و طائرة بيه الباقي كله مش مهم
عبيدة وجهه تغير للون الأحمر : تتسهوك
معاد ضحك عليه لان تحشم : هههههه لالا لكن جديات عبيدة انت مش ملاحظ قداش تحبك والا تدير في الجو ؟! تي البنت مكبدة تكبيدة حرفة
عبيدة فرحه ان الكل حاس بمشاعري اتجاهه بس زي العادة غيرته نار: باهي خلاص
معاد حط ايده ع فمه: خلاص سكتنا هيا وقت ع العشاء عويشة من بكري تتصل
عبيدة ألقى نظرة اخيرة ع المكان و طلع و هو حاس بفرحة كبيرة
عندي انا سيبتهم في المطبخ يجهزوا في العشاء و مشيت لدار خالتي سعدة بعد استأذنت منها لان عندي مكالمة
سكرت الباب
خذيت التيليفون واتصلت
بأحمد ( الشخص اللي سبق و ساعدني ندير المقلب في عبيدة)
احمد رد : ايوا دكتورة كيف الحال
انا : الحمدلله احمد شن صار معاك؟
احمد : تم الكلام انت بس ابعثيلي التفاصيل متاع المكان اللي بيسهروا فيه الثلاثاء و الباقي عليا
