انا انخلعت : بِسْم الله شن في 😱😱😱
عبيدة مستعجل و يحوس في الدار : هيا نور وقت اتصلوا بيا من الشركة دايرينلي تكريم و يبوني نجيب العيلة معاي كلمت امي و البنات وتوا ارواحهم من بكري وانا ماشي جاي عليك و شي ما فقتي
انا قعمزت وايدي ع راسي : تي اليوم شني ؟ قصدي الساعة كم
عبيدة : اليوم السبت و الساعة سبعة
انا فنصت عيوني : تكريم من الساعة سبعة!!!
عبيدة بنفاذ صبر : اسمعيني نور وقت مش فاضي للنقاش
انا وقفت : حاضر حاضر خلي نوتيلك ما تلبس قبل
عبيدة : تي شن بتوتيلي اهو لابس
انا شفتله من فوق لتحت كان لابس تيشرت احمر و سروال جينز ازرق
انا : تبصر ؟! تكريم ليك و بتمشي هكي تحلم
عبيدة : انت اللي تحلمي اني نغير مرة ثانية
انا فوته و مشيت فتحت الدولاب طلعت منه سورية كحلة و سروال أكحل و جاكيت جلد قهوي و حزام السروال اخترته قهوي حطيتهم ع السرير : البس هادو و ألبس معاهم كندرتك القهوية انا نمشي للحمام خمس دقايق و نكون وآتية
عبيدة بتحدي : مش لابس
انا : بتلبس
عبيدة : مش لابس و وريني كيف بنغير وحط ايديه في نصة
انا مشيت للزيانة القيت عليها تاتو فتحته و حطيت الريشة فيه و لبزتله التيشرت : تفضل توا بتغيره والا بتمشي بيه هكي
عبيدة فنص عيونه و قدم مني و بجرأة كبيرة حطيت ايديا ع التيشرت و نحيتهوله🙈🙈🙈 و بوسته ع خذه بهدوء : البس حبيبي
و هربت منه للحمام
عبيدة يشوف لروحه في المرايا : ضحكت عليا بنت ال( سكت) اسكت يا راجل خير ما نلقى روحي نحفر في نفق باش نرضيها
لَبْس و هو مش راضي لان مش مطلوب منه يكون انيق
انا طلعت نشوف فيه ادا قاعد او لا و ارتحت ان مش موجود، و باعتبار تكريم اخترت بدلة نحبها هلبة رسمية لونها كريمي متاع سروال وتحتها بلوزة ع القهوي لبست و هوب عبيدة يديرلي زي ما درتله
انا عيطت: لاااااااا عبيدة حرام عليك احسن بدلة عندي رزيتني فيها و... (هرب عليا الضي وقت ركزت في اللبسة كيف طالعة عليه خطرت عليا اغنية سامعتها زين و عين زينو يقتل عاجبني كاويني بنارو حارقني و يهبل 😍😍😍)
عبيدة ضحك بانتصار: خيرك سكتي ؟! اي و ع فكرة زي ما رزيتيني في احسن تيشرت عندي و يالله غيري وقت
انا هايمة فيه هالانسان هذا ببساطة قادر يلعب بإعداداتي : حاضر
عبيدة مستغرب اني سكتتله: تمام نستنى فيك
