قبل ما يفتح عبيدة الباب
خذيت تيليفوني و بحثت ع أغنية بالتحديد سمعتها في برنامج عزة المفضل إليّ يقدم فيه مراد تعرفوا نتذكر وقت سمعتها وتأثرت بيها قلت ان شاء الله ما يجي يوم و نكون في الموقف هذا لا بل قلت مستحيل يجي هاليوم
واليوم أنا في وسط هالنار بالضبط
ع فكرة أغنية ليبية حلوة و معبرة للفنان مصباح زايد يا ريت تسمعوها
نزلت الفيديو ع شان تسمعوها و تحسوا بإحساس نور💔💔
لا لا لا تخليني وحيد لالالا من يومي غريب
لأوهام الزمان .. ما عندي مكان
لا تبعد بعيد .. و تخليني وحيد
كان صوت الفنان يغني واضح
عبيدة فتح الباب ع مقطع
لا لا تخليني بروحي .. بعدك من يداويهن جروحي
نامليت من دمعي ونوحي.. عيب عليك تخليني وحيد
كنت نسمع و نبكي من وسط خاطري و لمته لأني قبل كنت مسكرة ع عيوني طريق الدموع و مرتاحة من يوم اخترق عبيدة هالحاجز و عزمي طاح
عبيدة الاغنية حرقاته وسط قلبه و حس بوجعي حط أيده ع فمه و عيونه دموع يرجع يشوف ورآه و يفكر يتراجع
بين يقدم و يوخر
معش تحمل
و قدم في اتجاهي بسرعة
و بصوته الحزين و صوته إليّ قادر يتحكم فيا وفِي مشاعري : لا لا أنت إليّ عيب عليك ما عاش ولا كان اللي ينزل دموعك يا نجمتي سامحيني و قاسم بالله نحبك و ما قصدي اللي جي في بالك كل اللي صار أني خفت نخسرك معش عرفت نعبر فسدت الليلة كلها
حاول يخليني نشوفله
بس أنا كنت نغم في وجهي بالبطانية و نهرب منه مش قادرة نغفرله اللي حسيته من جهة و خايفة من الشي إليّ عرفته وهو مازال غافل عنه يعني لو عرف ان بوه قاتل بوي شن ممكن يدير؟!!
عبيدة جابني في حضنه و شد وجهي بأيديه و تفاجأ بمنظري كيف رائح وجهي منفوخ من كثر البكي و احمر و عيوني حالة
عبيدة بحنية : نجمتي
أنا بصوت انهكاته الاحزان و الهموم وكسرات الأحباب : حرقتلي قلبي
عبيدة بدموع يحرك في راْسه بنفي : قاسم بالله قلبك ناره تصهد وسط صدري يا بنت الناس
