نادية: بالزبط زي ما فهمت يا منصور
منصور حط البيرو اللي في ايده : اصلا ما فيش غير هكي تمام نفذي ع طول
نادية: بكل حب بس غدوا ما يصير شي لان عندي فار ثاني نبي نطربقه و الحق موضوعه اصعب ويبي تكتيك فخليها بكرا تودع ولدك ع راحتها
منصور : اوكي
نادية : ليلتك سعيدة
منصور سكر بدون ما يرد عليها
طوط
طوط
ناديةً: 💦💦💦
الفجر في مصر
كان عارف مغير سكنه لان خايف من غدر نادية
قرر ينزل ياخذً شوي حاجات ناقصاته
نزل من العمارة و مشي في الشارع دخل للمحل و خذي بضاعته و طلع
القي قدّامه مجموعة شباب طول في عرض واللي ماسك في ايده سيف واللي موس
المهم زردوا فيه
عذبوه تعذيب
لعند اخيرا خرجت الروح لباريها
في سكرات الموت كان بين عيونه صورة امي الله يرحمها و صورة بوي وقت علم بخيانتهم ليه و رفعت الاقلام و جفت الصحف
نادية اللي خان خوه ع خاطرها اليوم باعاته بالرخيص و هكي حال الدنيا بس في حاجة ما خطرت في بال نادية وهي ان عارف كان شاك فيها فبعث حاجة مهمة نسخة لعنًوان اولادها لان عبدالجبار و عبدالقادر اثنينهم استقروا في إيطاليا
و نسخة بعثها لإسماعيل
و بعث لنوري فيديو ليه ع شان يخليني نشوفه
يعني يا نادية اللي توا فرحانة بموت عارف بعد جتها مكالمة من سالم يا ريت ما تبالغي في التعبير ع فرحتك
صباح ثاني يوم
انا فقت بكري و سحبت روحي شوي شوي و دوشت ع السريع و لبست صليت و طلعت نجهز في الفطور جهزت فطور مشكلً ليا و لعبيدة والباقي طيبتلهم شاهي و قهوة و حليب وبيض مطبوخ
و خذيت كل شي في الخيمة اللي ع السطوح
و رجعت ع شان انفيقه
طبست عليه وًبسته ع خده: حبيبي
عبيدة غير ورقد ع الجهة الثانية
انا رجعت بسته: صباحو
عبيدة فتح عين وحدة : خيرك ما ترقديش يا مراة
انا بحب : مستاحشة
عبيدة : لو مستاحشة راك جنبي
انا : ما نبيش نكون جنبك اهني بس نبي نكون جنبك في كل مكان مشً اهني بس يالله حبيبي جهزت فطور فوق تعالى خلي نفطروا مع بعض استاحشت نفطر معاك
