عبيدة : نور انا نبيك تسمعيني كويس و تفهمي كل كلمة منقولهالك و تنفذيها ع طول و بدون اي نقاش
انا صوتي كان يرعش و منتهي : باهي علاش ما تشوفليش
عبيدة بصوت مخنوق : مش قادر لاني ... (سكت دقايق و كانو عندي سنين ) لاني خنتك يا نور
انا جو الصور بين عيوني حركت راسي بنفي : مستحيل نصدق حبيبي شفتهم الصور و ما دورتش عارفة انك عفيف و راجل بكل معنى الكلمة و مستحيل لا تدير الحرام و لا تخون
عبيدة قاطعني بس مازالوا عيونه يهربوا مني : اسمعيني يا بنت الناس كويس و ردي بالك تقاطعيني من شهر فات وقت مشيت لل### القيت واحد من سنين مش شايفه و الراجل هذا صاحب كاس عشش فيا لعند شربت و معش وعيت ع روحي الا و انا مكتف وسط حوشهم و صاحبي يهزب فيا و يقولي طعنتني في ظهري المهم بعد وين فهموني اني اعتديت ع اخته و ع طول جابوا الشيخ و قريت عليها فاتحة ما قدرتش نقولك شي المهم في الموضوع ان هما ناس ما معاهم بصارة و واصلين و لاني من لما قريت فاتحتها معش جيتها و لا شفتها خوها هددني يا ناخذها و تعيش معاي و طبعا بعد ما (سكت شويا ) بعد ما نطلقك يا اما هددني بشمس و بخواتي و امي و انا مش مستعد نخسرهم
انا نسمع فيه و مع كل كلمة قلبي يتمزق و كبدي تنحرق و تتمروج حاسة ان مش عبيدة شخص ثاني علاش مش قادر يشوفلي تي كيف يشرب عبيدة اللي عمره ما دخن يشرب كيف و بعدين مشيته من شهر انا نتفكرها و كأنها امس يعني لو كان كلامه صح و داير عملة زي هادي كيف ما نلاحظ عليه شي : و انا عادي تخسرني
عبيدة ضغط ع ايده بقوة و دمعته عبت عينه و بصوت متهالك و يائس : انت تلقي نصيبك يا بنت الناس و لو عندي معزة صغيرة في قلبك نبي لما نروح ما نشوفك بكل و يا ريت تمشي لخالك في تركيا لاني مش مستعد نشوفك في اي مكان
انا النار اللي راكبتني حاليا كفيلة انها تحرق بلدان مش بس قلبي : اااااه اااااه يااااارب وانت عندك عادي تفرط فيا و في صغارك
عبيدة : عارفك تهني عليهم بس البنت المسكينة هادي لو نسيبها يقتلوها و انا مش حاب نظلمها معاي لاني ..
انا شدِّيت في الورغان متاع السرير بكل قوتي : لانك شني عبيدة
عبيدة غمض عيونه و بلغ ريقه نار و سكاكين : لاني بديت نتعلق بيها و هي حامل ما نقدرش نخليها معاهم و نمشي يقتلوها و يقتلو ولدي
انا لا إراديا حطيت ايدي ع بطني : عبيدة كلامك اكيد يعني ما في شي جابرك
واهنئ عبيدة قام راْسه و شاف رائد يهدد فيه بالريموت وان بيحط ع الكاميرا اللي في داري : لا طبعا شن بيجبرني غير غلطة درتها خسرتني فيك وانا اصلا عارف يعني يا نور انت بترضي تكوني زوجة ثانية
انا انهرت نبكي : انا بديت عندك رقم يا عبيدة انا
و قاطعنا صوتها يا قداش ما تقشعر جسمي وقت سمعته اشمئزيت منه و من نفسي من كل شي
