نزل من التاكسي و كان واصل لقمة غضبه و نقمته من كل شخص كان ليه يد في اللي صار معانا
وصل في الباب و قبل ما يرن الجرس سمع أصوات عالية و دوشة تردد و بعدين حسم قراره
رِن الجرس
انفتح الباب و طلع منه مفتاح : اهلين يا ولدي تفضل
عبيدة كان منظره يخوف و واضح ان معصب : اهلًا ممكن نتكلموا شويا
مفتاح وسعله : تفضل يا ولدي
خش عبيدة و وقف : خلينا اهني ( أشر ع طاولة في الجنان)
مفتاح : زي ما تحب تفضل عن اذنك شويا نشوف العيلة
عبيدة : لا نبيك و مستعجل خليك معاي شويا
مفتاح استغرب اصراره بس ما كان منه غير ان يدير زي ما يبي قعمز مقابله : تفضل يا ولدي
عبيدة سكت لحظات
مفتاح : كيف حال بنتي نور ليها فترة معش جئتنا
عبيدة ضغط ع قبضة ايده و حب يغير الموضوع : اي سمعت دوشة و عراك قبل لا تفتحلي الباب و استغربت الحق
مفتاح تحشم و فهم ان عبيدة يحاسب فيه: سامحني يا ولدي بس مشاكل مع البنت الله يهديها خاطبها ولد خوي و ما ينعاب الحق وهي مسكرة راسها تاخذه كله لان يسكن في ### مافي شي ثاني
عبيدة حس انها جاته لعنده : لا يا عمي انا ما نحاسب فيك كل الموضوع ان انشغلت بس و باهي اللي فتحتلي الموضوع من عندك لاني جايك ع موضوع بنتك
مفتاح وجهه تغير : خيرها
عبيدة : اسمعني و ياريت تعذرني في الكلام لاني قبل معاهد نور اني ما نقولكش بس توا خلاص ما عاد نقدر ندس اللي صار .... (حكاله كل شي من بداية علاقتها برائد لعند شن دارت وقت حطت الكاميرات ) انا و قاسم بالله ما نبي نقولك قبل لاني عارف الموضوع واعر عليك بس بعد وصلت الامور لهني نقولك وانت تصرف معاها و الكلب اللي كان يضحك عليها هونا في المستشفى ملوح و لو طلع منها ح ينحبس طول يعني قوللها تنساه
مفتاح الدنيا ظلمت في عيونه و بصوت مخنوق : ونور بنتي وينها توا!'
عبيدة بان الحزن ع وجهه : ااااه ياريت نعرف يا عمي مازال ما عرفنا عنها شي ربي يستر و خلاص ادعيلها
مفتاح : ربي يسترها و يحفظها من كل ش
عبيدة من أعماقه : امين
وقف : هيا انا نستأذن
مفتاح : و الحوش ح نسيبوه بعد عملتها انا معش نقدر نقعد فيه
عبيدة باصرار : رد بالك تخليني نندم نور مامنة فيكم و بعدين تبي تفتح الحوش مدرسة لصغار الميتم و متأملة فيك انت تدير بالك عليهم
مفتاح : ان شاء الله
طلع عبيدة
و مفتاح خش للحوش و القاها مازال تتناقش مع امها
