قبل ما نبدأ في احداث الحلقة
نحبكم هلبة ع الدعم و التعليقات الحلوة زيكم❤️❤️
منصور كسر الحوش تكسير : انا يا كلبة تضحكي عليا و في الاخير تطلعي حامل من واحد #####
انا منصور اللي رفضت صغاري و لزيتهم لمجرد شكيت في امهم عارفهم صغاري لكن بعد شكيت في امهم قرفت منهم و معش تقبلتهم اخرتها نسجل ولد حرام ع اسمي يا ####
انا انا
دهش و نبض قلبه زاد
و اهني سمية استغلت ضعفه و ضمت ولدها لحضنها و جرت ع باب الحوش فتحاته و هربت تجري
لما كانت طالعة تجري
شافتها اخت منصور اسمها مبروكة مش متزوجة و تسكن تحت حوش خوها شكت فيها
سرعت خطواتها و وصلت للحوش ركبت بسرعة و تفاجئت بخوها طايح ع الارض و داهش
مبروكة بخوف : منصور ! منصور خيرك
منصور يتكلم بصوت داهش : عشمت فيا صابرة و صغارها يا بريكة
مبروكة ماتت من الخوف عليه خذت تيليفونها و اتصلت بسعد يكون ولد عّم منصور و يسكن قريب عليهم
مبروكة تبكي : سعد ألحقني بالله عليك منصور مريض
سعد : هيا جاي جاي
و بالفعل طلع بسرعة لسيارته شغلها و انطلق لحوش منصور نزله بمساعدة مبروكة و ركبوه السيارة و خذوه للمصحة
اسعاف
صباح اليوم الثاني اللي هو الأربعاء
صابرة و سعدة مقعمزات بيني و بين عهد يشوفوا في الحنة و البنات واقفات
سعدة : ماشاء الله ماشاء الله صحة صحة
صابرة: اي تبارك الرحمن صابغة حنتكم و مازال راهو تزيد
انا : تسلموا
عهد : سلمكم يا رب
عاتكة : يا وخيتي ما أحلاها في ايديكم تهبل
عايشة توري في ايديها : مش زي حنتي انا
سعدة فنصت فيها : تي باهي اللي خليناك اتحني انت ع غير طريق والوقت يخوف حتى ما تديري فيها شي في هلبة ما يتحملوا فيها حتى هكي باهي
صابرة : صدقتي وبعدين علاش مش عاجباتك وهي لونها زي الدم ساد
احني ضحنا: ههههههه
عايشة كبدها درهت: عليك تشبيه يما حسني بنرجع
وفي هاللحظة فاجئتنا عزة وقت خشت : ماشاء الله ريحة الحنة تجيب من وين
الكل سكت
و عاتكة كانت تشجع في عزة تكمل
عزة قربت من امها اول شي و باست ع راسها : سامحيني يا ماما و وعد معش نزعلك اخيي عليها حياتي وانت مش راضية عليا
