انا في لحظة غباء او ممكن استسلام مش عارفة بس كنت مسيرة وقتها مسلوبة الإرادة تماما تقدروا تقولوا
حطيت ع رقم البرنامج و اتصلت
اكثر من مرة ع شان شد الخط
أعطيت الممرضة التيليفون اللي فهمتها شن نبي بصوت واطي لاني مش حابة نستنفذ طاقتي
ردوا عليها في الكنترول
: ايوا
الممرضة : يا خوي اللي متصلة بيكم وضعها الصحي تعبان شويا ياريت تخلوها تتكلم ع طول
: من معانا باهي ع شان نعطوهم علم
الممرضة شافتلي
انا غمضت عيوني بموافقة
الممرضة : نجمة قطبية
: هههه حلو الاسم تمام
عند عبيدة اللي كان مدرس السيارة قدام المصحة متاعي و يسمع في البرنامج حس ان يستنى بدون فايدة شغل السيارة و كان ح يطلع
بس
عزة اللي سمعت الاسم و للحظة جمدت هي عارفة تماما ان الاسم هذا مسميهولي عبيدة: دخلها ع طول
مراد : شن في
عزة شدت في ايده و همستله : شكلها نور
مراد تفاجا ع الاخر
عزة بصوت مخنوق : و رجعنالكم اعزائي المستمعين و معانا الاخت نجمة قطبية
نجمة قطبية
يتكرر الاسم بالصدى اكثر من مرة
عبيدة بدّي زي المجنون يعلي في الصوت : هي هي
طبس ع المسجل و قرب منه :انت نور هادي انت صح اااااه ان شاء الله يارب تكون هي يا رب
انا تكلمت بصوت تاعب : السلام عليكم
عبيدة عيط : اااااااااااااه هي و قاسم بالله هي
عزة حطت ايدها ع فمها و اشرت ع مراد يرد
مراد : و عليكم السلام نجمة قطبية تفضلي اختاري رقم خمسة او ستة
عبيدة شغل السيارة و ع طول للقناة و كأن ح يشوفني غادي تركيزه كله في صوت الراديو
انا : شكرا نختار خمسة
مراد : تمام خلونا نسمعوا شن عندنا في رقم خمسة
أشواقي و البال
أشواقي و البال.. انظاري و أشواقي و البال
عليك هبال .. يراجن في الغايب مازال
💔💔💔💔💔
انظاري و أشواقي. . و العمر اللي فاضل باقي
