عبيدة و لا كأن حد يكلم فيه مشي في طريقه للمطبخ و المفاجاة كانت
قبل نص ساعة
فقت بكري لان عندي عملية التسعة معناها لازم نمشي قبلها بوقت و لان عبيدة يبي يوصلني هو قلت نجهز روحي و نمشي معاه مرة وحدة
القيت عاتكة بس في المطبخ و شميت ريحة القهوة لكن ما في شي: صباح الخير عاتكة كيف حالك اليوم
عاتكة تنشف في ايديها : صباح النور الحمدلله انت اللي كيف حالك
انا : الحمدلله ( سكتت لكن واضح ان عندي كلام و مترددة نقوله )
عاتكة فهمت عليا: تبي شي؟
انا نواسي في وشعري : الحق منسالك عبيدة شن يفطر منوتي الفطور قبل ما نمشوا
عاتكة ارتبكت : قصدك بتمشي معاه ؟
انا استغربتها : اي علاش؟
عاتكة تنهدت : ماهو عزة شكلها طيبتله القهوة
انا كنت متمنية نديرها و قبل منسال عاتكة ع الطريقة ( حسبتوا اني نتكلم ع كيكة مش قهوة صح 😂😂، الله غالب ما نعرف شي قلتلكم) مش مشكلة قبل منديرهاله انا
عاتكة : باهي ديدي و نشرب انا وياك لاني منركب سفنز
انا فتحت عيوني : قصدك تعرفي؟
عاتكة حولت الغطاء من ع الصفرة اللي مقرصة فيها السفنز : طبعا نعرف حسستيني حاجة كبيرة
انا في خاطري نهارك احرف يا نور السفنز قالت مش حاجة كبيرة اماله شن هو اللي كبير : اي قلتلك وين القهوة
طلعتلي عاتكة القهوة : اهيا
و بديت نراجع في الفيديو اللي شفته: شن يحبها عبيدة قهوته ؟
عاتكة ابتسمت وهي تطرح في السفنز: قهوته معدلة
انا : انا نحبها سادة و انت؟
عاتكة ضحكت: هههه سبحان الله حتى انا سادة
انا حطيت الميا و صبيت البن و حركته وحطيته ع الغاز و نتفرج ع عانكة : وين الفناجين؟
عانكة اشرت ع الودولاب: افتحي اول دولاب فوق
فتحته و ألقيت الفناجين خذيت اثنين
دخل عبيدة : خليهم ثلاثة
انا لفيت و خبطت الدولاب برأسي: اااه
عبيدة قدم يشوف في اثر الخبطة : بِسْم الله خيرك مستعجلة؟
انا مغمضة عيوني من الالم : صباح الخير
عبيدةًحط ايده ع جبهتي و يمشي في صبعه عليها : صباح النور علاش مش منتبهة؟
انا : نحسابك مازال راقد انخلعت لما سمعت صوتك
عبيدة ببصارة : شكلي نخوف في الناس يا عاتكة ؟!
انا : 😳😳😳
