ألقيت أوس قدامي يشوفلي و عيونه حزينة مدلي مفتاح السيارة : بتمشي؟!
انا خذيت المفتاح وسيبته و مشيت جي وراي : قولي بتمشي ؟
انا طلعت قدام الحوش و قعمزت ع المادة و حطيت ايدي جنبي : قعمز
جي و قعمز
انا : منمشي يا اوس و منامنك ع صغار الميتم ديما زورهم و كمل معاهم النشاطات اللي تدير فيهم و اي حاجة تبيها كلم ابلة وفاء او نوري وهما مش ح يقصروا معاك
اوس فمه يرجف : بس انا نبي ندير كل شي انا وياك زي قبل
انا بحزن : الله غالب في الدنيا هادي مش كل شي نتمنوه نقدروا نديروه في حاجات تصير اقوى منا تخلينا نتراجعوا ع قراراتنا
اوس بغضب مسح دموعه في كمه : خالي هوا السبب صح ؟! دار زي ما دار بابا سمعت ماما و خالاتي يحكوا صح
انا معش عرفت كيف نتعامل معاه: لا يا آوس مش هو بس السبب حتى اتا يعني مش متفاهمين و رد بالك تزعل منه خالك لان يحبك هلبة
اوس وقف : و انا معش نحبه معش نحب حد لان اللي نحبه يمشي و يسيبني
و مشي بسرعة للمربوعة و سكر الباب
و انا وجعني قلبي عليه و لحظات فاتت وانا نتامل في المكان اللي من غدوا مش ح نكون جزء منه خلاص و معش نشوفه كل مكان فيع ذكرى معاه و مع العيلة تعوذت من الشيطان و رجعت جنب خالتي سعدة و شمس لان صابرة رقدت في دارها
و يا ما اوعر ساعات الليل ع اللي مفارق خليله !!
🌞🌞🌞🌞
صباح ثاني يوم
انا طول الليل ما قدرتش نرقد ممكن ساعتين اللي رقدتهم بعد الفجر
فقت القيت شمس يبوس فيا ابتسمت لان هو فعلا شمس حياتي : صباح الخير ماما
شمس مبتسم : بابا
انا غمضت عيوني و قعمزت نواسي في شعري شفت خالتي سعدة قدامي : صباح الخير
سعدة : صباح النور طولتي في النوم
انا : كم الساعة ؟!
سعدة : قريب ضحى خلاص
انا ضميت فراشي انا و شمس و مشيت حطيتهم في دار البنات القيت عويشة مقعمزة و واضح التعب عليها : صباح الخير ، خيرك عويشة
عويشة تتوجع: بكل نحس في جسمي كله يسطر
انا حظت الفراشات و المخاد و جيتها : خذيتي دواك ؟!
عويشة تهربت مني : اه
انا بلوم : مكمل صح
عويشة تحشمت : عبيدة مش موجود و الحق تحشمت نوصي عليه حد
انا : عيب عليك تديري هكي معش تهملي صحتك اقل شي ع شان عبيدة (سكتت) الصغير محتاجلك و لو تسمعي مني اعطي فرصة لمعاد صدقيني يحبك حتى ولو غلط اك ادبتيه
