وصلنا القيت روحي قدام حوش اهل عبيدة فتحت عيوني بتعب و بصوت مبحوح : وصلنا؟!
عبيدة قرب و باس راسي : وصلنا يا حبي ❤️
انا تكسلت شويا : هيا خلينا ننزلوا
نزل و فتحلي باب السيارة ومد ايده : هيا
مديتله ايدي و ساعدني ننزل فتح الباب الرئيسي : تفضلي
انا ضغطت ع ايده : شكرًا
دخلنا مع بعض نتفحص في كل شي بعيوني كل شي مستاحشاته و نحس فيه يرحب بيا كل شي بسيط لكن جميل و مؤثر من الورد اللي في جردينة الجنان للمادة اللي قعمزنا عليها اكثر من مرة واللي كان مقعمز عليها هو و عاتكة لما زرتهم اول مرة و تيقنت من عشقي ليه
عبيدة قرب و همسلي : وين وصلتي ؟!
انا : وين يعني عندك
عبيدة : مازال مازال ما وصلتيش تعالي معاي
شدني من ايدي و خشينا للحوش استغربت ان فاضي : حبيبي وينهم؟!
عبيدة : ما قلت لحد تعالي ارتاحي و خوذي دواك اليوم ليك و ليا بس راحة و اهتمام و دلع و غدوا نمشولهم في حوش حناي
انا وجهي احمر : بس شمس مستاحشاته
عبيدة : انت قلتي ح تتحملي انتقامي و راضية صح والا
انا برضا تام : لا معاك حق خلاص سكتت
عبيدة أشر ع دارنا : معناها هيا
انا : هيا
مشيت جنبا لجنب معاه لدارنا اول ما فتحها تنهدت لان عي عالم سعادتي ببساطة قدر عبيدة يصنع سعادتي من حاجات عادية و بسيطة في الشكل و السعر و لكن عميقة ى حلوة في الجوهر و المعنى
عبيدة : جابني من ايديا الاثنين و قعمزني ع السرير : خليك مرتاحة اهني
انا مستغربة ع شن ناوي هذا يا رب : قعمزنا
عبيدة مشي بسرعة و طلع من الدار غاب كدة عشر دقايق و جي طلعلي ملابس داخلية و ديشمبر و بجامة لونها ياجورية نظام شورت لنص الساق و التوب اكمامه حائرات و خذاني من ايدي و دخلني للحمام اكرمكم الله
انا نشوفله و مش فاهمة : عبيدة شن هذا ؟!
عبيدة بتفنيصة : هذا انتقامي و ح ترضي بيه نور يالله
انا تحشمت منه: حبيبي مش هكي عاد ! نتحشم
عبيدة باصرار : هياااااا
انا سكتت
قرب مني حولي العباية و القفطان اللي تحتها مع كل حركة كنت ندوب في روحي و نتحشم اكثر بس عشقي و جنوني بيه يكبر
تصدقوا دوالي زي الام وقت تدوش لطفلها آول مرة و تخاف تضرهبدون قصد كان حنون لابعد حد وانت متحشمة و مش قادرة نحط عيني في عينه و هو ما كان مهتم لشي طول الوقت يحكيلي ع كلام الدكتور وكيف لازم نحافظ ع نفسي
