انا نفتح في عيوني و نسكر و مش مصدقة اللي نشوف فيه و اول ما استوعبت الشخص اللي قدامي كنت ح نعيط
بس بسرعة البرق حط ايده ع فمي
انا: امممممم
: اسسسس
انا حركت راسي بموافقة لكلامه
حول ايده
و انا قعمزت حسّيت بالم بسيط في كتفي : اااااه انت انت عبيدة عبيدة والا انا نتخيل عبيدة صح و قاسم بالله الا عبيدة
حبيبي انت مسامحني ما سيبتنيش وين انا عبيدة انت انت عبيدة رد عليا حرام عليك
عبيدة ضمني ليه و يبكي من وسط خاطره : عبيدة يا روحه انت و يا قلبه و حياته عبيدة مستحيل يفرط فيك ولو ع قطع رقبته
انا مسحت دموعي : باهي انت مش قلت ع شان البيبي اللي
عبيدة حط ايده ع فمي : اسسسس شمسنا قاعدة يانجمتي البيبي ما فيه شي
انا بصدمة: بس انت و الدكتور قلتوا ان
عبيدة خذاني في حضنه ثاني : كان لازم ندير هكي ع شان نحميك انت وياه من الكل كذبت عليك ع شانك
انا باعدت عنه و بديت نضرب فيه زي المجنونة : حرام عليك عبيدة قتلتني حرام عليك حرقتلي قلبي حرق حراااام عليك
شويا و بديت نبوس فيه في كل مكان في وجهه و راْسه و جبينه انجنيت مرة وحدة مش مصدقة ان معاي و جنبي
عبيدة نفس الشي بدّي يبوس فيا و يحضن فيا بتملك : عمري ما نسلم فيك يا مهبولة تحسابي روحك رخيصة عندي راك غالية و غالية هلبة
في حوش سعدة
سعدة تخبط ع رجليها : اي غير وين رفعها هالمتروشق هذا بس
عاتكة تضحك: ههههههه وين بيرفعها يعني يا حناي اكيد لمكان ما يوصل فيه لا منصور و لا مرة بوها الشريرة
صابرة تنهدت براحة : الله لا تربحهم الله لا تربحهم عاد كله نتوقع يديروه الا ان يتصنطوا علينا في حوشنا
عزة شافت لاوس : البركة في اوس و كان هذا راهو ضعنا
Flashback
قبل يومين
جتهم مبروكة ع اساس تتعرف ع البنات و تعتذر من صابرة و تطلب منها تخلي عبيدة يسامح بوه
صابرة رفضت تطلعلها من الأصل
و البنات كانوا عزة و عاتكة و بس عويشة طالعة مع معاد
سعدة : جيتك ما يبيها حد يا ريت تطلعي و تولي من وين ما جيتي
مبروكة ع اساس تسبح في دميعاتها : خالتي مازلتي ما تحبيني
سعدة قلبت عيونها : و شن فيك زيادة يستحب توا ع قبل قاعدة في سمك و كما زايدة و الا تحسابي كان بكيتي قدامي منصدقك
