خذتنا نومه طويلة و ما فقنا الا و العصر اذن ليه قريب نص ساعة و اللي فيقنا
صوت تيليفون عبيدة
ترن ترن
انا باعدت عنه القيت روحي في الصالة ع الفراش و عبيدة جنبي تغطيت : احم عبيدة
عبيدة فاتح عين و مسكر عين : شني
انا اشرت ع تيليفونه: تيليفونك يرن
عبيدة شافه و داره ع الصامت : احم هذا معاد اكيد بيشوف لو مشينا للاستراحة او لا
انا : اها ، كم الساعة؟
عبيدة : الستة
انا انخلعت: حي طولنا هيا نوض لاني مندوش و نصلي
عبيدة شافلي ع جنب : و نوضي انت علاش ضروري انا
انا وجهي احمر : عبيدة نتحشم
عبيدة ضحك : هههههههههه حي حي مازال فيها حشم ع قولة حناي سعدة طاح الغطا يا مبمكة
انا : 😳😳😳😳
عبيدة كملها يضحك : هههههه خيرك تفنصي و وجهك احمر
انا : توا بتنوض والا كيف
عبيدة وقف : نضت نضت
انا ع طول نزلت عيوني
و يقيمني في غمره : توا نوريك الحشم كيف !! و بعدين وقت تشوفيني خلاص عيونك يتعلقوا فيا و ممنوع تنزليهم
انا دخلت راسي في صدره لاني تحشمت : باهي خلااااااص خليني ندوش و نصلي وقت
عبيدة ماشي بيا للحمام ( اكرمكم الله) : و حتى احني ماشيين بندوشوا
انا قريب متت لما فكرت في معنى كلامه: لالا عبيدة ما تفكر حتى التفكير فيه الموضوع هذا
عبيدة بمكر : فكرت و قررت و جاهز للتنفيذ
و بالفعل دوشنا و طلعنا
لَبْس هو تيشرت احمر 🙄 طبعا و سروال اسود و انا لبست قفطان قصير لونه وردي و مخصر
مشطت شعري و صلينا مع بعض
عبيدة: شن رايك نديروا عشانا قلايا و معاها بطاطا مقلية و شوية سلاطة مشوية اممممهااااه بنة بعد هكي فساد
انا بعد تفكير ... كلهم ما خذيتهمش ماعدا السلاطة و ما فكرت اني ع طول منطيب قلت اقل شي بعد فترة نكون تعلمت ع المزبوط
عبيدة : هوووي وين مشيتي ؟! نبيك تذوقي القلاية من تحت ايديا
انا استريحت لما قال هكي : تمام قلتلك من قبل اللي تبيه نديره
عبيدة : قلتي لكن في حاجات و حاجات لا
انا غيرت الموضوع: خلاص انا خليني نوتي مكان تقعميزتنا
عبيدة مش فاهم قصدي : كيف يعني
انا غمزتله : استنى و شوف
عبيدة عض ع فمه : توا نشوفوا يالله
