عبيدة يلف بيا لعند انا عيطت : ااااه خلاااااااااص عبيدة راسي داخ وقف
عبيدة وقف و حطني ع الارض حول الملاية من ع راسي : سلامة رأسك من الدوخة ساد مدوختني انا وراك
أشر ع القطعة اللي تحت متاع الملاية : حوليها
انا كنت داهشة ع متوترة ع هايمة فيه مشاعر مختلطة مش قادرة نفرق اي منها اللي مسيطر عليا حولت الملاية من ايده و حطيتها ع الطاولة و بعدها حولت القطعة الثانية و قربت شدِّيت في ايده و نتامل في تفاصيله من قريب هوا اللي مذهل حاسة روحي جنبه ولا شي
عبيدة شدني من ايدي و لفني و صفر : شنو هذا ؟! ما هذا يا هذا
انا ابتسمت و نزلت راسي و حاسة اني زي الثلج وقت يقربوه للنار يدوب بكل سهولة ما تقولوا نفسه اللي كان بارد و قاسي و صلب انا بنفس الوضعية
عبيدة يمشي في ايده ع شعري و بصوت هادي و حنون : جاعانة حبي؟
انا بصوت ناعس : لا
عبيدة حاوط خصري بأيديه : معناها نمشوا لدارنا نهدرزوا مع بعض
انا بتأثيره الكبير عليا : هيا
مشينا مع بعض حطني ع السرير و قعمز جنبي و يتأمل فيا حط ايده ع عيني : من اول يوم شفتيلي فيه بطرف عينك هادي نظرة عابرة حسّيت و كأن رصاصة ارتشقت في قلبي اهنئ و قاسم بالله قاعد انحس في حرارة جمرتها لتوا و قداش عصبت وقتها لاني عرفت انك حلم بعيد صعب نوصله و ( باسني ع عيني)
انا من كلامه و صدق مشاعره مش قادرة ناخذ انفاسي و وقت باسني ع عيني غمضتله و نزلت دمعتي : و انا من نفس اللحظة اللي قلت عليها و لمحتك بعيني حسّيت قلبي من لحظتها أعلن عن تمرده عليا فقدت سيطرتي عليه و بدّي طول الوقت ملهوف عليك رفضت الشيء هدا بكل قوتي يا عبيدة حاولت نتعامل معاك بقسوة و برادة دم تعاركت معاك ( ضحكت) ههههه كله كوم و يوم نزلتني من السيارة بالقوة قدام الناس كوم ثاني عصبت منك اكثر و قلت هذا عارف تاثيره عليا ويبي يستغله و عرشان هكي كان لازم نرد عليك
عبيدة باسني ع خدي : و رديتي احلى رد صح عصبت وقتها لان اللي درتيه لو داره حد ثاني كنت قتلته بس انت قعدت وراك لعند حاولت نرد حقي غلطت صح بس غلطة اعطاتك ليا هدية و صرتي مرتي قدام الدنيا كلها و انا اللي كنت نشوف فيك نجمة بعيدة وليتي نجمتي القطبية انا بس نملكها
انا مروحت ع وجهي من كثر الحرارة اللي حاسة بيها و التوتر اللي مسيطر عليا
و قرب مني عبيدة لينهي لحظات التوتر و الخوف والرهبة ع شان يعيشني لحظات حب و عشق و امتلاك من نوع اخر صوت فيهم ملكه و ليه تغلغل في دمي اكثر و ملكني بكل ما فيا غبت ع عالم الناس و رحت في عالمي انا وياه انا وعبيدة بس و تهنيت و يا رب دوم الهنا علينا و ع حياتنا ❤️❤️❤️❤️
