اكثر من مرة نقول مش دايرة تابع ع شان نتفرغ للحلقة اللي بعدها بس مجرد ما نقرا تعليقاتكم لا اقدر ولَم أستطيع و لا أقاوم 🙈🙈🙈 نحبكم هلبة هلبااااااااااااااااااااااااات ❤️❤️❤️❤️❤️
________________________
عبيدة قري الرسالة و شد فرينو
( لو تهمك سمعة امك تعالى لفندق ال ##### غرفة رقم 300 توا و حالا )
عبيدة قلبه يطق بسرعة و ايده ع راْسه و يكرر في حركته المعروفة و مذهول شن يقصد بوه من اللعب معاه بالطريقة هادي لف و اتجه لعنوان الفندق
عندي انا
انا باستغراب للرقم اللي كرر اتصاله اكثر من مرة
رديت : ايوا
جاني صوته صوت بوه اللي حفظته من مرة: لو تهمك صابرة و ولدها تجي لفندق ال#### غرفة رقم 300
طوط
طوط
وقلبي مع كل طوط يزيد يدق بسرعة
وقفت السيارة
لاحظني معاد وقف و نزل و جاني طق ع المرش
شفته و نزلته
معاد لاحظ اني مش ع بعضي : دكتورة لا باس
انا مش مستوعبة شي: كلمني و قالي تعالي لو ما تبي صابرة تنقضح !!!
معاد وجهه تغير : مني و شن يبي منك؟!
انا كنت ضايعة لدرجة اني ما ركزت اني نحكي لمعاد صاحب و خو عبيدة : منصور بو عبيدة
معاد عَصّب و ضرب السيارة برجله : شن الانسان هذا ؟! اسمعي ما تمشيش
انا حركت راسي يمين و يسار : ما نقدرش معاد مرات يديرلهم حاجة تضرهم نندم طول عمري
معاد: تعرفي كيف امشي و انا نمشي وراك و ابعثي رسالة لعبيدة باللي صار و اللي وصلك احتياط هذا غدار و مرات داير فيلم ع شان يورطك في مصيبة
انا : اي اي معاك حق
معاد : يالله
و بالفعل شغلت السيارة و قبلها بعثت مسج لعبيدة
و انطلقت بالسيارة
عبيدة لان كان معصب ما انتبه للرسالة يسوق وهو مش قادر يتخيل شن ح يدير في منصور مجرد وصوله للفندق
و بعد فترة وقت قريب يوصل تفكرني و قرر يتصل بيا يعطيني علم
خذي تيليفونه و شاف المسج : لالا!!! نور لا ما تمشيش اااااه
بدّي يتصل بيا و هو بينجن
انا درست قدام الفندق
رِن تيليفوني و معاد درس جنبي و نزل
رديت : حبيبي
عبيدة : نور !! نور ما تمشيش ارجعي يا نور
انا نشوف للفندق : عبيدة انا وصلت و ما تخافش عليا معاد معاي
