[COMPLETED] ဗီလိန်ဗျူဟာ || ဘာသာပြန်

[၇၄] ရန်ဖြစ်လိုက်၊ ပြန်ချစ်လိုက်။

!unicode!

အခန်း(၇၄) ရန်ဖြစ်လိုက်၊ ပြန်ချစ်လိုက်။
...

သူ၏စကားများမှာ အကျိုးအကြောင်းသင့်ပေမဲ့ တစ္ဆေဘုရားကျောင်းကိုအရေးကြီးသည့်ဇာတ်ကြောင်း၌ ပါဝင်ရုံသာမက၊ လောဂျစ်အားဖြင့် ယင်းကား [အမှန်တရားကိုရှာဖွေခြင်း]မစ်ရှင်နှင့် ဆယ်နွယ်မှုတစ်ချို့ရှိနေပေလိမ့်မည်။ အကယ်၍သာ ဘုရားကျောင်းကိုတကယ်ဖောက်ခွဲပစ်လိုက်မည်ဆိုလျှင်၊ များစွာသောခြောက်ခြားဖွယ်ကောင်းသည့်အရာများလိုက်ပါလာနိုင်သည်ပင်။

ယွင်ရှဲ့ပြောသည်ကိုကြားလိုက်ရပြီးနောက်၊ ကျန်းရွှင်းယီ၏လက်ဟာ ခေတ္တမျှတန့်သွားပြီးနောက်၌ စကားလုံးအနည်းငယ်အ​မြန်ချရေးလိုက်ပြီး စာရွက်လိပ်ကာယွီဟုန်၏လက်မောင်းကြားထည့်ပေးလိုက်သည်။
"ဒါဆိုရင်တော့ ငါစိတ်မကောင်းပါဘူး၊ ငါ့ထင်မြင်ချက်က မင်းနဲ့ဆန့်ကျင်ဖက်ပဲ။ တကယ်လို့ ဘုရားကျောင်းကိုဖောက်ခွဲဖို့တကယ်ဖြစ်လာခဲ့ရင် ငါတို့ထဲကတစ်ယောက်နဲ့တင်လုံလောက်ပါတယ်။ ငါဘုရားကျောင်းထဲဝင်မယ်၊ မင်းအပြင်မှာဖြေရှင်းလို့ရတာပေါ့..."

ယွင်ရှဲ့ရုတ်တရက်ဒေါပွလာကာ ဖြတ်ပြောမိသည်။
"ငါစောင့်ကြည့်နေတဲ့အချိန်၊ မင်းကအထဲဝင်သွားမယ်ပေါ့လေ။ မင်းလာနောက်နေတာလား! မင်းကဒီလိုတောင်ပြောနေသေးတယ်!"

ကျန်းရွှင်းယီသည် ကနဦးအစ၌ ဒါကိုမှင်သေသေပြောလိုက်ပေမဲ့ ယွင်ရှဲ့နှင့်ရင်ဆိုင်လိုက်ရသော် ဆိုးဝါးသည်ဟုခံစားမိလိုက်ကာ လွှတ်ခနဲပြောမိသည်။
"ယွင်ရှဲ့၊ ငါတောင်းပန်ပါတယ်။"

သူတောင်းပန်လာလိမ့်မည်ဟု ယွင်ရှဲ့မမျှော်လင့်ထားမိပေ၊ ထို့ကြောင့် သူတန့်သွားရကာ မျက်နှာအမူအရာပျော့ပြောင်းသွားရင်းဖြင့် ကျန်းရွှင်းယီ၏ပုခုံးပေါ်လက်တင်လိုက်သည်။
"အားရွှင်း၊ ကိုယ်နားလည်ထားသလိုဆိုရင် မင်းက တစ္ဆေဘုရားကျောင်းအကြောင်းစပ်စုချင်တဲ့သူမျိုးမဟုတ်ပါဘူး။ ဒီအတွက်အကြောင်းပြချက်ကို မင်းကိုယ့်ကိုပြောပြလို့ရမလား။"

ကျန်းရွှင်းယီမျက်လုံးများမှိတ်လိုက်သည့်တိုင် အဖြေရှာမရတာကြောင့် သူပြန်ဖြေလိုက်သည်။
"တောင်းပန်ပါတယ်။ ငါလုပ်ကိုလုပ်ရမယ့်အရာရှိလို့ပါ။ တစ္ဆေဘုရားကျောင်းကထူးဆန်းပြီးတော့ ပြဿနာတွေလဲအများကြီးပဲ။ အကယ်၍ ငါတို့သာ ဒီဘုရားကျောင်းကိုအတင်းအကြပ်ဖောက်ခွဲပစ်လိုက်ရင် ဘယ်လိုအကျိုးဆက်တွေဖြစ်လာမယ်မှန်းငါတို့မသိဘူးလေ။ ငါတို့သွားမကြည့်ရင် ဒီလိုအလောတကြီးဆုံးဖြတ်ချက်ချဖို့ သေချာသိမှာမဟုတ်ဘူး။ ငါ့မျက်စိနဲ့တပ်အပ်မကြည့်ရရင် ငါအဆင်မပြေဖြစ်နေရလိမ့်မယ်။"