[COMPLETED] ဗီလိန်ဗျူဟာ || ဘာသာပြန်

[၈၄] မိတ်ဆွေဟောင်းများပြန်လည်ဆုံစည်းခြင်း။

!unicode!

အခန်း(၉၁) မိတ်ဆွေဟောင်းများပြန်လည်ဆုံစည်းခြင်း။

......

သူသည် လက်ကိုင်ပုဝါအားဘေးသို့ပစ်လိုက်ပြီးနောက်၊ သူ့လည်ပင်းပေါ်ကတစ်စုံတစ်ခုကိုချွတ်လိုက်၏။ သူသည် ကျန်းရွှင်းယီဖက်သို့လျှောက်လာကာ သူ၏လည်တိုင်ပေါ်တွင်ချိတ်ဆွဲပေးလာသည်။

သူ့ရင်ဘတ်ပေါ်တွင်တွဲလောင်းကျနေသောဂိုဏ်းချုပ်တံဆိပ်ကို ကျန်းရွှင်းယီငုံ့ကြည့်လိုက်ကာ သူ၏အသံထဲတွင်အံ့အားသင့်များပြည့်နှက်နေပေသည်။
"ဒါက.."

"ဒီတံဆိပ်က အစကတည်းကမင်းပိုင်တာပဲလေ၊ အခုငါမင်းကိုပြန်ပေးလိုက်ပြီ။"
ကျန်းမော့လုံကခေါင်းလှည့်ကာ ဇီဟွေ့ကိုအေးစက်စွာစိုက်ကြည့်လိုက်သည်။
"ရှစ်ရှုန်းရဲ့ဘဝအတွေ့အကြုံကိုအရေးမထားဘဲ သူက ကျွန်တော်တို့ရဲ့နှလုံးသားထဲမှာ အမြဲတမ်းဂိုဏ်းချုပ်ဖြစ်နေမှာပဲ။ အသရေဖျက်သူများကို သေဒဏ်ပေးရလိမ့်မယ်။"

ကျန်းရွှင်းယီသည် ဂိုဏ်းချုပ်တံဆိပ်ကိုဖယ်ရှားရန်လက်ဆန့်ထုတ်လိုက်သည်။ သို့ပေမဲ့ ကျန်းမော့လုံကတားလာပြီး ကျန်းရွှင်းယီ၏ရင်ဘတ်ပေါ်ကဆွဲသီးကိုဖိချလာခဲ့သည်။ သူလှည့်ကာမေးလိုက်သည်။
"မင်းတို့ကောဘယ်လိုထင်လဲ။"

သူ့အနောက်၌မူ၊ ဓားစမ်းသပ်ရေးညီလာခံတွင်ပူးပေါင်းရန်လာခဲ့ကြသည့် လင်းယင်ဂိုဏ်းသားများရောက်နေကြရင်း သူတို့သည် ထိုစကားများကိုကြားလိုက်ရပြီးနောက် မြင်းပေါ်မှအတူဆင်းလိုက်ကြသည်။ အရိုအသေပေးခြင်းနှင့်အတူ သူတို့ကတစ်ညီတည်းပြောလာခဲ့သည်။
"ဒီတပည့်ဂိုဏ်းသားတွေက ဆရာတူအစ်ကိုကြီးကို ဂိုဏ်းချုပ်အဖြစ်သတ်မှတ်ပါတယ်!"

ကျန်းရွှင်းယီကား ဂိုဏ်းကိုဝင်လာသည့်ပထမဆုံးတစ်ယောက်မဟုတ်ခဲ့သော်လည်း သူကား တပည့်ဂိုဏ်းသားခေါင်းဆောင်ဖြစ်၏။ ယွီဟုန်၏ဖခင်ယွီလင်းသေဆုံးပြီးသည့်နောက်တွင်၊ လူတိုင်းက သူ့အား အကြီးဆုံးရှစ်ရှုန်းဟု သတ်မှတ်ခဲ့ကြသည်။

"အစ်ကို" မော့လုံကတီးတိုးပြောသည်။
"မင်းကြည့်လေ၊ သူတို့ကရိုးသားတယ်။ ဒီရာထူးကမင်းပိုင်တာပါ။ မင်းဝတ်ရုံရှည်ကိုဝတ်မဲ့နေ့ကို ငါစောင့်နေခဲ့တာ။"