[COMPLETED] ဗီလိန်ဗျူဟာ || ဘာသာပြန်

[၁၅] ရင်အန်း။

အခန်း(၁၅) ရင်အန်း။

"ယွဲ့လီမြို့တော်ကထူးဆန်းတဲ့ကိစ္စတွေက တကယ်ထူးဆန်းတယ်..."

ဝူထျန်းချီကအခြေအနေကိုမြင်လိုက်ပြီးတော့ အလျင်စလိုပြောလာသည်။
"မင်းတို့နှစ်ယောက်လုံး၊ ခဏနေကြပါအုံး! မင်းတို့နှစ်ယောက်ဒီကိုရောက်လာပြီးမှတော့ ကျွန်တော်ကလည်းဒီနယ်မြေရဲ့အရှင်အနေနဲ့  ဧည့်ဝတ်ကျေပွန်ပါရစေ။ ကျွန်တော့်နေရာမှာ ဧည့်သည်အခန်းတွေအများကြီးရှိပါတယ်။ တကယ်လို့ကျွန်တော်ဖိတ်ခွင့်ရရင်..."

သူပြော၍မပြီးသေးမီ ယွင်ရှဲ့ကမယဥ်ကျေးစွာနှင့်ကြားဖြတ်ပြောလာသည်။
"မလို..အိစ်..ကိစ္စမရှိပါဘူး၊ အဲ့ဒါက၊ အ၊ အားရွှင်းနဲ့ကျွန်တော်က ဂိုဏ်းသခင်ဝူရဲ့ဧည့်ဝတ်ကျေမှုကိုမေးမလို့စဥ်းစားနေတာပါ၊ဟဟ။""

သူသည်အစကတော့ငြင်းဆန်ချင်ပေမဲ့ ပထမစကားလုံးကိုပြောလိုက်အပြီးတွင် သူ၏ခါးမှာကျန်းရွှင်းယီထံမှအရမ်းအရမ်းအရမ်းကိုဆွဲဆိတ်ခြင်းခံလိုက်ရပေသည်။ ယွင်ရှဲ့ဖမ်းဆုပ်မိလိုက်ကာ အလျင်စလိုပြန်ပြောင်းပြောလိုက်ရသည်။

ဝူထျန်းချီအလွန်ပျော်ရွှင်သွားကာ သူတို့ကိုဦးဆောင်ပြီးခေါ်သွားတော့သည်။ အနောက်တွင်မူ ယွင်ရှဲ့ကအံကြိတ်၍ ကျန်းရွှင်းယီကိုစိုက်ကြည့်လိုက်သည်။
"မင်းငါ့ကိုဆွဲဆိတ်ခံရပြီးသေသွားစေချင်နေတာလား။ ထွက်သွားချင်တာလည်းမင်းပဲ၊ ပြီးတော့အခုကျနေချင်ပြန်ရော၊ မင်းရဲ့ဦးနှောက်ကတစ်ခုခုဖြစ်နေတာလား။"

ကျန်းရွှင်းယီပျင်းရိစွာပြောလိုက်သည်။ “ရင်အန်းဂိုဏ်းက ယွဲ့လီမြို့တော်မှာအကြီးဆုံးကျင့်ကြံရေးဂိုဏ်းပဲ။ ဒီတော့ ဘာတွေဖြစ်နေလဲဆိုတာသူတို့သိကိုသိရမယ်။ ငါတို့တွေသတင်းနည်းနည်းစုံစမ်းဖို့ ဝူထျန်းချီရဲ့နေရာကိုသွားသင့်တယ်လို့ ငါတွေးမိလို့ပါ။ ပြီးတော့ မင်းရဲ့အရေပြားကအရမ်းတော့ ငါအားနည်းနည်းလေးပဲသုံးလိုက်လို့ရှိရင် မင်းဘာမှမခံစားရမှာစိုးလို့ပါ။ ဆိုးလိုက်တဲ့ငါ~"

ယွင်ရှဲ့ကပြန်လည်ငြင်းဆန်ရန်ပြင်လိုက်သည်။ သို့ပေမဲ့ သူခေါင်းစောင်းကြည့်လိုက်ရာ ကျန်းရွှင်းယီ၏မျက်လုံးလေးများကညင်သာစွာတောက်ပလျက်ရှိပြီး အပြုံးယောင်ယောင်လေးဖြင့်သူ့ကိုစိုက်ကြည့်နေသည်ကို မြင်လိုက်ရသည်။ သူ၏မျက်ခုံးများမှာပြေလျော့လျက်ရှိကာ သူ၏အသားအရည်မှာလည်း ကျောက်စိမ်းပမာကြည်လင်တောက်ပနေလေရာ မဖော်ပြနိုင်လောက်အောင်လှပနေသဖြင့် ယွင်ရှဲ့တစ်ယောက်မည်သို့ပြန်ပြောရမှန်းမေ့သွားသည်အထိ တစ်ခဏတာညှို့ယူဆွဲဆောင်ခံလိုက်ရသည်။