كلنا عندنا احلام و كلنا عندنا طموحات بس ازاي نحققها ؟؟
عاوزين تعرفوا ازاي صح
طب لما تعرفوا قولولي ونبي عشان انا فاشله اوووي و حياتي بايظه مااشي
ليقاطعها صوت من الخلف
انتي خلاص وصلتي لدرجه بقيتي بتكلمي نفسك
لتتفاجأ هبه و تنظر بغضب
هبه : مش تكحي او تعملي اي صوت اي بطيخ دا حتي مفيش السلام عليكم
ليلي : اكح لمين و لا اكلم مين هو انتي لسه شايفه نفسك انسانه طبيعيه شبهنا
هبه بغضب : لي ان شاء الله شيفاني بكلم نفسي و لا بشد في شعري
ليلي بضحك : بتكلمي نفسك لسه موصلش للشعر
هبه بسخريه : لأ بكلم الضفدعين دول ي ظريفه
ليلي بضحك أكثر و هي تنظر للصندوق الصغير الفارغ : اوعي يكون قصدك ع الضفادع الي سيد صلعه طالبهم للتشريح
هبه بفخر : ايوه هما كنت بعلمهم عن الحياه
ليلي : ...
هبه : بتضحكي علي اي
تشير ليلى امامها لتنظر هبه للصندوق بصدمه و تلتفت حولها يمينا و يسارا تبحث علي اي اثر للضفادع الخاصه بها
هبه بذعر : يالهووي هما راحوا فين دوري معايا دول تعبت فيهم اوووي علي ما جبتهم
ليلي و كادت تبكي من الضحك : جبتيهم منين اوعي يكون الي فدماغي
لتغير نبرتها بعنف مصطنع : من مين يا بت اعترفي
لتتوقف هبه عن البحث و تنظر لها : من ابن عمي
تتوقف ليلى عن الضحك و تقول بعين لامعه : وليد
هبه ببكاء مصطنع : اه و الله وليد هيطلع عين الي جابوني لو عرف انهم ضاعوا
ليلى : تستاهلي اي الي خلاكي تفتحي غطا العلبه
هبه : عشان ياخدوا نفسهم و يوانسوني علي ما تيجي بس اول ما جيتي خافوا من شكلك و هربوا
ليلى بغيظ : شكلي بارضوا و لا استغفلوكي و هربوا
هبه : طب اعمل اي دلوقتي سيد مستحلفلي و لو اشتكي لوليد عليا تاني وليد هيقول لبابا و هيحولوني من الكليه
ليلى : لأ ابوس ايديهم خليكي هنا معايا لازم نتخرج
سوا و مينفعش نسيب دكتور وليد في الكليه لوحده داحنا بنات زراعه و لينا الفخر
هبه : طبعا يحيا شعارنا عااش زراعه عااش يا وطن
ليلي : نحن بنات الزراعة نحيا لنحمي الطبيعه
هبه مقاطعه لها : مش دلوقتي يلا بس الاول نروح نتطرد من محاضره سيد بعدين نيجي نكمل النشيد
ليلي : يلا يا اختي
هبه : تعرفي مع اننا هنتطرد بس اول مره هتطرد و ضميري مرتاح
ليلى : اشماعنا
هبه : لأني عملت الي عليا و جبت الضفادع هما الي مش عاوزين يتشرحوا انا مالي
ضحكت الفتاتين علي دعاباتهم و ذهبا للمحاضره متأخرين كالعاده و يتفاجأ بعدم طرد سيد لهم
د سيد ببتسامه : اول ما دخلت و انا متوقع انكم هتيجوا في اي لاحظه بعدي
ليلي بخجل : اسفين يا دكتور
د سيد : علي اي يا استاذه ليلي نورتوني و الله
هبه : بنور حضرتك يا دكتور
د سيد : هبه هانم وحشانا و الله
هبه : متشوفش وحش
د سيد : اتفضلوا مكانكم
لتدخل الفتاتين بخجل وسط ضحكات زملائهم المكتومه و يوقفهم صوت سيد من جديد
د سيد : هبه
تقف هبه و تلتقط انفاسها ببطئ لتهدأ
هبه بابتسامه : نعم يا دكتور
د سيد : يا رب النهارده البالطو بتاعك معاكي
هبه : الحمدالله معايا
د سيد بتمثيل للصدمه : بجد مش معقول طب اتفضلوا مكانكوا
لتجلس هبه و ليلي في نفس البنچ و تنظر ليلى خلفها و تسأل فتي معهم قصير بشكل ملحوظ و يرتدي نظاره سميكه و تحدثه
ليلى : فين الامانه
قبل ان يرد عليها تقاطعهم هبه
هبه : امانه اي
ليخرج الفتي صندوق صغير و يعطيه لليلى
الفتي : اتفضلي
ليلى بغمزه : تسلم يا عصومي
هبه : و انا عاوزه علبه زيها لأما هفضحكوا
ليلى : اسكتي و انت يا صاصا سرك في بير يا سطا متخافش
عصام : انا واثق فيكي
هبه : سر اي سر انا عاوزه اعرف
ليلى : اسكتي هتفضحينا
لتلتقط هبه الصندوق من يد ليلى بخفه و تفتحها ببطئ لتجد ضفدعين
هبه : اي دا ضفدع تاني اي الخيانه ديي مش اتفقنا هنتطرد سوا و عصام الي جايبهم و الله لقول لسيد
ليلى : اهدي يخربيتك هتفضحينا
هبه و تمثل البكاء : بتخونيني
ليلي : اكيد لأ بس كان لازم اعمل اي حاجه عشان مشيلش الماده ديي
هبه : مهو ديي خيانه
ليلى : انتي عندك وليد ينجحك انا علي باب الله و امي مستنياني اعيد السنه عشان تجوزني و تشوف عيالي
هبه بصدمه اكبر : و هتتجوزي من ورايا
ليلى : مانا لسه مسقطتش يا متخلفه فمش هتجوز
هبه : ماحنا هنسقط سوا السنادي
ليلى بغضب : بت انتي الصحبه السوء الي الكل بيتكلم عليهم احنا نجحنا ف اولي بالصدفه فنعدي تانيه بس و نبي
هبه : يعني مصره ننجح السنادي
ليلى : اه و حياتك دانا مش عاوزه انجح عشان نفسي دا عشان حلمي يرضيكي حلمي يتدمر
هبه: متخافيش انا حميالك حلمك و كل ما واحده بتقرب منه بطفشها و بوظتله 3 جوزات قبل كدا
ليلى بحب : ربنا يخليكي ليا يا اجمل هبهيبوا في حياتي
هبه : و اي كمان
ليلي : و احسن هبه في المجره
هبه : و اي كمان
ليلي : يالي جينات عليكوا ضاربه اووي و ابن عمك فرس نهر و صاروخ و ..
لتقاطعها هبه بصوت مرتفع
هبه : حيلك حيلك
يلتفت كل الطلاب اتجاه الصوت ماعدا الدكتور
سيد : من غير ما شوف الصوت دا مش غريب عليا خير يا هبه المحاضره صعبه اعيدلك الي اتشرح
هبه بتوتر : لأ حضرتك المحاضره زيي الفل
سيد : طب بتقولي حيلك علي اي
هبه بمكر : قلبي علي حضرتك انت من اول ما دخلت بتشرح شرح شرح فبقول لحضرتك عشان ترتاح شويه عشان صحتك
سيد : انتي خايفه علي صحتي
هبه : اكيد يا دكتور دانا بقالي سنه و نص من اول ما شوفت حضرتك و بقول انك ابويا التاني
سيد : طبعا يا بنتي مهو واضح انا فعلا هخاف علي صحتي و مش هتعصب عليكي تاني
هبه بفرحه : بجد يا دكتور ربنا يخليك لينا
سيد بنفاذ صبر : طب اتفضلي اقعدي و ركزي
ليلى : الحمدالله عدت علي خير
هبه : اول مره يبقا طيب كدا
ليلى بضحك مكتوم : الراجل تعب و الله منك
هبه : علي اساس انا لوحدي
ليلى بتوضيح : دا قالي في محاضره الاسبوع الي فات و انتي غايبه اني ببقا ملاك و انتي مش موجوده و اني ذكيه بس انتي الي بتفسديني
هبه بأنفعال بصوت مرتفع مجددا
هبه : الخاين
لتجد مجددا كل الاعين عليها حتي دكتور سيد
هبه بتوتر : و الله يا دكتور ما تتعصب ربنا يهديك دا انا انفصلت امبارح عشان ..
ليقاطعها سيد : هبه احنا مش فاضين نسمع قصه انفصالك اتفضلي اطلعي بره
هبه بتخرج زفيرا طويلا : اخيرا قصدي حاضر يا دكتور
ارتدت هبه حقيبتها و امسكت البالطو الخاص بها و همت للخروج وسط ضحك كل زملائها الذين اعتادوا علي الضحك عليها لتقف امام مكتب الدكتور
هبه : هو انا هخرج لوحدي
سيد بنفاذ صبر : يعني اجي اوصل حضرتك
هبه : مش قصدي يعني ليلى مش هتطرد معايا
سيد : لأ
هبه : دا ظلم
سيد : اتفضلي اشتكيني عند العميد
لتخرج هبه بحزن علي عدم طرد صديقتها معها
في المحاضره
سيد مشيرا لليلي : انتي مصحباها ازاي
ليلي: .....
سيد : ديي صحبه سوء
ليلي : نصيبي يا دكتور بس بحاول اصلح منها
سيد بسخريه : ديي محتاجه اعاده تأهيل
ليضحك الجميع و ينهرهم سيد ليصمتوا و يكملوا المحاضره
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
