تمكن الملل منها فهاتفت صديقتها الوحيده
هبه : بقا كدا مستنياكي تتصلي تتطمني عليا
ليلى : غنيه انا عشان اتصل اتصال دولي
هبه : اهو انا الي اتصلت
ليلى : سيبك من الهبل دا اي اخبار الشعر الاصفر و العيون الملونه
هبه بخيبه امل : مبخرجش من البيت عشان اشوف
ليلى : نعم يا ختي امال بتعملي اي
هبه : بتفرج علي موسم الكرز
ليلى بصدمه : هو انتي رايحه امريكا عشان تتفرجي علي موسم الكرز
هبه : طب اعمل اي المتوحد الي عايش معايا شكله بيكرهني
ليلى : مين ابن خالتك
هبه : اه هيكون مين بس بمناسبه العيون الملونه نسيت اقولك ان ابن خالتي عنيه ملونه
ليلى بحماس : بجد و اي كمان
هبه : يعني ملونه بس مش حلوه هي مش زرقه و لا خضرا لون فالنص غريب كدا و شعره مش بني و لا اصفر لون غريب بارضوا و طويل و ابيض و مشهور اي رأيك فيه
ليلى : عنيه مش زرقه يووه توهتيني انا مفهمتش شكله بس باين علي التشكيله مش مصري
هبه: تقريبا خالتي كانت حامل هنا فتوحمت علي اجنبي
ليلي : و طويل
هبه : ااه يا بت طويل و عنده سكس باك
ليلى بتشكك : عرفتي ازاي حوار السكس باك
هبه : دخلت عليه طبعا و هو بيغير
ليلي بضحك : يا سافله بتهزري
هبه : مانا مكنتش اعرف انه بيخلع بسرعه
ليلى : خلاص اتجوزيه باين عليه حلو اصلا
هبه : يعني اسيب ابو غمازه ابو شعر اسود و شكولاته كدا اروح لابو ابيض حليب لأ يا ستي مينفعش
ليلي : ابو غمازه سألني عليكي مش عارف يوصلك
هبه : بجد عاوز اي
ليلى : عاوز اي ! كان بيسألني يعني اذا كنتي عايشه فقولتله انك سبتي البلد
هبه : طيب
ليلى : حرام عليكي
هبه : لي تاني
ليلي : سافرتي حتي من غير ما تودعيه هو حاول يبين انه عادي بس كان زعلان
هبه : يعني انا متصله اطمن عليكي تقومي منكده عليا
ليلى : خلاص سيبك بس بكره مبيفكركيش بحاجه
هبه : بأي
ليلي بحزن مصطنع : بأي انتي بتسأليني
هبه : اوعي يكون عيد ميلادك
ليلى بحزن : ايوه هو
هبه : احسبيها مع باقي الهدايا الي عليا
ليلى : مش عاوزه منك حاجه اصلا
في غرفه احمد
سعاد : هتفضل تتجاهل هبه كدا كتير
احمد : انا عادي
سعاد : كدا عادي البنت بقالها اسبوع قاعده في اوضتها
احمد : كويس
سعاد : هو دا واعدك لعمك سامح انك هتعرفها علي الجامعه و ازاي تتأقلم مع البلد هنا
احمد : الدراسه لسه مبدأتش
سعاد : طب اتكلم معاها شاركها في اي حاجه
احمد : مبحبش الكلام
سعاد : عرفها علي صحابك
احمد : معنديش صحاب
سعاد : ااااوف مفيش نهايه للنقاش دا
احمد : خلاص حاضر هتصرف
سعاد بشك : هتتصرف ازاي
احمد : لسه هفكر
في غرفه هبه
هاتفت هبه اخيها وليد
هبه :بقالي ساعه بتصل كنت مشغول لي
وليد : كان معايا مكالمه
هبه : ست أنشي بتاعتك صح
وليد : قصدك خطيبتي
هبه : اسكت اسكت حظك نيله
وليد : انجزي اتصلتي لي مش بنطمن عليكي كل يوم بليل
هبه بنبره مختلفه : ممكن اطلب منك طلب صغنن يا حبيبي
وليد : طلاما فيها صغنن و حبيبي انا قلقت اشجيني يا اختي
هبه : ليلى
وليد : مالها
هبه : بكره عيد ميلادها
وليد : مبروك اعمل اي
هبه : اشتريلها هديه
وليد : لي ان شاء الله كانت مراتي
هبه : يا ريت قصدي انت هتشتريلها هديه علي انها مني
وليد : عاوزاني اشتري هديه لصاحبتك و اقولها انها منك صح
هبه : ايوه صح
وليد : قولي لأمك انا مالي هتبقا منها احسن
هبه : عشان خاطري و الله انزل مصر اجبلها الهديه من وراكوا و مش هرجع هنا تاني
وليد بتحدي : اعمليها
هبه: و الله فكرت فالموضوع كتير و خططتله و سهل بس ههرب و مش هتشوفوا وشي تاني
وليد : اووف عارف انك مجنونه و زنانه و مش هخلص منك اتفضلي عاوزه هديه اي لصاحبتك
في غرفه احمد
هاتف أحمد ايضا ابنه عمته
نسرين : اتفاجأت انك الي بتتصل
احمد : ممكن خدمه
نسرين باستغراب : بجد انت اكيد اتفضل
احمد : اشغلي وقت هبه
نسرين بعدم فهم : يعني اي
احمد : مش عاوز اشوفها في البيت
نسرين بسعاده و ضحك : للدرجادي تعرف مع اني مش طيقاها بس عشان خاطرك
احمد : ماما متحسش اني طلبت منك كدا
نسرين : متقلقش
كانت سعاده نسرين بهذه المكالمه لا توصف و بالفعل ارتدت ملابسها و ذهبت لبيت احمد فألقت التحيه علي سعاد و ذهبت بسرعه للطابق العلوي و دقت باب غرفه هبه فأغلقت هبه المكالمه مع اخيها و فتحت الباب لتتفاجأ بنسرين
هبه : ديي اوضه غلط احمد مش هنا
نسرين : عارفه
هبه : طب عاوزه اي
نسرين : تعالي معايا
هبه : معاكي فين
نسرين : المفروض نخرج بس ورايا رسمه مش كملت تعالي اكملها و نخرج
هبه : روحي يا بنتي الله يسهلك
نسرين : انا مش بنتك انا اكبر منك علي فكره
هبه : نينيني طيب
نسرين : متغيريش تعالي بالبيجامه مفيش حد عندي في البيت غير ماما
هبه : هو انا طلبت منك اروح في حته انا اوضتي عجباني
نسرين : لأ لازم تيجي
امسكت نسرين يد هبه و سحبتها خلفها و هبه تقاوم و لكن اصرار نسرين هزمها و بالفعل ذهبوا لبيت نسرين
في غرفه المعيشه كانت هند جالسه تقرأ بعض الملفات و تفاجأت بدخول نسرين و هبه
هند لنسرين : مش تعرفينا
نسرين : بنت خالت احمد
هند : سعاد كلمتني عنك كتير ازيك يا حبيبتي
و عانقتها هند و استغربت هبه من الفرق الكبير بين شخصيه الام و بنتها و حينما همت هند لفتح حديث مع هبه قاطعتهم نسرين
نسرين : معلش يا ماما هنطلع فوق ورايا رسمه لازم اخلصها النهارده
هبه: انتي الي وراكي انا موريش حاجه
نسرين : مانتي هتيجي معايا
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
