ليلى : سكتلها دانتي كل مره بتطلعي عين الي جابوها فاكره المره الي قفلتي عليها باب الحمام من بره
هبه بضحك شديد : هي السبب حد قالها تقول عليا بحب الاهتمام
ليلى : تقومي حبساها في الحمام يا مفتريه و النهارده تقومي جيباها من شعرها وسط المدرج يا قادره
هبه : شوفتي اتكلمت عني ازاي و قالت اني قصيره قدام الكل
ليلي : فانتي تجيبيها من شعرها قدام الكل
هبه :..
لقطع حديثهم مقاطعه يوسف لهم
يوسف : هبه ممكن نتكلم خمسه
هبه : مفيش بينا كلام
ليلى : اي دا مين دا
هبه : مفيش حد سيبك منه
يوسف : انا سبتك اسبوع تهدي لازم نتفاهم
ليلي بحيره : و قبل الاسبوع
هبه : يوسف أنت السبب انت كذاب
ليلي بصدمه : ارتبطوا و غفلتوني
هبه : اكيد لأ
يوسف : انتوا هتفضلوا تردوا علي بعض كدا كتير ممكن نقعد و نتكلم زيي الناس
ليلى : اه يا ريت و الله يا استاذ يوسف و فهمني
هبه : ايه الي اه اكيد لأ
يوسف : لوسمحتي يا هبه احنا نحكي لصاحبتك و هي تحكم
هبه : لو كدا ماشي بس خلي بالك انت الي جيت علي اتنين اخوات
ليلى : هو بقا فيها اخوات بس يلا تمام اكيد هسمعلكوا
ذهبوا ثلاثتهم للمكان المعتاد في الحديقه شبه المهجوره خلف مبني المدرجات
ليلى : اتفضلوا ارتبطوا ازاي و انا معاكي 24 ساعه و بروح معاكي بيتكوا معظم الايام
هبه : انا سنجوله لاخر العمر يا ماما ارتباط اي
يوسف : مش ارتباط بس الهانم مرمطتني
هبه بانفعال : انا ياض انت الي ضحكت عليا و خليتني اصدقك و اثق فيك و اديك الامان ..
لتقاطعها ليلي بخضه : يانهارك اسود انت عملت اي في صاحبتي يا حيوان دانت ليلتك سودا
هبه : وداني دريم بارك تخيلي
ليلى : نعم يا روح امك
هبه : اه و الله انا اروح الملاهي مع واحد غريب تصدقي ديي
يوسف : و بعدين
هبه : و قالي انه في اولي جامعه و طلع في 3
يوسف : ما تقدمي فيا بلاغ و اروح تلات اربع سنين سجن و تستريحي
هبه: يا ريت تستاهل عشان متجرحش بنات تاني
ليلى : انا لحد دلوقتي مفهمتش حاجه ممكن حد يشرح براحه
يوسف : ممكن احكي انا
هبه : لأ
ليلى : سيبك منها اتفضل
يوسف : كل الحكايه اني كنت تايه و بدور علي مبني الدكاتره و الاستاذه كانت هنا و قالتلي ..
هبه : كذاب و الله انا كنت بلعب كاندي كراش و هو الي جه يسألني عن المكان
ليلى : فين الكذب في الي قاله و اي العلاقه بس يا به انتي متخلفه اصلا اتفضل كمل يا استاذ يوسف
يوسف : قالتلي هرسملك خريطه و فضلت تتكلم عن فرقه اولي و انهم شبهي و انها قد ماما
هبه : كذب
ليلى بكسوف : اتنيلي انتي هبله و انا اصدق انك ممكن تعملي حاجه زيي كدا بس اي دخل الموضوع بدريم
يوسف : اتصلت عليها فضلت تتحايل عليا نروح دريم عشان عرض
ليلى : عرض ال 10% و الوجبه الهديه
يوسف : ايوه
ليلى : مانا حسيت في اليوم دا قرفتني بيه كمل
يوسف : بس كدا هناك عرفت اني فرقه 3 فضحتني و فرجت عليا الناس و سابتني و مشيت
ليلى بضحك : هي الي فضحتك كمان و انت جاي تحل سوء التفاهم برجليك
يوسف : انا بقالي اسبوع بحاول استوعب الي حصل
ليلى : انا مش مستغربه ديي شدت شعر واحده في المدرج عشان قالتلها انتي قصيره
يوسف بصدمه : للدرجادي
ليلى : احمد ربنا انك اتفضحت بس
هبه : خلصتوا و بعدين عاوزين تموتوني يعني
ليلى : انتي لو موتي مصر كلها هتشمت فيكي
هبه : طيب يا اختي و انت يا أخ احنا سمعناك روح شوف طريقك
يوسف : فكي البلوك
هبه : علي اساس هسمع كلامك اكيد لأ
ليلي : انا فوني فونها يعني احنا مع بعض علي طول خد رقمي و لما تعوزها كلمها من عندي
يوسف : متشكر جدا يا انسه ..
ليلى : ليلى
يوسف : اتشرفنا
ليلى : انت كنت فين من زمان
يوسف بضحك : اشمعنا
ليلى : اصلك شبه فتي احلام هبه الطويل ابو شعر اسود و عيون سودا و كمان غمازات انت تفصيله كوبي من فتي احلامها
هبه : لأ مش شبهه التاني عنده سكس باك و وشه مدور شويه و شعره مجعد
يوسف : يعني العب رياضه و اجعدلك شعري
هبه بضحك : هتبقا شبه الشمبانزي
يوسف : لو هيعجبك مش عندي مانع
هبه : مش هرتبط بارضوا و بطلوا تفشلوني
يوسف : لي بس نجرب شهر لو منفعش ننفصل
هبه: نعم يا اخويا و يبقا اسمي منفصله و انا اصلا كنت بجرب
يوسف : اسمك منفصله ازاي مش فاهم
هبه : زيي مطلقه كدا
يوسف بضحك : نفسي افهم دماغك فيها اي
هبه : شبه الي في دماغك
ليلى بضحك : سبحان الله فوله و اتقسمت نصين حتي كلامكوا شبه بعض ملكوش دعوه بيا كملوا و اي كمان
هبه : تعرف يا يوسف
يوسف : يا عيون يوسف
هبه : ما تتلم ياض و اسمع هقول اي
يوسف : سامعك
هبه : انا اخويا الدكتور وليد رايح بكره يتقدم لسالي بنت صاحبت ماما
يوسف : و انا مالي
ليلى : سالي مين يا روح ام سالي علي جثتي الكلام دا
هبه : و الله يا يوسف الجواز قسمه و نصيب
ليلي بأعين دامعه : عجبتوا
هبه : اهدي اهدي و الله بهزر هو اول مره هيشوفها و هروح معاه كالعاده و هبوظله الموضوع
ليلى و قد بدأت في البكاء : يعني مش هيتجوزها
هبه : علي جثتي مفيش واحده هتدخل بيتنا غيرك وعد مني
هدأت ليلي ليردف يوسف
يوسف : اي الاوفر دا يا جماعه انا جيت في وقت غلط
ليلى : انا اسفه يا يوسف بس اسفه علي اي انت خلاص بقيت من العيله
هبه : انا موافقتش
يوسف : انجزي انا عارف انك بتحبيني بس مكسوفه
هبه بانفعال : لا مش بحبك انت حلو اه بس مش استايلي
ليلى : بطلي تقل طب جربوا
هبه : قولت مش هرتبط
ليلى : طب عندي الحل يدخل يوسف معانا في التيم و انا هكون معاكم محرم و تتعرفوا علي بعض اكتر
يوسف : محرم ازاي
ليلى : يعني عاوز تقعد معاها لوحدك
يوسف : لا مش قصدي كنت فكرك بتلمحي للجواز
هبه : كمان مش عاوز تتجوزني يعني بتتسلي بيا
يوسف : جواز اي و تسالي اي دا انا لسه بقولك نتصاحب مش نرتبط كمان
هبه : يعني افرض فرضا حبيتك مش هتتجوزني
يوسف : لو حبينا بعض يبقا تمام هتتعرفي علي عيلتي و اتعرف علي عيلتك و نعمل خطوبه لحد ما اتخرج
هبه : و انا هرفض
ليلي : اتنيلي بقا هو انتي طايله اهو جالك ابو غمازات و بتقولي لأ
يوسف بضحك : قوليلها و نبي مش كفايا واخدها علي عاهاتها
هبه : عاهاتها هو انت هتصاحب كاتعه يا سطا
يوسف بضحك : لأ معندهاش مخ
ينتهي اليوم علي اللقاء غدا ف نفس المكان
تتكرر المقابلات بين الثلاثه و يقضون ساعات في التحدث بالاخص يوسف و هبه و يتحدثون و يضحكون و في الليل يتحدثون ايضا علي الهاتف و ظل الوضع هكذا لمده شهر و نص حتي ايقنا الاثنان انهم الحب الاول و الحقيقي لبعضهم البعض
في صباح جديد تستيقط هبه بنشاطها الحيوي الملئ بالحب و الادرينالين لتأخذ حمام دافئ و ترتدي ثيابها الجديده و هو اليوم المنتظر يوم مقابله ابو حبيبها الدكتور الجامعي و الذي يرغب ايضا بلقاء الفتاه التي يحبها ابنه
تخرج هبه بكامل اناقتها لتركب العربه مع اخيها و تستمع معه لاغاني عمرو دياب و تدندن معها بابتسامه
هبه : انا حبيت اغاني عمرو
وليد : فاجأه كدا
هبه : اه علي الصوت شويه كمان
أنت تقرأ
لنبحث عن ذاتك معا
Romansaلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
