لنبحث عن ذاتك معا

بارت 21

في منزل سعاد كان احمد قد عاد من الجامعه
سعاد : اتأخرت لي انا جعانه هخلي سوميني تحضر الاكل
احمد : انا اتغديت
سعاد بتمثيل الحزن : يعني اتغدي لوحدي
احمد : لوحدك لي اتغدي مع هبه
سعاد : ما هبه لو كانت موجوده مكنتش استنيتك
احمد بانتباه : هي فين
سعاد : راحت مع هند الاتيليه
احمد بصدمه : نعم
سعاد : في اي مالك
احمد : محدش قالي لي
سعاد : هو لازم نستأذن منك
احمد : انا رايح اجيبها
سعاد : انت اتجننت استني احمد احمد
تركها احمد و لم يجيبها و قاد سيارته بغضب و ذهب للاتيليه
بعد نصف ساعه كان قد وصل
و دخل بسرعه و ذهب لمكتب هند بعد محاولات السكرتيره بايقافه و لكنه لم يهتم
احمد : هبه
السكرتيره لهند : Sorry madam I couldn't stop him
هند :ok go out
هبه : انت اي الي جابك
احمد و قد اقترب و مسك يدها : تعالي
هند : في اي انت واخدها علي فين
احمد : ....
هبه : متشدش ايدي وجعتني
هند : سيبها يا احمد هي جات معايا و هترجع معايا
احمد : لازم نمشي دلوقتي
استسلمت هبه لسحب احمد لها و خرجا من المكتب تحت نظرات هند الغاضبه من تصرفه و محتاره ايضا
صعدت هبه لسياره احمد و بدأ احمد القياده للعوده للمنزل
هبه : ممكن تفهمني اي الي عملته دا
احمد : .....
هبه : انا بكلمك علي فكره
احمد : .....
هبه : رجعت تبقا اخرس تاني
احمد : ......
هبه : يووووه بقا
لم يرد احمد عليها فظلت غاضبه و صامته طوال الطريق
في البيت كانت سعاد تشعر بالقلق حتي دخلت هبه المنزل و دخل احمد خلفها
سعاد : رجعتوا
هبه : شوفتي يا خالتو عمل اي
سعاد : عارفه ممكن بقا يا استاذ احمد يالي ملكش كبير تقولنا عملت كدا لي
احمد ببرود : محدش قالي
سعاد : دا مش عذر
هبه : و انت مالك هو لازم استأذن منك كل ما اخرج
احمد بتوتر حاول اخفاءه : المفروض متخرجيش و تقعدي تذاكري عشان تدخلي كليه
هبه : و انت مالك بارضوا
سعاد : انا وافقت انها تروح الورشه مع هند
هبه : ايوه خالتو هي ولي امري و انا اصلا قررت اروح كل يوم
احمد : مش هيحصل
هبه بضحكه استهزاء : لي هتقفل عليا الباب و تمنعني
سعاد : ملكيش دعوه يا هبه طلاما عاوزه تروحي انا موافقه محدش هيجبرك تعملي حاجه عضب عنك و انا عايشه
احمد : انا بنفذ كلام عمو سامح عشان تدخل كليه
سعاد : سامح عارف انها بتروح
هبه : عرف منين
سعاد : انا قولتله الصبح
هبه : و وافق
سعاد : اكيد وافق
هبه بسعاده و بتحدي : اهوه حتي بابا الي مبيوافقش علي حاجه وافق
لم يكمل احمد الجدال معهم و تركهم و عاد لغرفته و هاتف احد
احمد : في اخبار جديد ؟
الشخص : زيي ما توقعت سالي و المدير في بينهم حاجه
احمد : راقبيهم كويس
الشخص : اكيد
احمد : لازم ننجز المهمه ديي بسرعه
الشخص : اشماعنا انت الي دايما بتقول ناخد راحتنا و
احمد مقاطعا لها : راقبيهم انتي بس و ابعتيلي اي معلومات جديده و انا هتصرف

في الاسفل قررت سعاد الاتصال  بهند للأعتذار علي تصرف ابنها الوقح و تخبرها بقرار هبه
سعاد : انا اسفه جدا يا هند
هند : ولا يهمك يا سعاد انا اتعودت علي كرهه
سعاد : متقوليش كدا دانتي امه التانيه و ربتيه معايا
هند : انا حاسه ان كرهه ليا اكبر من اعتقدنا اني بفكره بسالم
سعاد : و الله ما عارفه اقولك اي يا هند
هند : خلاص مش مهم
سعاد : بس عندي خبر حلو
هند : اي
سعاد : هبه عاوزه تشتغل معاكي علي ما تبدأ دراسه كانت بتحكيلي من شويه عن قد اي انتي شاطره في التصميم و استمتعت و هي بتساعدك
هند بمزاح : استمتعت اي ديي بتعايرني علي شويه الابر الي لضمتها و بتقولي تعبت
سعاد بضحك : هبه لو طلعت السلم بتقول تعبت
هبه : بطلوا تنمر عليا بقا دانتوا كبار علي الكلام دا
سعاد : علي الاقل مبنتعبش بسرعه زيك
هند : احنا كبار يا لميضه نتقابل بكره الساعه 7 زيي النهارده
هبه : خلاص رجعت في كلامي
سعاد : هصحيكي تاني و بكره هتتعودي علي الصحيان بدري
هبه بخمول : بس يا خالتو
سعاد : مفيش بس انتي الي قررتي تروحي
هند : هقفل انا عشان اخلص شويه ورق و اروح
سعاد : ماشي يا حبيبتي تروحي بالسلامه

**********
في الجامعه القاهره
انهي وليد محاضرته و اردف
وليد : انا بكدا خلصت الفصل الاول بس دلوقتي محتاج حد منكوا يتطوع و يكون المساعد بتاعي بمعني اصح هيكون المسؤول عن القسم بتاعكوا في الماده بتاعتي و يا ريت يكون مبيفوتش محاضرات
الطلاب : ......
وليد بمزاح : متخافوش انا مش باكل بشر و الله يلا مين هيطوع
الطلاب : ....
وليد : انا مبهور من حماسكوا مكنتش حابب اعمل كدا بس انتوا الي اجبرتوني اختار بنفسي
الطلاب : .....
وليد : تمام البنت ام جاكت لموني الي قاعده في البينچ الرابع
ليلي بصدمه : انا
وليد بمكر : ايوه اسمك اي
ليلي بتوتر : انا اسمي ليلي
وليد : تمام يا ليلي بعد المحاضره تعالي علي مكتبي
ليلى بخجل : حاضر

*********
كانت هبه تحاول النوم و لكنها لم تستطيع فقررت الذهاب لغرفه احمد و لكنها طرقت الباب هذه المره و لم تدخل حتي اذن لها بالدخول
احمد بصدمه : انتي افتكرتك سوميني
هبه : لي عشان خبط معالينا مش عارفه انام
احمد : و انا مالي
هبه : احنا هنفضل نتخانق كدا كتير جيتلك عشان نعمل صفقه سلام
احمد بابتسامه ساخره : صفقه سلام
هبه : اه و نبقا بقا ولاد خلان مش ضراير
احمد بضحكه : انتي شيفاني ضرتك
هبه : مانت بتضحك اهوه
احمد : انجزي الساعه 3 و ورايا جامعه الصبح
هبه :  انا عاوزه سلام و امان و
يقطع كلامها رنين هاتفها لتردف بفرح : ليلى بتتصل تصبح علي خير انت متنساش هنكمل الصفقه بكره
و عادت لغرفتها و اجابت
هبه : اي دا ليلى انتي ورثتي و لا اي مش دا بارضوا اتصال دولي و فلوسه كتير
ليلى : انقذيني
هبه : في اي
ليلى : وليد اختارني مسؤوله عن الفرقه
هبه بغباء : يعني اي
ليلى : افهمي يعني اوديله الشيتات اوزع ورق و جو امين الفصل بتاع الثانوي دا
هبه بضحك : الله حلو اووي طالع لأخته مبيضيعش فرصه
ليلى : اتكتمي فرصه اي انا متوتره اوي
هبه : و لا توتر و لا حاجه عامليه كأي دكتور هو ميستاهلش غير كدا بصراحه عشان يسيبك و يختار انشي هانم
ليلى : انتي كدا بتهديني و لا بتعايريني
هبه : اهدي انتي فين دلوقتي
ليلى : قدام مكتب اخوكي
هبه : لي
ليلى : ما تفهمي هو قالي لما تخلص المحاضره تعالي علي مكتبي
هبه : طب ما تدخلي مش هيخطفك
ليلى : مانا عارفه بس متوتره
هبه : لي لسه بتحبيه
ليلى : بحاول انساه و لازم اصلا لان دلوقتي هو مرتبط مستحيل يبقا ليا و بعد ما قررت انساه كل شويه يطلع في وشي يفكرني
هبه : علي الاقل بيطلع في وشك انا مبقتش بشوفه خالص غير في شويه صور
ليلي : انتي لسه بتحبي يوسف
هبه : اكيد دا حبي الاول
ليلى : معلشي بكره تلاقي حد احسن منه
هبه : انتي بتواسيني ماحنا موكوسين زيي بعض
ليلى : فعلا