بعد ساعه عادت هبه لغرفه أحمد
هبه بسعاده : اخترت قسم
احمد : اي
هبه بخبث : البرمجه
احمد بصدمه : دا اصعب قسم
هبه بخبث مجددا : بهزر انا لاقيتهم بيقولوا التخصص في سنه تالته يعني اول سنتين بدرس كله و بعدين بختار انت بتصعب الدنيا عليا لي
احمد : انتي لازم قبل ما تدخلي حاجه تحددي انت حابه اي و لما تتخرجي هتبقي اي و هتشتغلي في اي
هبه : لسه بدري علي التخرج لي اعقد الدنيا ما اعيش اليوم بيومه الواحد مش عارف بكره هيحصل اي ممكن يموت
احمد : ماحنا شايفين نتيجه يوم بيومه فعلا
هبه : قصدك اي
احمد : عشتي يوم بيومه في زراعه و سقطي
هبه باندفاع : علي فكره مسقطتش سيد شيالي الماده عشان ابنه و الماده التانيه المعيده شدت مني الورقه قبل ما اكمل حل
احمد : ملاقتيش حجج احسن من كدا
هبه بغضب : ديي مش حجج مش عاوزه منك حاجه اصلا و كليتك ممله و كل اقسامها ممله
احمد : ممكن
هبه : علي فكره هعلمك حاجه للزمن بطل تعاير الناس بمشاكلهم انت كدا بتجرحهم اكتر
خرجت هبه من غرفته و اغلقت الباب بغضب
في غرفه هبه كانت جالسه علي سريرها تفكر في حياتها و مستقبلها بحزن
*********
في مصر في بيت سامح
سامح : سعاد لسه قافله معايا و قالت ان هبه مش عاوزه تدرس اداره اعمال
احلام : و هتدرس اي
سامح بغضب : لسه بتدور انا هحجز تذكره و اروح اكسر راسها انا تعبت منها
احلام : اهدي بس يا سامح اكيد سعاد عندها طريقه تساعدها
سامح : بتساعده تختار كليه هي دا الي بتساعده ما زفته هبه الي اختارت زراعه و شوفتي النتيجه
احلام : ما يمكن تساعدها فعلا و تختار كليه تحبها
سامح : مفيش اختيار الي انا اختارته هو الي هيمشي
وليد : يا عمي تفتكر لو اجبرتها تدخل بيزنس هتذاكر و هتهتم و تنجح بالعكس هتهمل اكتر و هتفضل تعيد و مش هتتخرج
سامح : هقتلها لو حصل كدا
احلام : متقولش كدا يا سامح ديي بنتك و انت بتحبها ما تسيبها و ديي حياتها
سامح : حياتها بايظه و انا عشان بحبها عاوز اساعدها لما اموت مين هيساعدها
وليد : ربنا يديلك طول العمر يا عمي بس متقلقش انا هفضل ادعم هبه لأخر يوم في عمري
احلام : ربنا يخليكوا لبعض يا حبيبي شايف يا سامح غير كدا هبه هي البنت الوحيده و ليها حق تدلع و تاخد فرصه و اتنين و تلاته
سامح و قد هدأ : و اخرتها
احلام : اخرتها زيي الفل و انا واثقه ان احلام هتساعدها بجد
********
في مكان اخر
أنجي : انا بجد زهقت
نانسي صديقتها : مالك يا بنتي في اي
انجي : ما صدقت البت الي المفروض اخته في الرضاعه ديي سافرت بارضوا مبيبطلش يتكلم عنها و بيقفل معايا و بيرد علي اتصالتها و بيتكلم عنها كتيير اوي حاسه اني هتجوز هبه مش هو
نانسي : فعلا الموضوع أوفر اي دا انتي لو مكنتش قولتي انها اخته كنت هشك ان في بينهم حاجه
انجي : تخيلي بيقولي انه هيعمل اوضه مخصوص لهبه في بيتنا
نانسي : بتهزري و انتي وافقتي
انجي : اه اعمل اي يعني
نانسي : انتي هبله ازاي وافقتي
انجي : يعني اعمل اي معرفتش اقوله اي خوفت اقوله لأ يزعل مني
نانسي : يا حنينه هتشوفي بكره البت ديي هتسود حياتك
انجي بابتسامه ساخره : هي لسه هتسود دي لما كانت في مصر كل مره كنا بنتقابل كانت بتقعد تحفل عليا و تهزقني بس كنت بعمل نفسي هبله عشان وليد بيكون موجود لو مكنش موجود كنت جبتها من شعرها
نانسي : لما ترجع مصر نبقا نربيها
انجي : فعلا البت ديي محتاجه تتربي
**********
في امريكا
دخلت سعاد غرفه احمد بدن اذن و اردفت بغضب
سعاد : انت زعلت هبه لي
احمد : هي قالتلك اني زعلتها
سعاد : مقالتش حاجه بس باين انك الي زعلتها
احمد : هي السبب معندهاش هدف و انا بكره الناس المعتوه ديي
لتدخل هبه الغرفه فجأه
هبه : انا مش معتوه انت الي مش طبيعي
احمد : فعلا معاهم حق لما قالوا لا تجادل السفهاء
سعاد : هتفضلوا تردوا علي بعض كتير
هبه ببكاء : يا خالتو عمال يشتمني و يذلني
سعاد : انا معرفتش اربيه يا بنتي
احمد : انا زهقت بجد
سعاد : اسكت خالص انت السبب الي خليتها تعيط
احمد لهبه تحت نظرات سعاد الغاضبه : انا اسف مش هضايقك تاني
هبه و قد هدأت : بجد
احمد : اه
هبه : اوعدي
احمد بنفاذ صبر : وعد
سعاد : ربنا يهديكوا كدا علي طول
احمد : الوقت اتأخر ممكن انام
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
