استعدادات و تزاحم في البيت و مهام الحفل موزعه علي الجميع
توحيدة بضيق و هي تقطع بعض البصل : كان لازمتها اي الحفله لو كنا عملنا حنة كانت هتكون اريح بكتير
احلام و هي تقطع اللحم : دي حفله صغيره ع الضيق يا توحيدة مفيهاش غير احنا بس و عيله ليلي
توحيدة : طلاما علي الضيق لي بنطبخ ما نطلب اكل و خلاص
سعاد بضحك : هو دا طبيخ داحنا هنعمل و مكرونه و لحمه بس
توحيدة بضيق : بس ما في كمان سلطات و عصاير و حلو
********
الفتيات كانت مهامهم تزين المكان و الاعتناء بجمالهم و بالفعل تمت المهمه الاولي
في غرفه هبه التي تجمعوا بها كي يهتموا بجمالهم و يستعدوا للحفل
هبة : من يومين لو كان حد قالي اني هتجوز أحمد كنت هقول عليه مجنون
نسرين بضحك : Me too
أميرة بخبث : يعني الجوازه جت بسرعه صح
هبه : فعلا
أميرة بأستفزاز : يعني عملتي كل دا عشان متتجوزيش اخويا
هبه و قد شعرت بالغباء : لأ طبعا انا قصدي جوازي من أحمد كان حلم متوقعتش يتحقق بالسرعه دي
ليلي : طيب يا بتاعت الاحلام احكيلنا انتي عمرك ما كلمتيني كلمتين حلوين عنه و فاجأه هتتجوزا كدا
هبه : مانتي بارضوا هتتجوزي وليد فاجأه
ليلي بخجل : يعني صدفه
هبه : صدفه دانتي قعدتي تحبي في الولا 5 سنين و تقولي صدفه
أميرة بخبث : من طرف واحد طبعا اصل وليد كان بيعشق خطيبته
هبه بضيق : ياااا صبر
ليلى محاوله تغير الموضوع : احكي يا بت حبيتي أحمد امتي من ورايا
هبه و هي تنظر لنسرين : احكي انتي
نسرين بضحك : و انا اعرف ازاي انتي حبيتي امتي هو انا كنت انتي
هبه : بقا كدا ماتحكيلنا انتي كمان ست نسرين مين الي بتكلميه فون طول النهار والليل
نسرين بتوتر : Just friend
هبه بضحك: طلاما قلبتي انجليزي يبقي بتتهربي
أميرة : انتي الي بتتهربي و مقولتيش حبتوا بعض ازاي
هبه بعدم فهم : قصدك انا و احمد
أميرة : أكيد
هبه بخبث : أحمد من يوم ما روحت امريكا و هو عينه عليا
ضحكت نسرين بقوه ليتأكد الجميع من كذب هبه
هبه بضيق من اكتشاف كذبتها : بهزر طبعا بدأنا زي اي اتنين بنكره بعض و بنهرب من بعض بعدين اكتشفنا اننا بنحب بعض و خبينا علي الكل و فضلنا نمثل اننا عادي عشان الحسد بعيد عنك
نسرين بضحك : انا حضرت التمثيل محضرتش الحب
هبه بخبث : كنا خايفين نعرفك لتقولي لخالتو
ليلي : هنغسل وشنا امتي الماسك بقاله نص ساعه
نسرين : بالسرعه دي
ليلى بابتسامه خبيثه : كلام هبه ضيع الوقت محسناش بيه فمتتكلميش تاني يا هبه عشان نلحق نجهز
هبه بفخر و مرح : حاضر
******
اتي الليل سريعا و حضر أمين و زوجته و أخته و بناتها فقط
تناولوا جميعا الطعام سويا ليتفرقوا
فيجلس الرجال في حديقه المنزل يتحدثون و يشربون الشاي و الفتيات في المنزل يرقصون و يستمتعون بحفلتهم
ينتهي الحفل و الجميع سعداء و تفرقوا ليرتاحوا كي يستقبلوا اليوم التالي بنشاط
******
كانت نسرين تجلس في غرفتها تفكر بعمق يقطع تفكيرها صوت هاتفها لتجيب بسرعه
نسرين بتوتر : ازيك
يوسف بضحك : اي يا بنتي فاجأتيني متعودتش عليكي تردي بسرعه كدا
نسرين : اه معلش مخدتش بالي
يوسف بضحك : لو كدا متاخديش بالك تاني
نسرين بضيق : يوسف انا عاوزه اقولك علي حاجه مهمه
يوسف بعدم مباله : قولي بس يا رب تطلع مهمه مش زي كل مره
نسرين : متزعلش انا مكنش قصدي اخبي عليك الموضوع حصل بسرعه
يوسف بأنتباه : ما تنجزي يا بنتي اصدميني بسرعه مبحبش جو شوق و لا تدوق دا
نسرين ببلاهه : شوق ازاي
يوسف بضحك : نسيتي الحاجه المهمه بس اوعي تكون أنك وقعتي في دباديبي و مبتعرفيش تنامي و الجو دا هو اه الشرع حلل اربعه بس انا مقدرش علي اتنين
نسرين بغيظ : أنت قصدك اي لأ طبعا يعني انا خايفه علي مشاعرك تتريق عليا
يوسف بابتسامه : بهزر يا ستي مهظرش بس يلا قولي المهم بتاعك
نسرين و قد عادت لنبرتها الحزينه : كتب كتاب هبه بكره
يوسف بضحك و عدم فهم : هبه مين ؟
نسرين : هبه !
يوسف بأستيعاب : ازاي مفهمتش كتب كتاب يعني جواز اي السرعه دي ازاي تتجوز و هي اصلا مش مخطوبه
نسرين : خطوبه و كتب كتاب سوا
يوسف : اي الجو القديم دا مش هيتعرفوا علي بعض حتي
نسرين : الظروف الي اجبرتهم و .....
قصت نسرين علي يوسف كل ما حدث و سبب هذا الزواج السريع و تفهم الوضع و انهي المكالمه سريعا غير عادته
شعرت نسرين بالحزن لأجله و لكنها شعرت بالاستغراب لما هي تهتم بمشاعره و لكنها قررت عدم التفكير و النوم لتستقبل حفله الغد
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
