لنبحث عن ذاتك معا

بارت 12

هبه : انت مشهور
احمد : ....
هبه : عملتها ازاي و انت مبتتكلمش
احمد :....
هبه : و الله لو مقولتش لفضل اتكلم طول الطريق و اصدعك
احمد : Success doesn't need speaking.
هبه : ترجم
احمد باستغراب : انت مبتفهميش انجلش
هبه : اخر مره شوفت فيها انجليزي كان في كتاب الانجليزي في ثانويه عامه
احمد : هتدرسي ازاي هنا من غير انجلش
هبه : معايا ترم اتعلم متعقدهاش ترجم الجمله او قولها براحه عشان افهم
احمد بنفاذ صبر :  Success     does     not         need      speaking
هبه : النجاح مش محتاج الكلام
احمد : true
هبه : طب النجاح مش محتاج كلام ازاي الناس عرفوا انك ناجح و انت مقولتش لحد
لم تتلقي اجابه و اوقف احمد تاكسي و عادوا الي البيت و هبه تشعر بالغيظ من تجاهله لها
في المنزل كانت سعاد قد استعدت و ارتدت ملابسها و تنتظر هبه
سعاد : يلا يا هبه نروح المول و احكيلي الي حصل في الطريق
تركهم احمد و ذهب لغرفته
هبه : تمام
في التاكسي
سعاد : احكيلي عجبتك الجامعه
هبه : اه حلوه
سعاد : عملتوا اي هناك
هبه : احمد دخل مكتب و استنيته بره و بعدين رجعنا
سعاد : اه بيسلم بروچكت
هبه : مش هو في اجازه
سعاد : بصي مش عارفه الشغل بتاعه دا بس الي اعرفه انه في الاجازات بيشترك في مسابقات و بيسافر و حاجات كدا
هبه : و بيفوز و الجو دا
سعاد : للأسف
هبه بضحك : للأسف لي ديي حاجه حلوه
سعاد : لأ مش حلو احمد عمره ما عرف الفشل و ديي حاجه مش كويسه و كمان حياته مش عجباني كلها شغل بس
هبه : طب لي دخل كليه كمبيوتر
سعاد : هو كان عنده شغف في المجال ده من و هو في الاعدادي و كان بيتفرج علي فديوهات اونلاين و كسب في مسابقات بارضوا من قبل ما يدخل الجامعه
هبه : اووا هي الچينات دي انا مخدتش منها شويه لي
سعاد بضحك : انتي اذكي منه
هبه بتشكك : اضحكي عليا بكلمتين
سعاد : انا بارضوا بس انا مبسوطه اوي انك هتعيشي معايا ال 4 سنين دول
بعد عده ساعات انهوا التسوق و عادوا للمنزل و قد اشتروا العديد من المستلزمات و الملابس و ادوت كتييره لتغير ديكور غرفه هبه الوردي و معظمهم كانوا مشابهين لغرفه احمد
سعاد : سوميني طلعي الحاجات دي اوضه هبه
سوميني بحيره : كله مدام
سعاد بتفكير : فعلا كدا الاوضه هتتكركب بصي طلعي الهدوم و سيبي حاجات الديكور لما المهندس يجي بكره
ليقطعهم احمد
احمد : انا خارج
سعاد : علي فين
احمد : النادي
سعاد : خد هبه معاك
احمد : بلاش
سعاد بصوت اعلي : قولتلك خد هبه معاك
هبه : مش عاوز تخدني لي مع اني كنت هقول بلاش النهارده يا خالتو بس خلاص عاوزه اجي معاك
احمد بضجر : تمام
هبه بابتسامه نصر : اي هتاخدني
احمد بسخريه : هنام
و بالفعل تركهم و عاد لغرفته
سعاد لهبه : متزعليش هو بس مش متعود عليكي
هبه : لا مش زعلانه هو ميعرفش انا مين
سعاد بابتسامه : ايوه عاوزاكي تعرفيه انتي مين بس بلاش ندخل البوليس و المستشفي بينا
هبه باستفهام : بوليس و مستشفي لي
سعاد : انتي فكراه ان ابوكي محكاليش عن ماضيكي
هبه بخجل : لأ دا مش حقيقه انا
ليقطع حديثهم دخول فتاه في بداية العشرينات طويله و ذات شعر اسود قصير و بشرتها بيضاء و ملابسها غايه في الشياكه
الفتاه :  Everyone Nana here
سعاد بفرحه و قد عانقتها : اي اخبار باريس
الفتاه لهبه  :  ?who are you
سعاد : بالعربي يا نسرين نسيتي ان في البيت بنتكلم عربي بس
نسرين : نانا يا aunty
سعاد : هفضل طول عمري اقولك نسرين
نسرين : و مين ديي بدل سوميني؟
هبه: قصدك اني الخدامه الجديده
سعاد : هعرفكوا ع بعض
هبه بتجاهل كلام سعاد : انا الخدامه المصريه الجديده
نسرين : اتكلمي بأسلوب احسن
سعاد بضيق : اسكتوا ديي هبه بنت اختي و ديي نسرين بنت اخت جوزي
نسرين : انتي بنت خالت احمد الي كسرتيله ايده
هبه بابتسامه : الحمدالله سمعتي سبقاني خلي بالك من ايدك
نسرين : what do you mean
هبه : هي البعيده مبتفهمش مش خالتو قالت مفيش أنجلش
نسرين بجهل : انا مش بعيده انا قريبه انتي الي مبتعرفيش عربي
هبه بضحك : معاكي حق
سعاد : انتوا المفروض من سن بعض يعني تبقوا صحاب
هبه : لا شكرا
سعاد : نسرين بتخرج كتير عشان تاخدك معاها و كمان هي معاكي في الجامعه
هبه : مش عاوزه هروح مع احمد
نسرين بغيظ: احمد مش بيحب حد يروح معاه الجامعه
هبه : عرفتي ازاي مانا روحت معاه النهارده
نسرين بصدمه : مستحيل
هبه بنظره تحدي  : و هروح معاه كل يوم
نسرين بتجاهل هبه و بنبره مستفزه  : طنط هطلع لأحمد اديله الحاجات الي جبتهاله من باريس
سعاد : من امتي و انتي بتستأذني مني
فردت عليها نسرين بأبتسامه و تركتها و صعدت السلم و هبه تتبعها بأعينها حتي اختفت عن الانظار
هبه : البنت ديي رخمه اووي
سعاد : لا و الله نسرين طيبه و ظريفه بكره تاخدوا علي بعض و تتصاحبوا
هبه بصوت منخفض : قصدك بكره اجيبها من شعرها
سعاد : اي
هبه : بقول ان شاء الله
في غرفه احمد و قد دخلت نسرين بعد ان سمح لها احمد بالدخول
احمد : رجعتي
نسرين بغمزه : وحشتك ؟
احمد : لاقيتي الالهام
نسرين : رسمت 5 صور
احمد : ابعتهملي
نسرين : طب قولي رأيك قبل ما تنزلهم
احمد : الويب سايت دا بتاعك رأي مش مهم
نسرين بحزن مصطنع : يرضيك بنت عمتك تخسر الفانز بتوعها و محدش يشتري لوحاتها
احمد : واثق فيكي
نسرين و قد تذكرت هبه : هي بنت خالتك هتقعد هنا كتير
احمد بلا مباله : 4 سنين
نسرين بصدمه : What hell
احمد : ...
نسرين : هي جت امتي
احمد : امبارح
نسرين : و خدتها الجامعه النهارده
احمد : اه
نسرين : انت عمرك ما خدتني الجامعه
احمد بنفاذ صبر : مجبور
نسرين بتفهم : تمام انا ماشيه كمل شغل
و بالفعل غادرت غرفته و نزلت للاسفل لتجد سعاد جالسه مع هبه فودعت سعاد و غادرت
هبه : هو فين بيت نسرين
سعاد : الفيلا الي قدامنا بس بتقضي معظم الوقت هنا مع أحمد و معايا
هبه بصوت منخفض و لكن سعاد سمعتها: مهما كمان عندهم فيلا بتقعد هنا لي
سعاد بضحك : مامتها و بباها علي طول في الشغل و يعتبر انا الي مربياها
هبه : و حضرتك مش بتشتغلي
سعاد : زيي مانتي شايفه انا قاعده علي طول في البيت
هبه بفضول : بس ازاي مفيش حد في العيله شغال و حضرتك غنيه
سعاد بضحك : هقولك جوزي الله يرحمه كان وارث شركه والده و كبرها هو و هند اخته و لما توفي هند هي الي بتدير الشركه و انا مبشتغلش بس لما جوزي اتوفي اتقسمت الاسهم بيني انا و احمد
هبه مقاطعه : يعني عايشين علي ارباح الاسهم
سعاد : ايوه عشان كدا انا غنيه من غير ما اشتغل
هبه : هي هند ام نسرين
سعاد : ايوه
هبه : فهمت طب يا خالتو طلاما انتي غنيه معندكوش عربيه لي
سعاد بضحك شديد من اسلوبها : عندنا عربيه بس بقالها يومين في الصيانه
هبه : الحمدالله كنت هفتكرك بخيله
استمروا في الحديث حتي شعرت هبه بالتعب و استأذنت خالتها و ذهبت لغرفتها لتنام و قبل ان تدخل غرفتها دقت باب غرفه احمد و حينما شعرت انه سيفتح الباب دخلت غرفتها بسرعه و كأن شيئا لم يحدث