وليد : ممكن يا ليلى نتكلم دقيقه تسمحلي يا عمي
امين : اكيد
خرج وليد من المنزل و ليلى خلفه
وليد : قوليلي رأيك بصراحه و انا مش هجبرك علي حاجه
ليلى :....
وليد : انتي علي طول مبتتكلميش معايا خالص كدا دايما ساكته
ليلي : بتكلم عادي
وليد : طب قولي رأيك عشان ندخلهم
ليلي : انا زعلانه من الي حصل لهبه بس الجواز انا مش متأكده
وليد : خايفه ؟
ليلي : مش خايفه بس مش المفروض انا العروسه
وليد : الموضوع مفاجأ لينا كلنا بس الظروف الي اجبرتنا
ليلي : بس انت مش بتحبني
وليد : لسه قدمنا وقت كتير عشان نحب بعض
ليلى : و هنتجوز ازاي طلاما مش بنحب بعض
وليد : هنتجوز و نتعرف براحه و مش هقرب منك لحد ما تحبيني
ليلي بخجل : افرض بعد الجواز مقدرتش تحبني
وليد بابتسامه : لي مش هحبك بالعكس انا بحس اني مرتاح معاكي جدا
ليلي بخجل اكثر : بجد
وليد بابتسامه من خجلها : مسألتيش نفسك بفضل اضايقك في الجامعة لي
ليلي : مش عارفه
وليد : بحسك مختلفه مكس شقيه علي هاديه مش عارف بس اخر فتره كنت بحس بالفضول ناحيتك
ليلى : ......
وليد : عارفه مع اني مكسور من الي خطيبتي عملته و زعلان علي هبه و اهلي كلهم ضدي اني الغي الفرح بس لما شوفتك قدامي حسيت ان دي اشاره مش عارف اتجرأت ازاي و طلبت من والدك كدا بس الي حصل
ليلى : ....
وليد : بارضوا ساكته بصي انا مش هجبرك علي اي حاجه انا داخل جوه عشان اتأخرنا عليهم و فكري بعدين ادخلي و محدش هيجبرك علي حاجه
دخل وليد لغرفه المعيشه مكان التجمع
احلام : هي فين ليلي
وليد : بره
احلام : مدخلتش لي
وليد : ....
هبه : انا هروحلها
تركتهم هبه و ذهبت للخارج
هبه : بتعملي اي
ليلي : انا مش عارفه افكر
هبه بحماس : تفكري في اي يا مجنونه دا حلمنا
ليلى : مش عارفه حاسه اني متلخبطه
اقتربت هبه منها و امسكت يديها : متلخبطه لي افتكري معايا دا وليد الي انتي بتحبيه من الثانوي وليد حبك الاول هو اه غلط و خطب عقربه بس ربنا بيعوضك و اهوه لوحده طلب ايدك
ليلى : بس انا كنت نسيته و نسيت حبه و كمان هو مش بيحبني
هبه : النصيب يا ليلي مش محتاج وقت ممكن يجي في اخر لحظه و وليد نصيبك مش نصيب حد تاني
ليلى : بس انا خايفه
هبه : متخافيش انا معاكي و متأكده انه هيحبك و هتبقي احلي عروسه في العالم و هتبقي مرات اخويا
ليلى بفرحه : هنبقا قرايب اخيرا
هبه وقد عانقتها : هنبقا اخوات رسمي و هتعيشي معايا
بادلتها ليلي العناق
هبه : يلا ندخل بقا قبل ما الجوازه تبوظ
ليلى : انا مكسوفه
هبه بضحك : مكسوفه من اي
ليلى : اني اقول موافقه بسرعه كدا
هبه : متخافيش انا هقول بدالك
دخلت الفتاتين و كانت هبه تشعر بالسعاده و ليلى بالخجل
كان الصمت يسود المكان و الجميع ينظر باتجاههم حتي اردف سامح : اي رأيك يا ليلى
هبه : ليلى موافقه
سامح : هو انا سألتك انتي
هبه : انا و ليلى واحد بس هي مكسوفه شويه
ابتسم الجميع و عمت السعاده المكان و عانقت احلام ابنها و عانق سامح أمين و اتفقوا ان يجتمعوا غدا في منزل أمين ليتناقشوا في اجراءات الزفاف
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
