في الغرفه كانت هبه تشعر بالضيق لماذا كل من حولها مجتهدين في مجال معين معادا هي ؟ لماذا لا يوجد لديها شغف في اي مجال ؟ ما هي هوايتها ؟ ما شعور النجاح ؟ فهي لم تشعر بأي انجاز في حياتها
هبه ببكاء : انا عايشه لي بجد فشلت في الثانوي و دخلت الكليه بفلوس و فشلت في الكليه و فشلت في حياتي كلها حتي يوم ما حبيت سيبته عشان حظي وحش و كنت خايفه من علاقتي بأبوه يوسف كان معاه حق لما قال ان انا مينفعش اشيل مسؤليه
ليقطع بكاءها و تفكيرها صوت طرق الباب و تدخل سعاد
سعاد : اي دا انتي بتعيطي
هبه : لأ ماما و وليد وحشوني
سعاد بحنيه : هو انا زعلتك في حاجه مش مرتاحه معايا
هبه : لأ طبعا بس
سعاد : متزعليش انتي اكيد هتبقي واحده عظيمه في المستقبل و بكره تقولي خالتو قالت
هبه بضحكه استهزاء : مش هيجي بكره دا
سعاد : استني بس 4 سنين و هتتخرجي و ترجعي مصر تديري المصنع مع ابوكي و هتبقا مديره زيي العسل
هبه بحزن اكبر : خالتو بصراحه انا مش بحب البيزنس و لا شغل المصنع
سعاد بصدمه : ازاي
هبه : موضوع اني ابقا مديره و اقعد علي المكتب و ادي اوامر و يطلعلي كرش زيي بابا الجو دا مبحبهوش
سعاد : هو انتي جربتي عشان تعرفي هتحبيه و لا لأ
هبه ببكاء اكثر : يا خالتو انا عارفه نفسي انا مش نافعه في اي حاجه حتي لو درست بيزنس هسقط زيي زراعه
سعاد : طب اهدي هندور سوا علي مجال تحبيه و انا هقنع سامح انك تدرسيه و مفيش بيزنس
هبه : مش هيوافق لأن وافق يدخلني زراعه و فشلت فيها
سعاد : انتي كنتي بتحبي زراعه
هبه : اه بحبها ماما الله يرحمها كانت في زراعه و كان ليها ابحاث خدت جوايز و عمو بارضوا كان في زراعه و أسس المصنع مع بابا و وليد دكتور فيها
سعاد بضحك : يعني انتي دخلتي عشان قرايبك نجحوا فيها طب مدخلتيش علوم زيي احلام لي
هبه : لأ علوم صعبه
سعاد : و زراعه سهله يعني
هبه : لأ صعبه
سعاد : ما كل حاجه في الحياه صعبه عاوزه جهد و تعب عشان تبقا سهله
هبه :...
سعاد : متزعليش الواد احمد معانا و هو دماغه حلوه لأبوه و أحنا التلاته ندور و نشوف هبه بتاعتنا بتحب اي و لسه معانا 5 شهور نفكر فيهم
هبه : تفتكري هنلاقي حاجه
سعاد بضحك : يالهوي دا الدنيا فيها مليون الف مجال و هنيجي عليكي و مش هنلاقي مجال واحد يلا قومي اغسلي وشك و انزلي نفكر سوا تحت
أنت تقرأ
لنبحث عن ذاتك معا
Romansaلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
