لنبحث عن ذاتك معا

بارت 22

طرقت ليلى باب مكتب وليد و دخلت بخجل
ليلى : دكتور حضرتك قولتيلي تعالي
وليد : عارف اقعدي
ليلى : حاضر
وليد : انا طبعت الورق دا ملخص لمحاضره النهارده وزعيه علي زمايلك
ليلي : حاضر
وليد : مالك خايفه كدا لي
ليلى : مش خايفه
وليد :  متعودتش عليكي هاديه مؤدبه كدا انا فاكر البلاوي الي كنتي بتعمليها انتي و هبه
ليلي بخجل : اه
وليد : اه اي مش هتدافعي عن نفسك و تقولي ان هبه الي كانت بتعملها و بتدبسك
ليلى : لأ
وليد بضحك : انا عارف كل حاجه بس انتي مبتقوليش غير حاضر و اه و لأ
ليلى : .....
وليد : هنشوف حل للموضوع دا بس روحي وزعي الورق

*********
ملحوظه
مصر تسبق امريكا في الوقت ب 7 ساعات مع ان السفر بالطائره من مصر لامريكا و العكس 12 ساعه .

*********
في اليوم التالي في امريكا كالعاده استيقظت هبه بصعوبه بعد الحاح سعاد و ارتدت ملابسها و قابلت هند و ذهبوا للاتيليه

*******
في غرفه احمد كان يتحدث مع نفس الشخص الغريب مجددا
احمد : اسلام مين
الشخص : المفروض هو عندكوا في امريكا
احمد : و اي علاقته بالموضوع
الشخص : سمعت سالي بتتكلم عنه
احمد : تمام انا هتصرف
اغلق احمد معاها و اتصل علي نسرين
نسرين : وحشتك صح
احمد : فاضيه
نسرين : حتي لو مشغوله افضالك
احمد بتردد : تروحي النادي
نسرين بسعاده : اكيد امتي
احمد : مش لوحدنا
نسرين : ازاي
احمد : انا حابب اجدد و اروح من مجموعه
نسرين : حلو عندي صحاب كتير في النادي
احمد : مصرين ؟
نسرين : لأ
احمد : هكون انا و انتي و هبه يا ريت لو كان معانا راجل كمان
نسرين بتفكير : اي رأيك في ابن عمي
احمد باستغراب : ابن عمك !
نسرين : ايوه هو عايش معانا
احمد : تمام اقنعيه
نسرين : هنروح امتي
احمد : بكره
نسرين : و الجامعه
احمد : بكره السبت
نسرين بضحك : اه نسيت بكره اجازه
احمد : سلام
نسرين : استني
احمد : ...
نسرين : انت اي الي غيرك انت مبتحبش تروح النادي مع حد و لا بتحب تتعرف علي حد جديد و من امتي بتخرج مع هبه
احمد : انا مشغول سلام
نسرين : طبعا مبتردش علي الأسئله الي مش بتعجبك سلام

*******
في الاتيليه
هبه : طنط و اي الفرق بين الابره ديي و ديي
هند : بقالك ساعتين عماله تسأليني اسئله غريبه
هبه : عشان افهم
هند بغمزه : عاوزه تفهمي لي مش انتي جايه تتفرجي بس
هبه : بصراحه فكرت اني افصل فستان  لخطيت اخويا
هند بفرحه : فكره حلوه اوي بس اشماعنا هي
هبه بخجل من نفسها : بصراحه لاني قبل ما اجي هنا كنت بعاملها بأسلوب وحش خالص
هند : لي هي وحشه
هبه : مش وحشه بس اسمها انجي و مكنتش عاوزاه يتجوزها و كدا
هند بضحك : فتقومي مبهدله البنت
هبه : يعني اعمل اي اخويا و خايفه عليه
هند : خلاص يا ستي هساعدك تعمليها الفستان
هبه : و واحد لماما و واحد لليلي صاحبتي
هند بضحك : انتي داخله علي طمع بقا
هبه بتمثيل للبراءه : لأ و الله دول 3 فساتين صغننين خالص
هند : عشان انا طيبه بس هتعملي ازاي و انتي مش عارفه الفرق بين الأبر
هبه : هتعلم
هند : و انا مش فاضيه اعلمك
هبه ببراءه : انتي طيبه
هند : اختاري الاول التصميمات الي هتفصليها
هبه : هرسمهم
هند بصدمه : انتي هترسمي كمان تصميمات
هبه : اه
هند بعد تفكير : بصي في مصممه في فتره تدريب مش فاكره اسمها اي رأيك اخليها تعلمك الاساسيات و انا معاكي
هبه بسعاده : حلو اوي موافقه احسن من لضم الابر
هند بضحك : بطلي لماضه و تعالي معايا
هبه : فين
هند : نروح للي هتعلمك
خرجت هند من المكتب و خلفها هبه حتي وصلوا امام مكتب الفتاه و كانت فتاه شقراء ترتدي نظاره طبيه و ملابس بسيطه
هند للفتاه : ? what is your name
الفتاه بخوف :  Bella
اخبرت هند بيلا بكل التفاصيل و وافقت بيلا علي مساعده هبه و لكن كان لدي هبه مشكله
هبه لهند : مبتتكلمش عربي
هند : اكيد اجنبيه
هبه : طب معلش مفيش حد بيعرف عربي هنا
هند بضحك : احنا في امريكا اجبلك حد بيتكلم عربي منين
هبه : خلاص بلاش علميني انتي الانجليزي بيجيبلي صداع
هند : صبرني يا رب انا رايحه مكتبي اقعدي بقا هنا مع بيلا
غادرت هند و تركتها مع بيلا
هبه : you good  i good
بيلا : You should learn drawing first
هبه : I can't draw
بيلا : l'm gonna help you
هبه : but speak slowly
بيلا بابتسامه : OK

*********
بعد انتهاء فتره العمل عادت هبه مع هند الي البيت كانت هبه متحمسه جدا فلقد بدأت التعلم و كانت بيلا ماهره
هبه لسعاد : تخيلي يا خالتو انا رسمت شميز لوحدي
سعاد بانبهار : شاطره جدا مع ان دا اول يوم عرفتي ترسمي
هبه : مع اني كنت خايفه من بيلا بس هي شاطره جدا بس تعرفي تحسيها متوحده زيي احمد
سعاد بضحك : انتي مبيعجبكيش حد خالص كدا
هبه : اصلها من اول ما بدأت و هي عماله ترسم قدامي و تشوفني و انا برسم بعدها منطقتش بكلمه واحده
سعاد بضحك : طب ما ديي حاجه حلوه بتعلمك
هبه : هي بت ممله اه بس شاطره
سعاد : دا المهم
نزل احمد من الطابق العلوي و اردف
احمد : بكره هتيجي معايا النادي
سعاد و هبه بصدمه في نفس الوقت : مين
احمد : .....
هبه : انت الي بتقولي اروح معاك النادي هو انا بحلم
احمد : خلاص براحتك
هبه : لأ و الله هاجي معاك
سعاد بغمزه لهبه : عملتيها ازاي
هبه : مش انتي الي اقنعتيه
سعاد بضحك : انا لسه عارفه زيك
هبه : تفتكري عاوز ياخدي النادي عشان يخلص عليا و يرتاح مني
سعاد : يالهوي للدرجادي
هبه : خالتو انا خايفه
سعاد : متخافيش هاجي معاكي
احمد : انا لسه واقف علي فكره
هبه : هتقتلني صح
احمد بتأفف : انا اسف انسي الي قولته
و تركهم و صعد لغرفته مجددا
هبه لسعاد : شكله مش هيقتلني  يالهوي دا قالي انسي احمد يا احمد
و صعدت خلفه و دخلت غرفته بدون ان تطرق الباب
هبه : انا هروح النادي
احمد : مش خايفه
هبه : مانت مش هتعرف تقتلني لان امك شاهده اني معاك فلو قتلتني هتبقا غبي و امك هتوديك السجن
احمد : ....
هبه : هنزل اكل بقا عشان جعانه مش هستناك ترد و انا اصلا عارفه انك مش هترد