في صباح يوم جديد الساعه السادسه صباحا كانت سعاد توقظ هبه من الساعه الخامسه و النص و هبه تماطلها
سعاد : خلاص بقا يا هبه الساعه 6
هبه بنعاس : خمس دقايق كمان بس يا خالتو
سعاد : لأ بقا كفايا دلع
هبه : و نبي يا خالتو شويه كدا معرفتش انام طول الليل
سعاد : لي دانتي طلعتي تنامي بعد العشا علي طول
هبه : كنت بفكر
سعاد : بتفكري في اي اوعي تكوني بتحبي
هبه و قد جلست علي السرير : بصي هسألك عشان مبحبش التفكير و كمان كنت خايفه اسألك امبارح تقولي عليا فضوليه
سعاد بضحك : اسألي ريحي نفسك
هبه بتردد : احمد
سعاد : ماله
هبه : يعني قصدي لي بس انا بسأل عادي مش فضول
سعاد : اسألي علي طول بطلي لف و دوران
هبه : لي احمد بيعامل طنط هند وحش مع انها طيبه و لما سألته زعقلي
سعاد : هو دا السؤال
هبه : اه
سعاد بتنهيده : احمد لما كان عنده 10 سنين كان راجع من الشركه هو و ابوه و عملوا حادثه و جوزي مات و احمد فضل في غيبوبه شهرين و من وقت ما قام من الغيبوبه و هو متغير خالص مبقاش بيتكلم كتير و بيقعد علي طول لوحده في اوضته و الاغرب انه بعد ما كان بيحب هند زمان مبقاش بيتكلم معاها ابدا و لما بتكلمه بيعاملها زيي مانتي شايفه
هبه : مكنتش اعرف الي حصل دا بس هي مالها بارضوا
سعاد : استنتجت انا و هند انه متأثر بالحادثه و هند بتفكر بوالده الله يرحمه
هبه : الله يرحمه بس الموضوع عدي عليه حوالي 12 سنه لسه منسيش
سعاد : ممكن لأنه كان متعلق بسالم ابوه جدا و سالم كان بياخده معاه في كل حته
هبه : انا زعلت انا
قاطعتها سعاد : نكمل كلامنا لما ترجعي من الاتيليه البسي بقا بسرعه عشان متتأخريش علي هند
بالفعل ارتدت ملابسها و نزلت للاسفل و تناولت العصير بعد اصرار سعاد
ثم ذهبت مع هند للورشه
لم يكن الاتيليه كما تخيلتها هبه فقد كانت شركه كبيره بها العديد من الموظفين و المكاتب و الغرف و لكل غرفه استخدام مختلف و كل موظف يعرف عمله جيدا
دخلت هند الاتيليه و خلفها هبه و القت التحيه علي الموظفين و دخلت الي مكتبها
هبه بانبهار : مكتب حضرتك كبير اوي يا طنط
هند بضحك : انا الي صممته عجبك
هبه : اه جدا و منظم جدا
هند : تعالي اعرفك عليه بصي يا ستي دا المكتب و هنا بمضي الورق و الحاجات الممله ديي و الطربيزه الكبيره ديي للاجتماعات بس الصغننه عشان الاجتماعات الكبيره بتكون في اوضه الاجتماعات
هبه : اه و اكيد المكان الي هناك دا عشان تقصي و تخيطي فيه
هند بضحك : مش بالظبط كدا الجزء دا اكتر جزء بحبه هنا برسم تصميماتي و بنفذها
هبه : انتي الي بتنفذيها و الموظفين الي بره بيعملوا اي
هند : المصممين الي بره هما كمان بيرسموا و بيعرضوا عليا الرسمه و لو عجبتني بيصمموها بارضوا
هبه : اه
هند : انتي حابه تعملي ايه بقا هنا
هبه بخجل : بصراحه مش عارفه بس عجبتني جدا رسومات حضرتك فحبيت اشوفك و انتي بتقصي القماش و تخيطيه
هند : هتقعدي تتفرجي عليا بس طب ما تساعديني
هبه : بلاش خايفه ابوظلك القماش
هند بضحك : متخافيش و بطلي كلام بقا و يلا عشان ورانا شغل كتير
هبه بمزاح : يعني ضحكتي عليا و قولتيلي هفرجك علي الرسومات طلعتي جيباني اساعدك
هند : بس يا لميضه و يلا جيبي القماش الي هناك دا
***********
في منزل هند كان اسلام يجلس في غرفته كالعاده فشعر بالملل و هاتف والدته
اسلام : ازيك يا ماما
حنان : لسه كنت بفكر فيك
اسلام بمزاح : يعني اقفل انا و تكملي تفكير
حنان بضحك : و دا كلام بارضوا وحشتني اوي ياض
اسلام : و انتي كمان
حنان : الساعه عندكوا كام
اسلام : احنا سبعه و نص الصبح و عندك
حنان : احنا العصر العصر هيأذن اهوه بس اي الاخبار عندك
اسلام : نفسي ارجع اوي انا زهقان هنا
حنان : لي هي هند بتعاملك وحش
اسلام : لأ بالعكس بتعاملني كويس جدا و دا الي مضايقني و محسسني بالذنب
حنان : و انا و الله يا بني بس نعمل اي نصيبنا
اسلام : بابا قالك ارجع امتي
حنان : و الله يا بني ما اعرف بيفكر في اي و لي بيخليك تروح امريكا كل سنه
اسلام : و كل مره باجي بفضل قاعد في الاوضه مفيش حاجه اعملها
حنان : استحمل يا بني احنا مش في ايدينا حاجه
*********
في بيت سعاد هاتفها سامح كالعاده ليطمئن علي ابنته مسببه المشاكل
سعاد : زيي ما بقولك كدا يا سامح هبه الي قررت تروح الاتيليه انا شايفه انها خطوه حلوه بدل القاعده في اوضتها علي طول
سامح : انا خايف تسبب لهند مشاكل البت دي ملهاش امان
سعاد : متقلقش
سامح : بس كدا بتضيع وقت مش المفروض تدرس حاجه عشان تدخل كليه
سعاد : خطوه خطوه يا سامح علي الاقل بدأت تاخد علي الحياه هنا
********
في الاتيليه بعد العمل ل 5 ساعات
هبه : انا تعبت
هند : هو انتي عملتي حاجه بس خلاص خلصنا
هبه : ايوه عملت عماله اديكي شويه المقص و شويه السوست و القصاقيص و لضمتلك الأبره خمسميت مره و مسكت معاكي و انتي بتقصي و خيط الاطراف و
هند : خلاص خلاص انا اسفه ايوه يا هبه انتي تعبتي بس بصي الفستان بقا حلو ازاي
هبه : حلو جدا اقولك حاجه بصراحه بس متزعليش
هند : قولي
هبه : انا كنت شاكه فيكي انك هتطلي الفستان زيي الرسمه كدا
هند : شاكه فيا انتي يا بنتي متعرفنيش انا اسطوره عالم الازياء
هبه بضحك : حلوه ثقتك في نفسك
هند برأس مرفوعه : طبعا انا كلي حلوه
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
