لنبحث عن ذاتك معا

بارت 17

في غرفه المعيشه
سعاد لهبه : احكي بقا يا ستي اي اكتر مجال شايفه نفسك فيه
هبه : مفيش
سعاد : عادي هنجرب كلو و انت يا احمد شايف اي المجال الي ينفع هبه
احمد ببرود : التمثيل
هبه بابتسامه : بجد
سعاد : مالك فرحتي كدا لي انتي بتحبي التمثيل ؟
هبه : مفكرتش في الموضوع قبل كدا بس باين عليه حلو
احمد : كنت بهزر بس شكلك صدقتي
هبه : مش مهم المهم التمثيل بجد ممتع و انا بحب المسلسلات
سعاد : انا مش مقتنعه بالمجال ده
هبه : لي
احمد : لأن انتي متنفعيش الممثل لازم يكون عنده ثقه في نفسه أنتي معندكيش
هبه : عادي عندي ثقه كتير بس مستخبيه
سعاد : بصي يا هبه التمثيل لذيذ بس تعالي نفكر في حاجه تانيه
سعاد لأحمد : يا ريت تساعدنا بجد مش دا واعدك لعمك سامح
احمد : وعدته اني اساعدها في كليه اداره الاعمال
سعاد : و انا بقولك فكر معانا دلوقتي
احمد باعتدال : حاضر بتعرفي تكتبي ترسمي تغني
هبه : لأ
أحمد : بتلعبي رياضه معينه
هبه بحزن : لأ
أحمد : بتعرفي تتطبخي
هبه و قد احمر وجهه خجلا : لأ
سعاد : عادي و لا يهمك
احمد : دوري انتي علي حاجه بتحبيها ؟
هبه : مانا مش عارفه انا بحب اي
احمد : انتي مش عارفه انتي بتحبي اي و المفروض انا اعرف اي الحاجه الي انتي مش عارفه انك بتحبيه
سعاد : خلاص مش مهم نعرف اي رأيك تجربي
هبه : اجرب اي
سعاد : انتي بتحبي الكمبيوتر و تنزلي برامج و كدا
احمد و قد انتبه لحديث امه: .....
هبه : اه
سعاد : اي رأيك تذاكري مع احمد و
احمد باندفاع : اكيد لأ
سعاد : لي
احمد : احنا مش بنزل برامج زيي ما بتقولي الموضوع اصعب من كدا بكتير
هبه : انا بحب الحاجات الصعبه
احمد : هو انتي بتوافقي علي اي حاجه كدا علي طول من غير تفكير
هبه : خالتو قالت جربي
سعاد : ايوه ممكن تلاقي نفسها في المجال دا
احمد : انتي تعرفي يعني اي الخوارزميات
هبه بحماس : صفر و واحد
احمد بتأفف : سيبك من كليتي خالص اي رأيك في علوم اعاقه
هبه لسعاد : خالتو خليه يعلمني الاساسيات و هدخل كليته انا بحب الكمبيوتر اصلا عاوزه لما اللاب بتاعي يبوظ بعد كدا اصلحه موديهوش الصيانه
سعاد : هيعلمك يا حبيبتي و لا يهمك و بكره تبقي احلي مبرمجه في الدنيا
احمد : مبرمجه !
هبه : اي مش عاجباك خايف اقطع عليك
احمد بضحكه خفيفه : تقطعي عليا انا
هبه بصدمه : اي دا انت بتضحك زينا
سعاد بابتسامه : تصدقي طلع بيضحك اخر مره شوفته كان بيضحك كان من سنين
تجاهل احمد تحفيلهم و ذهب لغرفته
سعاد : متخافيش هيعلمك و لما تبدأ الدراسة هتكوني ذاكرتي كويس عشان تنجحي في اختبار القدرات
هبه : ان شاء الله يا خالتو

في صباح اليوم التالي في غرفه الجلوس
هبه : صباح الخير
سعاد : صباح الجمال
احمد بتصحيح : مساء الساعه 2 بعد الضهر
هبه : ملكش دعوه
احمد لنفسه بصوت خافت : فعلا انا مالي هو انا اتعديت منها
سعاد : علي صوتك بتقول اي
احمد : انا طالع اوضتي
هبه بغمزه : و انا هاجي وراك
احمد بصدمه : لي
هبه : عشان تذاكرلي
لم يرغب احمد بالنقاش معاها فتركها و ذهب لغرفته
سعاد : بكره يتعود بس الحمدلله بدأ  ياخد عليكي
هبه : الحمدالله دا مكنش بينطق بكلمه قدامي كان بيحسسني ان الكلام بفلوس
سعاد بضحك : احمد كلامه قليل بس مش معني كدا انه مبيتكلمش خالص
هبه : ديي حاجه وحشه المفروض يبقا اجتماعي اكتر
سعاد : نفسي و الله يكون كدا بس تعبت
هبه : انا فاكره لما كان عندي 7 سنين هو كان عنده 9 لما كسرتله ايده مكنش بيتكلم بارضوا
سعاد : لأ فالوقت دا كان شقي بس كان مكسوف منك
هبه بضحك : مكسوف مني انا دانا بقوله تعال نلعب مردش و مش فاكره قال اي ضايقني فزقيته من علي السلم
سعاد بضحك : يستاهل احسن
هبه : طب هطلعله بقا
سعاد : لو ضايقك اكسريله ايده تاني
هبه بضحك : حاضر
في غرفه احمد دخلت هبه بدون اذن كالعاده
هبه : احمده يلا نذاكر
احمد : احمده ؟!
هبه : دلع احمد متركزش
احمد : خدي الكتاب دا اقرأيه
هبه : نعم يا اخويا اقرأ انت مش هتفتحلي اللاب و تعلمني من عليه
احمد : هي لعبه هعرفك بتتلعب ازاي
هبه : طب اي الكتاب دا شكله انجليزي
احمد : المفروض اجبلك كتاب عربي في امريكا
هبه : طب ترجمهولي
احمد : ....
هبه : طب الكتاب عن ايه
احمد : مجال الكمبيوتر بينقسم لاقسام كتير منهم computer sciences department و information systems department و
هبه : استني بس اي دا
احمد : اقسام
هبه : هبه و مالها الاسم كبير كدا لي
احمد : ....
هبه : طب اختصرلي مثلا الاسم
احمد : .....
هبه : طب هما كام قسم
احمد : 6
هبه :طب انت اخترت اي
احمد بصوت مرتفع : انتي مالك باختياري المهم انتي تقرأي الكتاب و شوفي اي القسم الي حسيتي نفسك هتمشي فيه
هبه : طب متزعقش براحه
احمد : ...
بعد 10دقائق قراءه
هبه : انا بقالي ساعه في صفحه انا زهقت
احمد : ....
هبه : بص انت معقد انا هعمل سيرش علي اليوتيوب علي اقسام الكليه المعقده ديي و هلاقي مليون فيديو يشرحلي بدل ما اقرأ
احمد : ...
هبه : رد عليا عبرني طيب
احمد : براحتك بس مش هتجمعي داتا كافيه الكتاب احسن
هبه : مش مهم بس ممكن استلف اللاب بتاعك اتفرج علي الفيديو
احمد : لأ
هبه : عشان خاطري
احمد : ...
هبه : يلا بقا بطل رخامه
لم تنتظر رده و ذهبت لمكتبه و فتحت جهازه
بعد ثواني
هبه : قول الباسورد
احمد : ....
هبه بنفاذ صبر : انجز بقا
احمد : اوضتك جنبنا روحي اتفرجي علي الفديو و ارجعي
هبه : عادي علي فكره انا معايا فعلا لاب احسن من بتاعك مش عاوزه منك حاجه
همت هبه للخروج من الغرفه فيوقفها صوت احمد
احمد : استني
هبه بفرح : اي رجعت في كلامك
احمد : اقفلي الجهاز
نظرت له هبه بغضب و تركته و اغلقت الباب خلفها بقوه