عادت هبه من الاتيليه بسعاده لتخبر سعاد عن اول تصميم لها
هبه : بصي يا خالتو انا الي صممت و عدلت الجينه دي
سعاد : جميله جدا يا حبيبتي مكنتش اعرف انك شاطره اوي كدا
هبه : اه طبعا هو انا اي حد بس يا خالتو انا عاوزه اي مكان فاضي في البيت عشان اصمم فيه لان اوضتي مش هتكفي المكن و القماش
سعاد : بس كدا عنيا
هبه بسعاده : بجد في مكان
سعاد : اه تعالي معايا
صعدت سعاد الي الطابق العلوي و خلفها هبه و ذهبوا الي الغرفه المغلقه التي كان احمد يدخلها كثيرا و لا تستطيع هبه الدخول خلفه لطالما كانت تشعر بالفضول تجاه هذه الغرفه و لكن لم تسأل
هبه : الاوضه دي احمد بيدخلها كتير و مبيرداش يخليني ادخلها
سعاد بضحك : عشان فيها حاجات مهمه بتاعت احمد
هبه : بجد
اخرجت سعاد مفتاح و فتحت الباب لتنبهر هبه من الجوائز الكثيره الموجوده في هذه الغرفه شهادات و ميداليات
هبه بانبهار : اي التماثيل و الجوايز دي كلها
سعاد : مش قولتلك قبل كدا احمد دخل مسابقات كتير و كسب
هبه : يقوم يعمل اوضه كامله للجوايز بس
سعاد بضحك : الي حصل بقا
هبه : خالتو انا خايفه
سعاد بصدمه : من اي
هبه : انا عارفه كويس اوي اني نحس و هبله انا ممكن ارفع ايدي بالغلط اكسرله حاجه و وقتها هيموتني بجد
سعاد بضحك : طب خلاص يلا نخرج و اول ما يرجع من الجامعه نخليه يفضيلك الاوضه بنفسه
هبه : اي دا هو لسه مرجعش الساعه 4
سعاد : مش فاكره بس قالي انه هيقدم برزنتيشن
هبه : الي هو يقف يقول كلام و الناس تسقفله
سعاد بضحك : تقريبا
***
بعد ساعتان عاد احمد من الجامعه و بمجرد دخوله البيت ظهرت هبه امامه و اردفت
هبه بحماس و استفزاز : هاخد اوضتك الذهبية
احمد بعدم فهم : ذهبيه مش كانت شطرنج
هبه : لأ هسيبلك الشطرنج هاخد التانيه بقا الذهبيه
احمد بملل و تعب : خديها
هبه : بجد طب خد حاجاتك منها
احمد : خديهم بارضوا
هبه بسعاده : بجد انا اول مره احس انك طيب اوي كدا
احمد : قولي لماما اني كلت بره و هنام
هبه : عنيا انت تأمر
احمد باستغراب : شكرا
و تركته يعود لغرفته و ذهبت لتخبر سعاد بسعاده
هبه : خالتو خالتو احمد سابلي الاوضه و قالي اخد الي فيها كمان
سعاد بصدمه : مستحيل
هبه : اه و الله زي ما بقولك انا اتصدمت بارضوا
سعاد : دا قافل الاوضه و مبيخليش حد يدخلها و مفيش غير مفتاحين واحد معاه و التاني معايا
هبه : خلاص باقت بتاعتي احمد طيب اوي يا خالتو انا مش هغلس عليه تاني
سعاد بضحك : بقا طيب عشان سابلك الاوضه
هبه : اه هاتي المفتاح عشان اطلع اوضتي الجديده اظبطها و احمد بيقولك هو اكل بره و هينام
سعاد بضحك و هي تعطيها المفتاح : خدي يا ختي ربنا يهديكوا لبعض كدا علي طول
ذهبت هبه للغرفه مع سوميني ليجهزا الغرفه لتصبح ورشه تصميم صغيره
بعد التفكير قررت هبه وضع الميداليات و جوائز احمد في اكياس و وضعها في صناديق للحفاظ عليها فهي تشعر بالامتنان فهو اعطي غرفته لها و بالفعل ظلت بضعه ساعات تنظم في جوائزه التي قررت الاحتفاظ بها من اجله و وضعتهم في ركن من الغرفه صندوقان كبيران و قررت ان تغير ديكور الغرفه و تشتري كل ما تحتاج اليه للتصميم في صباح اليوم التالي لانه يوم اجازتها من الاتيليه
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
