في جامعه القاهره
كانت ليلى في مكتب وليد تنتظره لتسلمه الاوراق التي طلبها و لكن تتفاجأ بدخوله المكتب مع انجي
وليد : اي الي جايبك بدري كدا
ليلى : حضرتك طلبت الورق دا
وليد : عارف بس كان ممكن تسلمهملي في اي وقت
ليلى : حبيت اسلمهم لحضرتك قبل المحاضره
وليد : تمام يا مجتهده اعرفك انجي خطيبتي
ليلى : ازي حضرتك
وليد بضحك : مالك بتتكلمي كدا لي
انجي بتفاجأ من ضحكه: طالبه عندك ؟
وليد : اه وكمان ليلى توم هبه و زيي اختي
انجي : حلو ازيك يا ليلى
ليلى بخجل : الحمدالله
انجي : متوقعتش ان اول حاجه اشوفها في الجامعه هي صاحبت هبه بس اتشوفت بيكي
ليلى : انا اكتر
وليد : اقعدي يا ليلى
ليلى : اسفه بس المحاضره زمانها بدأت
غادرت ليلى سريعا
وليد بضحك : مجنونه و الله اول محاضره عندهم بتاعتي و لسه عليها ساعه الا تلت
انجي بغيره : انا شايفه ان ليلى بتخليك تضحك كتير
وليد : بتفكرني بهبه
انجي : وحشتك هبه للدرجادي
وليد : اه للاسف البيت ممل جدا من غيرها
انجي بدلال : بكره يا حبيبي لما نتجوز مش هخليك تحس بملل
وليد بخجل و ابتسامه : ان شاء الله يلا بقا احقق حلمك و اوريكي الكليه قبل المحاضره
انجي برومانسيه : و عاوزه احضر المحاضره
وليد : هتزهقي
انجي : عاوز اشوف خطيبي و هو بيشرح عامل ازاي و اشوفك بكاريزما كدا و چود دكتور و كدا
وليد بضحك : چود دكتور يعني انا دلوقتي باد دكتور
انجي : حتي لو باد هتفضل احلي دكتور في عنيا
وليد بضحك : طيب احضري المحاضره بس متبصليش كتير عشان مضيعش في عنيكي و انسي الشرح
انجي بضحك و خجل : حاضر
**********
في امريكا
كانت هبه متحمسه جدا فهذه اول مره يدعوها احمد للذهاب للنادي فاستيقظت باكرا و ارتدت ملابسها و ذهبت لغرفه احمد و طرقت الباب و كان احمد قد استعد و ذهبوا الي النادي و قابلوا امام النادي نسرين و اسلام
هبه لأسلام بحماس : اخيرا اتقابلنا تاني مالك مختفي كدا لي انا افتكرتك رجعت مصر
احمد باستغراب : انتوا تعرفوا بعض
نسرين بتسرع : الاتنين صحاب ياسر
هبه بعدم فهم : ياسر مين
اسلام بتخمين : قصدك يوسف
نسرين : ايوه يوسف
هبه : لأ يوسف مش صاحبي دا الأكس
نظر الجميع لها بصدمه
أحمد : ....
نسرين : كنتي مرتبطه ؟
اسلام : انفصلتوا ؟
هبه بضحك : في اي يا جماعه براحه
احمد بجديه : يلا ندخل
اسلام : متعرفناش
احمد : اسف انا احمد
اسلام بضحك : عارف بهزر معاك انت ابن خال نسرين و انا ابن عمها
نسرين بغيظ : نانا
اسلام : اسف انا ابن عم نانا
احمد : اتشرفنا
دخلوا النادي و جلسوا و ظلوا حوالي تلت ساعه في صمت لا احد يتحدث
حتي بادرت هبه
هبه : هنفضل باصين لبعض كتير
الجميع : ....
هبه : يلا نلعب نتمشي نعمل اي حاجه
نسرين : اللعب شغل اطفال
هبه : عندك حل تاني
نسرين : اه اقعدي ساكته
هبه : يلا يا جماعه نلعب اي حاجه و احنا قاعدين
اسلام : فكره حلوه بس نلعب اي
هبه : صراحه او الازازه
احمد باستغراب : الازازه ؟
هبه : اه نلف الازازه و الي راس الازازه تقف عليه يسأل التاني الي الازازه ناحيته بارضوا
نسرين : Bottle Rush
هبه : يعني اي
نسرين : شرحك وحش بس هي دي اللعبه و اكيد كلنا عارفينها
هبه : طيب يا ذكيه يلا نلعبها
اسلام : معنديش مانع
احمد : k
نظرت هبه و نسرين لأحمد فجأه
احمد : في اي
هبه : انت مين ؟
نسرين : انت مبتحبش تلعب ؟
احمد : تجديد
بدأت اللعبه و ادارت هبه الزجاجه و توقفت بين نسرين و هبه و نسرين تسأل
هبه : لأ مش عاوزه العب معاكي نلفها تاني
نسرين : انا هسألك
هبه : اتفضلي يا ختي
نسرين : اتكلمي عن يوسف
هبه بعدم فهم : اتكلم ازاي
نسرين بمكر : لسه بتحبيه
هبه بتلقائيه : اكيد طبعا دا حبي الاول
نسرين : و انفصتوا لي
هبه : اصل ابوه ... استني اللعبه سؤال واحد
نسرين بابتسامه انتصار : مش محتاجه اسألك اكيد هو الي سابك
هبه : لولا اني بحب امك كنت جبتك دلوقتي من شعرك
اسلام : ديي لعبه يا جماعه لفي الازازه يا هبه
ادارت هبه الزجاجه مجداد فتوقفت من جديد امام نسرين و هبه و لكن هبه من تسأل
هبه : حلو قوليلى بقا يا شاطره بتحبي احمد ؟
نظر لها احمد بغضب من هذا السؤال الغير متوقع
نسرين بتوتر : اكيد بحبه لانه اخويا و ساعدني كتير
هبه بغمزه : بس كدا
لم تنظر لها نسرين و لم تجيبها و لكنها ادارت الزجاجه فتوقفت بين اسلام و احمد و اسلام يسأل
اسلام بابتسامه : بما ان كل اسألتهم عن الحب سؤالي انت حبيت كام مره
احمد : مره
نسرين و هبه : بجد
نسرين بتفاجأ : هبه صح
هبه بابتسامه : لأ انتي
نسرين : مش انا انتي
هبه : و الله ما انا انتي
نسرين : احمد اخويا
هبه : هو نظريا ابن خالتي لكن عمليا ضرتي
احمد : مش هتبطلوا
هبه : انت بتحب مين ؟
احمد : و انتي مالك
ادار احمد الزجاجه فتوقفت بين احمد و نسرين احمد يسأل
احمد : لو خيروكي بين والدك و مامتك تختاري مين
نسرين بتعجب : الاتنين
احمد : ديي مش اجابه
نسرين بتفكير : ممكن ماما لانها ماي بيست فريند
و ادارت نسرين الزجاجه و توقفت بين هبه و اسلام و اسلام يسأل
اسلام : انتي و يوسف سيبتوا بعض لي
هبه : بسبب حظي الزفت خلي عدوي ابوه
نسرين : ازاي
هبه بتقلد نبره احمد : انتي مالك
و ادارات هبه الزجاجه لتقف بين اسلام و نسرين و نسرين تسأل
نسرين : انا نزلت مصر كتير و عمري ما شوفت uncle بس شوفت مامتك كذا مره
اسلام بتوتر لاحظه احمد : صدفه بيكون مسافر
نسرين : نو نو السؤال دا انا اصلا عارفه اجابته هسأل سؤال تاني
اسلام بابتسامه : اسألي
نسرين : حبيت كام مره
اسلام : ولا مره
هبه بتفاجأ : لي
اسلام : ممكن ظروفي مكنتش تسمحلي احب
و ادار اسلام الزجاجه لتقف بينه و بين احمد و احمد يسأل
كان احمد ينتظر هذه اللحظه منذ بدايه اللعبه
احمد بعد تفكير : معنديش سؤال
اسلام : اسأل اي حاجه
احمد : اي رأيك مثلا نكون صحاب
هبه بضحك : اي رأيك و صحاب معاك انت متوافقش يا اسلام هتندم
اسلام بضحك ايضا : من غير ما تطلب يا بني انا فعلا معجب بيك و عاوز
هبه مقاطعه بمزاح : و عاوز تطلب القرب منه
نسرين : انتي رخمه سيبيهم يبقوا صحاب
هبه : انتي الي عايشه مع احمد بقالك عشرين سنه عمرك شوفتي عنده صحاب
نسرين : لأ
هبه : يبقا الحكايه فيها ان
نسرين : انا مين
هبه : يا غبيه قصدي طول السنين ديي معندهوش صحاب مره واحده عاوز يصاحب واحد اكيد في مصلحه
احمد بتوتر : اسلام مختلف و باين انه
هبه بمزاح : حب من اول نظره
احمد : انا غلطان اني فكرت اخرجك معانا
هبه : خلاص سكتنا يا عم يلا كملوا و اي كمان
احمد ببروده المعتاد : انا هلعب سله
اسلام : بتلعب السله و انا كمان يلا نتنافس
احمد : گ
و غادرا و تركا هبه و نسرين
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
