لنبحث عن ذاتك معا

بارت 29

هبه : ازاي
احمد : قصدي مشفتهاش بعدها تاني
هبه : طب قدرت تصنعلها اللعبه
احمد : اه
هبه : بعد قد اي
احمد : 4 سنين
هبه : يالهوي دا كلو
احمد : كنت طفل و قدرت اعمل اللعبه بمساعده متخصصين اتعرفت عليهم علي النت و كنت اول طفل تحت ال 10 سنين برمج لعبه
هبه بصدمه : نعم كل دا و تحت ال 10 سنين دانت حبيت و نجحت و عملت لعبه و انت اصغر من 10 سنين يالهوي اومال انا نموي اتأخر لي و مفهمتش الدنيا غير بعد ما تميت 20 سنه
احمد : .....
هبه : متخافش مش بحسدك و لا حاجه بس انت طفره علميه يا بني مخ ذري دانت هزمت كل ابطال المسلسلات الكوريه الي بتفرج عليهم
احمد : ....
هبه : طب بص فكر معايا انا عملت زيك بس بعدك ب 10 سنين حب و حبيت و كليه بحبها و دخلت اومال ملاقتش شغفي في التشريح زيك لي
احمد : الشغف حلو الكلمه عميقه متوقعتش تطلع منك
هبه : دانا كلي مواهب بس محتاجه مكتشف
احمد : ......
هبه : خلاص هسكت و بعدين مالها الكلمه
احمد : الاحلام و الشغف و
قاطعته هبه : استني وقف كلام خمسه
احمد : ؟؟
نادت هبه علي الويتر و طلبت منه فنجانان قهوه و بعد اخذه للاوردر و ذهب
احمد : طلبتي بالنيابه عني لي
هبه : مش نيابه و لا حاجه عشان نكمل فوقان و نصحي للكلام الجد الي جاي و كمان احنا قاعدين بقالنا كتير شكلنا وحش فنطلب تاني
اقتنع احمد بوجهه نظرها الغير عمليه و لكنه لم يرد عليها
هبه : كمل بقا شغف و احلام و بعدين
احمد : اووف فصلتيني نسيت
هبه : لا فوق كدا الحمدالله القهوه جت
وضع الويتر القهوه علي الطاوله و غادر
احمد : في فرق بين الاحلام و الحب و الشغف بصي هحاول ابسطلك الكلامه لأنه علم نفس و انتي اكيد مبتعرفش تفرقي بين علم النفس و الجغرافيا
هبه : لأ بعرف بس كمل
احمد : نبدأ بالاحلام بصي الاحلام حلوه بس مش دايما واقعيه بس بتدينا امل و احساس حلو اننا لو حققنا كذا هنبقا اسعد مخلوقات علي وجه الارض و الدنيا هتبقا حلوه بس دا مش حقيقي لأن كل نجاح فيه مشاكل و تعبت اكتر من الفشل نفسه
هبه : اي دا يا عم لأ غلط
احمد : لو فضلنا نرد علي بعض مش هنخلص النهارده و الساعه باقت 7 بليل و المطار هيقفل
هبه : خلاص اسفه كمل
احمد : نرجع للحب من اول ما جيتي و عماله تقولي عاوزه مجال بتحبيه مجال بتحبيه و عمالين ندور مفيش حاجه بتحبيها
هبه : قولتلك هجرب كل مجال شويه و هلاقي الي بحبه
احمد : قولتي كدا بس دا مش منطقي كدا هتفضلي طول عمرك تدوري و عمرك ما هتلاقي حاجه عارفه لي لأنك بتخافي من التحدي و الصعوبات
هبه : لأ غلط
احمد : انا فعلا غلط يلا نمشي
هبه : و الله انا مسحوبه من لساني اسفه انت كللك علي بعضك صح و الله مفكش غلطه سبحان الله
احمد بابتسامه : اتثبت انا كدا
هبه بابتسامه ايضا : ايوه بدليل ان خدودك احمرت و بتضحك
احمد و قد عاد للحديث الجاد : و بعدين اخر حاجه الشغف و من غير شرح كتير هقولك مثال يعني مثلا مجال انتي حددتيه و عندك شغف تثبيتي نفسك فيه فتحطي قدامك اهداف تحققيها ورا بعض عشان توصلي لخطوه اخيره انتي عاوزاها فاهمه
هبه : اه فاهمه
احمد : و الله انا شاكك بس انتي المفروض تعملي ميكس بين التلاته دول و تختاري حاجه تتحدي نفسك بيها قبل ما تتحدي حد و تقرري جواكي انك عاوزه توصلي و وقتها هتلاقي انتي عاوزه اي
هبه : انت قصدك حاجه انا عاوزه ابدأها و انهيها بس بنتيجه الي هو النجاح
احمد : ايوه
هبه : ازاي بقا ابدأها
احمد : رجعنا لنفس نقطه البدايه
هبه : لأ انا فاهمه بس بسألك
احمد : بصي يا هبه انا اول مره حسيت بنجاحي كان يوم ما لعبتي الاولي اكتملك كنت مبسوط جدا و نسيت كل التعب الي تعبته و انا شغال فيها و نسرين كذالك كانت تايهه بس كانت بتحب الرسم خدت كورسات رسم و هي صغيره و رسوماتها كانت عاديه جدا بس كانت بتفرح بعد كل رسمه و اول مسابقه كسبتها كانت بدايه انطلاقها الحقيقه و كل النجاحات بتبدأ بنجاح بسيط
هبه : فهمتك ما تقول كدا من الصبح
و اردفت بصوت مرتفع جعل الجميع ينظر باتجاههم : يالهوي اي الغباء دا
احمد بصدمه : وطي صوتك فضحتينا
هبه : انا عرفت اي الي فرحني
احمد بتشكيك : متأكده
هبه : ايوه و الله يعني و انا صغيره لما كنت بلعب لعب و بكسب كنت بفرح اوي يبقا انا عاوزه ابقا مبرمجه زيك
احمد بيأس : و الله مش عارف ارد عليكي انا تعبت
هبه بضحكه : بهزر بهزر من يومين لما فصلت الچيبه الي رسمتها و طنط هند قالتلي انها حلوه لو عدلت شويه حاجت و عدلتها و كانت حلوه كنت مبسوطه اوي عشان انا الي عملتها لوحدي و دا شجعني اصمم حاجات تانيه عشان كدا خدت اوضتك الذهبيه
احمد بيأس : من الساعه 3 ل الساعه 9 قاعدين بنتكلم و لسه فاكره حاجه زيي دي
هبه : الساعه لسه 8 و عشره
احمد : هو دا الي لفت نظرك في الي قولته
هبه : انا افتكرت ان الفرحه ديي عاديه يعني و نسيتها لما نكدت عليا
احمد و هو يلعن نفسه : فعلا انا السبب يلا نروح المطار
هبه : طب عشر دقايق كمان و نبي هسأل 5 اسأله بس
احمد : لأ
هبه : طب 3 بس و نبي ديي اخر مره نقعد سوا كدا
احمد : دي اكتر مره اكلمت فيها في حياتي
هبه : طب و نبي اخر 3 و خد بعدهم اجازه اسبوع عن الكلام
احمد : اتفضلي
هبه : يعني كدا انا بحب التصميم انا اه عجبتني هند عمتك و انها قدرت تصمم اللبس الحلو دا لوحدها و فتحت اتيليه بس صعب ابقا زيها مستحيل
احمد : مستحيل لي عندها ايد زياده عنك
هبه : مش كدا بس هي درست و عندها خبره
احمد بهدوء : و انتي روحتي شهر بس و قدرتي ترسمي و تعملي جيبه و بتقولي انها درست مانتي تقدري تدرسي و تتخصصي في المجال دا و غير كدا هند درست بيزنس عشان تدير الشركه دا مش مجالها
هبه : هند حاف كدا انت ساف. قصدي خد راحتك يعني هي اصلا ملهاش في التصميم
احمد : مش مهم كل دا بس الفكره انتي عندك فرص اكتر منها عشان تكوني احسن منها
هبه بثقه : تصدق بجد انا عرفت اساسيات كتير و اتعلمت من بيلا الرسم و القص و الشغل علي نوعين مكنه بس لسه الباقي الله اخيرا طب بص المفروض ادخل كليه خياطه و لا اي
احمد بصدمه : كليه خياطه !
هبه : مانا مش فاكره اسمها
احمد : تصميم ازياء
هبه : اه صح بس هو ممكن اطلب منك طلب صغير اخير
احمد بنفاذ صبر فقد اختبرت هذه الفتاه صبره كثيرا : ؟!
هبه : ممكن مرجعش مصر دلوقتي
احمد بصدمه : نعم ؟!؟!
هبه : انا اسفه بس عاوزه اتعلم من بيلا اكتر عشان لما ارجع مصر في فرح وليد اقنع بابا
احمد : ممكن ترجعي و تتعلمي في مصر وسط اهلك
هبه : مانتوا اهلي بارضوا
احمد : لأ مش اهلك
هبه للويتر : The check, please
دفع احمد الحساب و سبقته هبه الي السياره و كانت السعاده تملئ وجهها و كان احمد يشعر بالتعب من هذا اليوم الطويل و باليأس من عدم رجوع هبه مصر و لكن شعر ببعض السعاده من ابتسامه هبه العريضه و سعادتها الغامره و عادوا للمنزل و دخلت هبه بسرعه و عانقت سعاد التي كانت تنتظرهم و هي تشعر بالقلق عليهم لكنها لم تتصل كي لا تقطع خروجتهم
سعاد بابتسامه و فرحه من سعاده هبه : مالك مبسوطه كدا اي الي حصل
هبه بصوت مرتفع ليملأ اركان البيت : خالتوووو انااا هبهه هبقا مصممه ازياء
سعاد بعدم تصديق و فرحه : بجد طب فهميني اي الي حصل
هبه : اكتشفت ان دا المجال الي بحبه و هفضل قرفاكي 4 سنين ادرس فيهم تصميم
ليقاطعها احمد بصدمه : 4 سنين مش انتي هتتعلمي من بيلا و ترجعي
هبه : مفيش كليه اسمها تصميم في مصر حتي لو في مش هتبقا احلي من هنا
سعاد : ايوه طبعا لازم تدرسي هنا و تدربي مع هند و بكره تبقا اشهر مصممه في العالم
هبه : هاخدك يا خالتو و نسافر كوريا
سعاد : بجد و وديني كمان تركيا عاوزه اجرب اكل بوراك
هبه : و امريكا لو عاوزه اقصدي فرنسا
سعاد : بجد و برج ايڤل و نسيب الواد احمد في البيت و نسافر احنا
شعر احمد باليأس من احلام اليقظة التي يتحدثن عنها و عاد لغرقته