كان اجتماع عائلي صغير يضم سامح و زوجته و ابنائه و اخته توحيدة و ابنائها و سعاد ايضا
سامح : نورتي و الله يا توحيده مش كان المفروض تيجي من يومين
توحيدة : مانا جيت اهوه يا سامح و لسه علي الفرح 5 ايام
احلام : هي الشرقيه بعيده يا توحيدة مبتجيش تزورينا لي
توحيدة : و الله يا مرات اخويا البيت بقا و العيال كبرت و أمير في تالته طب بشري و اميرة تالته طب اسنان و مشغولين يا حتت قلبي
احلام : ربنا يخلهملك يا رب
توحيدة : امال صحيح انا عرفت يا هبه انك هتدرسي في امريكا هتدرسي اي
سامح بتوتر : هتدرس اه ..
هبه مقاطعه : هدرس تصميم يا عمو و هبقا مصممه ازياء
توحيدة بابتسامه : خياطه يعني
هبه : اه خياطه بس اي رأيك يا خالتو في تصميماتي
سعاد : هبه قدرت في اقل من 4 شهور تتقن المجال و لما تتخرج هتبقا مصممه عالميه ان شاء الله
سامح بعدم تصديق : بكره نشوف
هبه : و الله هتشوف يا بابا متقلقش
توحيدة : و انتي قاعده في بيت خالتك يا هبه
هبه : اه يا عمتو
توحيدة : و انتي يا سعاد هو فين جوزك مجاش معاكي لي
سامح : جوزها توفي من زمان يا توحيدة
توحيدة : الله يرحمه و عايشين انتي و هبه كدا لوحدكوا
سعاد : و ابني احمد
توحيدة : صغير ؟
سعاد : لأ اكبر من هبه بسنتين
توحيده بخضه : يالهووي و ازاي يا سامح تسمح لبنتك تعيش في بيت فيه شاب
سامح : اهدي يا توحيده في اي
توحيدة : هي اصولنا و دينا قالوا كدا
هبه : اي العلاقة يا عمتو انا ليا اوضتي و احمد ليه اوضته اي دخل الاوصول
سامح بغضب لهبه : مترديش بالشكل دا علي حد اكبر منك
هبه : يا بابا ما عمتو بتقول كلام غريب
سامح : هي معاها حق و انا لسه هفهمها انتي متدخليش
هبه : معاك حق بعد اذنكوا
تركتهم هبه و عادت لغرفتها
توحيدة : انا اسفه يا سامح مش قصدي حاجه انت عارف يا اخويا ان الي في قلبي علي لساني مش قصدي حاجه
سامح : خلاص يا توحيده اقفلي الموضوع دا دلوقتي
توحيدة : بس يا اخويا
سامح بصوت مرتفع : قولت مش دلوقتي يا توحيده
توحيدة بخوف : حاضر
*********
كانت نسرين تنتظر يوسف و بعد تلت ساعه انتظار كانت تشعر بالملل الشديد و بالغضب من يوسف المتأخر و قررت مهاتفته للمره الخميسن لكي يسرع و لكن فجأه توقف تاكسي امامها و خرج منه شاب طويل حسن المظهر و شعره اسود لم تتعرف عليه و لكنه حينما ابتسم لها و رأت غمازاته علمت انه من تنتظر
نسرين لنفسها : يالهوي غمازاته حلوه زوقك حلو يا هبه متوقعتش كدا
قطع شرودها اشارة يوسف لها
يوسف : مش هتركبي
نسرين : متأكد انك الي انا مستنياه
يوسف : خلاص همشي
و صعد الي التاكسي من جديد
نسرين : خلاص عرفت انه انت
و صعدت بجواره و انطلق التاكسي الي وجهتهم
نسرين : غمازاتك حلوه
يوسف : متوقعتش انك قصيره
نسرين بغضب : علي فكره انا اطول من هبه بتاعتك
يوسف بضحك : بس هبه اجمل
نسرين بصدمه : نعم انت بتهزر صح يا بني انا عودي فرنسي و شعري اشقر و كل حاجه فيا قمر كان ناقصني غمازه بس
يوسف بضحك : خلاص انا كدا انتقمت علي الصبح
نسرين : انت بجد روحت استنيت في الجامعه متصلتش عليا الاول لي
يوسف : اعمل اي كنت فاكرك مبترجعيش في كلامك
نسرين : و الله كنت بخطط لحاجه و نسيتك
يوسف : و دلوقتي لما عوزتي مصلحه افتكرتيني
نسرين : انسي بقا متعملش زيي طنط توحيدة
يوسف بتذكر : توحيدة عمت هبه
نسرين بتفاجأ : اي دا انت تعرفها
يوسف : اه هبه حكتلي عنها كتير انها حشريه و بتغلس علي هبه
نسرين بضحك : ايوه هبه قالتلي احسن تستاهل
يوسف : انتي شريره
نسرين بسخريه : يا حنين
********
كان اسلام يجلس في كافيه اسفل شركه احمد ينتظره
و بعد دقائق حضر احمد و تبادلا التحيه و العناق
اسلام بعتاب : بقالك يومين في مصر و لسه فاكر تكلمني
أحمد : كنت مشغول شويه
اسلام : مبروك يا عم اتفرجت علي الفيديو باقيت مدير كبير
احمد باستغراب : انت مش متضايق اني خدت مكان عمك
اسلام : لأ دا مكانك هتضايق لي
احمد : ممكن مثلا لأن عمو عادل مش عاوز يسيبلي الشركه
اسلام بصدمه : مش عاوز يسيبها لي مش قال في الفيديو انه حقك و جه الوقت يرجعهولك
احمد بشك : هو انت متعرفش حاجه خالص كدا
اسلام : قصدك اي
احمد : يعني عمك مبيقولكش علي حاجه خالص
اسلام بتنهيده و تردد : اناا و عمي
يقطع حديثه صوت هاتف احمد
و اجاب احمد علي المكالمه
نسرين : ازيك
احمد : تمام عاوزه اي
نسرين : انت مشغول
احمد : لأ قاعد مع اسلام
نسرين بحماس : حلو اوي
*******
في منزل سامح
كانت سعاد تجلس في غرفه المعيشه تشاهد التليفزيون حتي ذهبت توحيدة لها
توحيدة : انتي قاعده لوحدك لي
سعاد : احلام كانت معايا من شويه بس خرجت تجيب طلبات مع حمات وليد
توحيدة : اه و انتي بتعملي اي
سعاد : بقلب في التليفزيون مش بعمل حاجه
توحيدة : اوعي تكوني زعلتي مني من كلام الصبح انا خايفه علي بنت اخويا مش اكتر
سعاد : و لا يهمك مزعلتش كلنا اهل
توحيدة : طب قوليلى بقا انتي ابنك شغال اي
سعاد : احمد لسه متخرج من يومين و اشتغل في شركه تصدير و استيراد تبع العيله
توحيدة : اتخرج من اي
سعاد : علوم كمبيوتر
توحيدة : اه فني الي بيصلحوا الكمبيوترات
سعاد : لأ ابني بيعمل برامج و حاجات غريبه كدا تخص البرمجه
توحيدة بعدم اقتناع : اه طيب
******
في منزل نانسي
نانسي : خلاص يا بنتي كل حاجه تمام
انجي : متأكده ان امك مش هتيجي
نانسي : لأ هتبات النهارده عند خالتو
انجي : انا خايفه مش مطمنه
نانسي : يا بنتي متخافيش احنا مش هنعمل حاجه و لا هنأذيها حتي
انجي : متأكده
نانسي : يا بنتي انتي هبله احنا هنهددها بس مش اكتر
انجي : لأ انا خايفه
نانسي : انتي ناسيه كل الي عملته فيكي
انجي : لأ
نانسي : طب خايفه لي
انجي : مش خايفه بس متوتره شويه
نانسي : متتوتريش انا معاكي
******
في منزل ليلى
ليلي : ماما هروح بيت هبه
نرمين : لأ
ليلى : لي يا ماما انا هديها هديه عشان رجعت و اجي
نرمين : الوقت اتأخر
أمين : ما تسيبها يا نرمين
نرمين : الساعه 7 و الدنيا ضلمت
أمين : امك معاها حق يا ليلى الدنيا مبقاش فيها امان
ليلى : و نبي يا بابا نص ساعه و هكون هنا
نرمين : عاوزه تروحي خدي ابوكي معاكي
ليلى : هو انا صغيره اخد ابويا معايا
نرمين : و هبه مبتجيش لوحدها و بتجيب اخوها معاها
أمين : ريحي امك يا ليلى
ليلى : طب تعال معايا يا بابا
أمين : استني يخلص الماتش
ليلى تمثل البكاء : يا بابا نص ساعه و هنيجي علي طول
أمين : استني بس نص ساعه و الماتش هيخلص و هاجي معاكي
ليلى : حاضر امري لله
نرمين : يعني قال هيروح معاكي مش عاجبك كمان
ليلى : لأ عاجبني شكرا يا حاجه
نرمين : العفو يا اختي
أنت تقرأ
لنبحث عن ذاتك معا
Romanceلا تيأس من فشلا ليس بيدك و لا تستسلم فالحياه لا ترمي فرص في البدايه أفهم لما انت حي و ما هو هدفك فأسعي له فستجده في النهايه و ستجد النجاح في اخر الطريق ينتظرك البشر قسمين قسم يعرف هدفه و الآخر يقضي حياته يبحث عنه فالاول يجد النجاح و الاخر ينظر للنج...
