"မျက်နှာ တစ်ခုလုံးမှာ ကိုယ်အကြိုက်ဆုံးကတော့ နှုတ်ခမ်း တွေပင်၊ အပေါ်ပိုင်းက နီညိုရောင်သန်းပြီး အောက်နှုတ်ခမ်းက ပန်းရောင် ၊ အောက်နှုတ်ခမ်းသားတွေကို ဖိကိုက်လိုက်လျှင် ချက်ချင်း ရဲတက်သွားတာကို သဘောအကျဆုံး"
****************
ထိုလူသား ၂ ယောက် ကံကောင်းပါသည် ။ မြန်မာပြည်ဖွား "မ" တို့လူမျိုးတွေအဖွဲ့ ရဲ့ ဥက္ကဌကြီး အပါအဝင် အဖွဲ့သားတွေအကုန် လေဆိပ်မှာ ပန်းကုံးတွေ ဘာတွေနှင့် လာကြိုကြ၏ ။ ယွန်းကသာ ထို မင်းသားကို မသိတာ သူနိုင်ငံမှာတော့ ကျော်ဟိန်းတို့ဘာတို့လို လူသိများ ထင်ရှားသော မင်းသား တစ်လက်လို့ ပြောကြသည်။ မင်းသားနဲ့ CEO Immigration ဖြတ်ပြီး ထွက်လာတော့ အကုန်လုံးက မင်းသားကိုပဲ ပန်းကုံးတွေ ဝိုင်းစွပ်ကြ စကားလုပြောနှင့် ကြိုဆိုကြတာမို့ CEO ကို ကိုယ်ကပဲ စပြီး လက်ကမ်းပေးရင်း နှုတ်ဆက်လိုက်သည်
" ယွန်းပါ တွေ့ရတာဝမ်းသာပါတယ် "
" ငါလည်း တွေ့ ရတာ ဝမ်းသာပါတယ် မင်းကို Bangladesh ကနေ Messageပို့လိုက်တာ ရရဲ့လား"
" အင်း ရပါတယ်"
သူတို့က သူတို့နိုင်ငံကနေ လာခြင်းမဟုတ် Bangladesh မှာ Audition လုပ်ပြီး မြန်မာကို တန်းလာခဲ့ခြင်း ဖြစ်၏။ သူတစ်ခုခု ဆက်ပြောမလို့ ပြင်နေတုန်းမှာပဲ အဖွဲ့ထဲက အန်တီကြီး
တစ်ယောက် သူ့ကိုပန်းကုံး လာစွပ်သည် အခုမှပဲ သတိရသည် ထင်ပါ့ ။ တစ်ယောက်ပြီး တစ်ယောက် မင်းသားနှင့် ဓာတ်ပုံတွေတွဲရိုက်ကြပြီး သူတို့ရိုက်လို့ ဝတော့မှ CEO လေးကို သတိရကြသည် ။ အဖွဲ့ လိုက်ပုံ ရိုက်ဖို့ CEO ကို လာခေါ်စဥ် ကိုယ့်ဖုန်းထုတ်ပြီး သူတို့ကိုရိုက်ပေးဖို့ လုပ်တော့ CEO က
" ယွန်း လာခဲ့ပါ ပုံ ထဲမှာ မင်းပါသင့်တယ် ဒီပုံထဲမှာ မင်းမပါရင် ဘာမှ အဓိပ္ပာယ် မရှိဘူး တစ်ခြားတစ်ယောက်ယောက်ကို ရိုက်ခိုင်းလိုက်ပါ " ဆိုတော့မှအဖွဲ့ထဲ လူတစ်ယောက် ထွက်လာပြီး ရိုက်ပေးသည်။
ဓာတ်ပုံရိုက် မှတ်တမ်းတင်ပြီးလေဆိပ်က မထွက်ခင် ဥက္ကဋ္ဌ ကြီးက ကိုယ့်ဆီလာပြီး
"သမီး သူတို့ကို ဦးတို့ကားတွေနဲ့ပဲ လိုက်ပို့လိုက်မယ် Sedona မဟုတ်လား အသစ်လား အဟောင်းလား" လို့မေးသည်။
ESTÁS LEYENDO
တောင်အာရှဆီမှ နှလုံးခုန်သံ
No Ficciónအစတည်းက မှားယွင်းနေတဲ့ ရင်ခုန်သံတွေဆိုရင်တောင် ပျက်စီးစေလိုတဲ့ ဆန္ဒလုံးဝ မရှိခဲ့တာကိုတော့ သိစေချင်တယ် အစ်မရယ်
