"ဆုံမယ့် ဆုံတော့လည်း တကယ့်ကို ခဏလေးပါလား "မ" ရယ်။ "
**********************
Program ပြီးလျှင် "မ" တို့နိုင်ငံမှာ
ကျန်နေခဲ့မယ့် အကြောင်းပြောတော့ ကလေးမလေး မိဘ တွေနဲ့ သူ့အဖွားက စိတ်မကောင်း အပြန်ခရီးကိုလည်း သူတို့နဲ့ ကိုယ့်ကို ပြန်လိုက်စေချင်ကြသည် ။ ဒါပေမယ့် ဘာမှတော့ မပြောကြပါ ။ ဆက်နေမယ့် အကြောင်း
Surprise လုပ်ချင်လို့ "မ" ကိုတော့ မပြောပြတော့ပါ။
သွားမယ့်နေ့ကျတော့ အဒေါ် နဲ့ အဖေလိုက်ပို့သည် ။ လေဆိပ်သွားနေစဥ် Taxi ပေါ်မှာ ယွန်းလူပြန်ထွက်ဖို့ လုပ်တုန်းက ဂရုဏာဒေါသောနဲ့ တားခဲ့သော "မ" တို့ နိုင်ငံက ဆရာလေးကို ဖုန်းခေါ်လိုက်သည်
" ဟယ်လို ဆရာလေး သွားပြီနော် မနက်ဖြန်ဆို ဆရာလေးတို့ နိုင်ငံရောက်ပြီ "
" ဂရုစိုက်သွားကလေး ကျန်းမာပါစေ ချမ်းသာပါစေ ဆရာလေးမေတ္တာပို့ပေးမယ်နော် "
" ဟာ ဆရာလေး တပည့်တော် တစ်ယောက်တည်း အတွက်ပဲ ဆု မပေးနဲ့လေ ၊ တစ်ဖွဲ့လုံးအတွက်ပေးပေး ၅ယောက်ရှိတယ်" ဆိုတော့
ဆရာလေးက ရယ်ပြီး
" ၅ယောက်စလုံး ကျန်းမာပါစေ ချမ်းသာပါစေနော်" တဲ့
" ဒီလိုမှပေါ့ ဟီးဟီး"
" ဟိုရောက်ရင် ဆရာလေးကို ရောက်တဲ့အကြောင်း စာပို့ဦးနော်"
" တင်ပါ့ဘုရား " လို့ ပြောပြီး ဖုန်းချလိုက်သည်
လေဆိပ်ရောက်တော့ မြောက်ဒဂုံ ကျောင်းက ကလေးတွေ ရောက်နေကြပြီ။ ကလေးတွေက Suit အပြည့်နှင့်
ကိုယ်လည်း နိုင်ငံကိုယ်စားပြု သွားရတော့ ဆိုတော့ Casual Wear အစား Formal ကျကျ ပဲ ဝတ်လိုက်၏။ ခဏကြာတော့ မြောက်ဥက္ကလာ ကျောင်းက ကလေးတစ်ယောက် ရောက်လာသည် သူတို့ကျောင်းက ဆရာတစ်ယောက်လည်း လိုက်ပို့၏ ။
ဆရာက ယွန်းတို့ လမ်းမှာ ဆာနေမှာစိုးလို့ ဆိုပြီး မုန့်တွေလည်း အများကြီး ဝယ်လာ၏ ။ကလေးတွေလည်း သူတို့မိသားစုတွေနဲ့ ဓာတ်ပုံရိုက်ကြ ဘာညာနဲ့ အလုပ်များနေသည် အဖေ နဲ့ အဒေါ်ကတော့ ကလေးတွေရောက်ကတည်းက ပြန်သွားကြပြီ ။
KAMU SEDANG MEMBACA
တောင်အာရှဆီမှ နှလုံးခုန်သံ
Nonfiksiအစတည်းက မှားယွင်းနေတဲ့ ရင်ခုန်သံတွေဆိုရင်တောင် ပျက်စီးစေလိုတဲ့ ဆန္ဒလုံးဝ မရှိခဲ့တာကိုတော့ သိစေချင်တယ် အစ်မရယ်
