CHAPTER 48
USAP
"Pwede na ba Pat? Pagusapan natin yung tungkol sa atin. Gusto kong tuparin naman yung pangarap ko. Yung pangarap kong pakasalan ka at mahalin ka habang buhay? Pwede ba iyon?"
Tumango ako kay Adam bilang pag sang ayon na paguusapan namin ngayon ang tungkol sa aming dalawa kahit kinakabahan ako at hindi ko alam kung saan mapupunta ang usapan namin.
Tumayo si Adam mula sa pagkakaupo at sinundan ko siya ng tingin. "Magde-date tayo habang naguusap." sabi niya at inilahad ang kamay sa harapan. Tinanggap ko iyon at tsaka at tumayo na rin. Hinalikan niya ako sa pisngi bago ako pinakawalan mula sa pagkakapulupot ng kanyang braso sa aking beywang.
Pumunta akong CR at nagayos muna. Matapos nun ay dumiretso ako sa office table ko para kunin ang gamit ko. Hinawakan ni Adam ang kamay ko nang palabas na kami ng building.
Hindi ko alam kung saan kami magdedate pero pamilyar ang daan na tinatahak namin. Papunta sa bahay ng mga San Diego. Last week ang huling punta ko dito dahil madalas ay nasa condo unit ako o sa STAR Center natutulog.
"Anong gagawin natin dito?" tanong ko at napahawak si Adam sa pang ibabang labi bago sinagot ang tanong ko. "Isasama natin si Alden, gusto niyang mamasyal eh."
"Nagmakaawa pa sa akin ang batang iyon, hindi lang basta makaawa kundi nagarte artehan pa na umiiyak." kwento ni Adam at napailing na lamang ako. Kahit kailan ay napakakulit. "Miss ka rin daw niya kasi." sabi pa ni Adam nat ilang sandali pa ay huminto na kami sa bahay ng mga San Diego.
Pinagbuksan ako ng pintuan ni Adam at nakapulupot ang kanyang braso sa aking beywang nang maglakad kami papasok ng bahay.
"Ate Pat!" bungad ni Alden sa akin at patakbong lumapit sa akin. Lumuhod naman kaagad ako para mayakap niya ako. "I missy you!" maarteng bigkas nito at ikinulong ang mukha sa aking leeg.
"Nasaan ang Ate Aliah mo?" tanong ko at sa wakas ay humiwalay na siya sa akin ng yakap. Hindi na kasi ako makahinga sa pagkakayakap niya.
Tumayo na ako at humawak si Alden sa kamay ko. Napatingin naman ako sa suot niya at ngayon ko napansin na nakapanlakad ito at mukhang alam niya at pinaghandaan ang araw ngayon dahil kasama siya sa date namin ni Adam.
Naglakad kami at nagtungo sa kusina at doon namin nakita si Aliah na naka apron at madungis ang mukha dahil may mga pulbod ng harina sa mukha niya. Kasama ni si Mrs. San Diego na ganun din ang hitsura, mukhang nagbobonding ata sila.
"Pat" tawag nito at lumapit kaagad sa akin. Akamang yayakapin niya ako pero natigilan siya dahil sa sitwasyon niya. "Namiss kita Pat." sabi nito at ngumiti ako.
"Namiss din kita." sagot ko naman.
Naglakad kami papunta sa kusina habang si Alden naman ay bumitaw sa akin at sumama kay Adam. Hindi ko alam kung saan sila pupunta pero hinayaan ko na muna sila.
Nang makalapit kay Mrs. San Diego ay nagmano ako at hinaliak siya sa pisngi8. Sa ilang taon na nakasuporta sila sa akin ay parang sila na rin ang tumayo na magulang ko. Inalagaan nila ako at sinuportahan sa lahat ng daan na tinahak ko.
"Good evening po." sabi ko.
"Kamusta po?" tanong ko.
"Mabuti naman. Ikaw kamusta ka Pat?"
"Ayos lang din po. Medyo busy nga lang po sa Star Center." sagot ko at tumango siya.
Natigilan naman kami nang biglang may tumunog at iyon pala ay ang oven. Si Aliah ang lumapit doon at inilabas ang mga cupcake na sila mismo ang gumawa.
"Tikman mo." sabi ni Aliah sa akin at pinanganga ako at siya mismo ang nagsubo sa akin. Nagulat naman ako nang may flash na tumama sa amin at paglingon namin ay pinicturan pala kami ni Mrs. San Diego.
