Ethereal (gxg)

Chapter 24

Kakatapos lang din ni Amaia kaya hinintay lang namin sila Quisha na matapos yung pagkain nila. They continued to talk while I was just listening to them. Sumasali din si Amaia paminsan-minsan. Medyo nag-aalala lang ako kasi hanggang ngayon ay hawak pa rin namin yung kamay ng isa't isa. Pasmado pa naman ako siguradong sobrang kahihiyan pag nalaman niya yun.

Pumasok ulit si Shania kaya natigil yung pag-uusap nila. Nilagay niya yung mga drinks namin sa mesa. May red wine din siyang dala. Nakayuko lang siya the whole time. Nahihiya siguro siya o natatakot dahil ang sama ng tingin ni Amaia pinupukol sakanya. Poor woman.

Nang makalabas si Shania ay tumawa naman ng malakas si Avery habang tumitingin kay Quisha. Yung isa naman ay hindi maipinta yung mukha, gusto niya pa ata sapakin si Avery dahil sa inis. Hindi ko na rin napigilan yung pagkawala ng ngiti sa labi ko. Sa itsura palang niya gusto na niyang mag walk out pero may respeto pa naman siya sa pagkain kaya hindi niya ginawa.

Hinigpitan naman ni Amaia yung pagkakahawak niya sa kamay ko. I look at her questioningly. She raised her eyebrow before rolling her eyes at me. Hindi ako makapaniwalang tinignan siya. Napaka moody talaga ng babae na to.

"You made this very awkward Ki." Napabaling naman ako kay Quisha nong nagsalita siya habang sumisimsim ng red wine.

"What? I didn't do anything." Patay malisya kong sabi.

She rolled her eyes at me. I just gave her a smirk para mas lalo siyang maasar.

"Dessert na." Aislynn said breaking our staring contest. Akala siguro niya na mag-aaway kami pero hindi naman kami ganun ka childish noh.

Since naging bestfriend ko si Quisha ay hindi pa kami nag-away kahit ngayong matanda na kami. Ewan ko kung bakit siguro for us it's just a waste of time kasi alam naman namin na magiging okay din kami. Mahaba din naman yung pasensya ko pagdating kay Quisha pero may minsan din talaga na nakakaubos ng pasensya tong babae na to.

Pero kahit naman maubos pasensya ko sakanya tahimik pa rin naman ako. At alam nya kung kailan ako hindi pwedeng kausapin at kailan ako dapat kausapin. Alam na namin lahat tungkol sa isa't isa, wala din kaming naging sekreto sa isa't isa. Ang hindi ko pa lang nasabi sakanya ay yung naramdaman ko kay Amaia.

Tumingin ako kay Amaia at saktong namang binalingan niya rin ako ng tingin. She give me her sweet smile while squeezing my hand. I squeeze her hand back para iparating sakanya na okay lang ako. Honestly, hindi ko alam kung ano ang ginagawa namin pero I will just let it be. Gusto ko din naman magkaroon kami ng progress. I want to ask her on a date but I don't know how.

Siguro time na talaga para sabihin ko kay Quisha. Kahit naman maypagka siraulo tong kaibigan ko na to, pag alam niyang seryoso ako magseseryoso din naman yun. Siya lang yung expert when it comes to this. Siya lang din naman yung pinaka maraming na date saaming tatlo.

Nagsimula na rin kaming kumain ng dessert. Dahil mahilig si Aislynn ng Japanese food sinabi niya yung anong tawag sa tatlong dessert na nakahain sa mesa. Fluffy sponge cake rolled up with fresh matcha cream in the middle is called a Matcha Swiss Roll. Mukhang masarap naman siya pero wala pa rin akong plano na kainin yun. Japanese pudding naman yung mukhang letche flan. At yung last ay Castella cake.

Nagsimula na kaming kumain ng dessert, gaya ng sinabi ko kanina yung Castella cake lang yung kinain ko habang sumisimsim rin ng red wine. Patuloy pa rin sila sa pag-uusap. Hanga din ako sa mga kaibigan ko e, hindi sila nauubusan ng topic. Parang palagi talaga silang may baon.

Nakita ko sa gilid ng mata ko nong pag baling ng tingin ni Amaia saakin. Tinignan niya rin yung dessert na kinakain ko. Kunot noo niyang tinignan ako kaya hindi na rin ako nakatiis kaya binalingan ko rin siya ng tingin.