اسكريبتات متنوعه بقلمي / إيمان شلبي

ذنبي أحببته( البارت الاول )

#ذنبي_احببته
مش هتجوز واحده عندها اعاقه  انتوا بتهزروا يابابا؟!

نطق بها ذاك الشاب بعصبيه مفرطه وهو يقف امام والده وصدره يصعد ويهبط بعنف وقد تحول لون وجهه الي الاحمر من شده غضبه لما تفوه به والده ..

منصور بحده لاتقبل النقاش: وانا قولت هتتجوزها يعني هتتجوزها انا وابوها بينا شغل كتير ومش هخسره بسبب تفاهتك ديه ...اعاقتها مش سبب للرفض كتب الكتاب والفرح يوم الخميس الجاي سلام ..

ذهب والده من امامه وهو يقف ويتطلع الي كل ركن في تلك الغرفه والتي في لمح البصر اصبحت ضيقه وكأنها تحولت الي سجن .....

مراد في نفسه : بقي كده يابابا ؟! ماشي والله لهوريها ايام سودا علي دماغها وهخليها تكره اليوم اللي وافقت تتجوزني في
................................................................................
نعمم انت بتهزري يامريم ؟! انتي اللي عملتي كل الحوار ده عشان يتجوزك ؟! يعني انتي مش مشلوله ولا فيكي حاجه ؟!

نهضت مريم وهي تسير ذهابا واياباً بأبتسامه لعوب امام تلك المصدومه صديقتها فهي بالفعل كما يلقبها الجميع " ماكره "

اقتربت منها تسنيم صديقتها لتجذبها من ذراعيها لتقف امامها وتتطلع اليها بغضب عتاب قلق وتستطرد حديثها بهدوء نوعاً ما :

ممكن تفهميني ليه بتعملي كده ؟! ليه بتضيعي كرامتك وبتعملي كل ده عشان حد مش بيحبك ؟! ردي عليا يامريم انتي فيكي ايه وحش عشان تعملي كل ده !!

وهنا قد خارت قوتها لتغرورق عينيها بالدموع وهي تحاول النظر في جميع الاتجاهات سوي عين صديقتها بل نصفها الثاني من تفهمها بدون حديث فكيف لا وهي منبع اسرارها ...

تسنيم بحزن: كل ده عشان هو شبه عمر ؟! شبه حبيبك اللي مات ؟ فوقي يامريم مراد مش عمر مراد يمكن شبه عمر في الشكل بس عمره ما هيكون شبه عمر في الشخصيه ...عمره ما هيكون شبه عمر في خوفه وقلقه عليكي عمره ما هيحبك زي عمر مراد شخص وعمر شخص تاني

مريم بدموع وعصبيه : لا هو عمر انا متأكده ان هو عمر ..

تسنيم : عمر مات يامريم عمر مااات

مريم : لو كان مات كان قلبي مات وراه ...قلبي اللي بيحبه عمره ما يكدب احساسه ده عمر وفاقد الذاكره اكيد من الحادثه ...استحاله عمر يكون مات انا اكتر حد احس بيه عمر عايش ...دقه قلبي وروحي اللي بتجري وراه لما بشوفه بتأكدلي ان ده عمر !

تسنيم : وانتي لما تتجوز اللي في اعتقادك عمر هتعمليله ايه بقي عشان يرجع تاني ؟!

مريم بتحدي: هخليه يرجع عمر حبيبي ...هخليه يحبني من اول وجديد ..

تسنيم بقله حيله: مفيش فايده في الكلام معاكي يامريم ...انا همشي سلام

مريم لنفسها: بكره تقولي مريم كانت صح ..
...............................................................................
في مساء يوم الخميس حيث اليوم المنتظر بالنسبه لتلك العاشقه المتيمه ويوم يمر كالثقل علي قلبه !