اسكريبتات متنوعه بقلمي / إيمان شلبي

اسكريبت( البارت الثاني )

-متقبلتش
- تاني ؟!

بصتلها بأحباط ..
-قولي عاشر خلاص انا مش هحاول تاني
- هتستسلمي ؟!
- مانا حاولت ياريماس!
حاولت كتير كل مكان بيرفض يشغلني من غير حتي ما يشوف رسوماتي
- تقومي فورا تستسلمي !
- عايزاني اعمل ايه يعني اروح اتحايل علي الشركات  واقولهم لو سمحتوا  انا برسم شوذات  حلوه جدا  اقبلوني!

بصتلي بحزن وإحباط وهي بتقرب مني وبتطبطب علي ايدي بحنان وابتسامه

-كل حاجه هتتحل يا ايمي سيبيها علي ربنا
- يارب انا نازله
-رايحه فين ؟؟
- المكان المعتاد
- انتي ليه بتحبي تجلدي ذاتك !

مردتش عليها وروحت نفس المكان علي الترام لكن المره ديه الجو كان لطيف مفيش شتا ونسمه الهواء بارده بتداعب شعري بكل لطف وكأنها بتطبطب عليا ...

خرجت الاسكتش بتاعي قطعت ورقه ومسكت قلم رصاص وبدأت ارسم وانا حاطه الهاند فري في وداني وبسمع عبد الحليم  ...

اتنهدت وانا بمنع عيني تدمع لما قال بنبره صوت أوشكت علي البكاء

" كان مالي ما كنت في حالي ،متهني بقلبي الخالي"  !

كملت رسم وانا مش حاسه باللي حواليا لحد ما خلصت ..
بصيت علي الرسمه وأنا مبهوره وببتسم بإحباط ...

في الحقيقه بحس اني ليا لمسه خاصه في كل حاجه لكن مش بتتقدر !
ليه دايما القليل اللي بيتقدر وانا لا ..
عندي طموحات واحلام كتير نفسي احققها
لكن للاسف مفيش اللي يساعدني !

هبت نسمه هواء شديده طيرت الورقه من ايدي ...
قومت بلهفه وانا بجري عشان الحقها ...
كانت طايره بسرعه رهيبه كل ما اقرب منها وخلاص هاخدها تطير مني زي حلمي ! ...

واخيرا وصلت عندها نزلت علي الارض عشان أخدها في نفس الوقت اللي نزل معايا شخص معرفهوش ....

اول ما لمست الورقه كان هو كمان بيلمسها وبيلمس ايدي اللي ارتعشت ...

رفعت راسي واتقابلت عيوني العسلي مع عيونه الرمادي اللي مغطياها رموش كثيفه ...

- انت تاني ؟
- الظاهر أن القدر قاصد يجمعنا للمره الثالثه !
- القدر ولا انت ؟
- انا ايه
- انت اللي بتراقبني ايه شغل المراهقين ده

قولت جملتي وانا بسحب الورقه من علي الارض بكل عصبيه  وبقوم اقف ...

قام وقف ورفع حاجبه وهو بيسألني بذهول

- طب وانا هراقبك ليه؟!
- تقدر تقولي تفسير للي بيحصل ؟!
- اني ساكن هنا مثلا
وإن الكافيه اللي في آخر الشارع بتاعي مثلا
- ساكن هنا ؟
- والكافيه اللي كنتي قاعده فيه بتاعي !
- ا احم عن اذنك
- أنتي مصممه ؟؟
وقفت مكاني وانا بلف وبهز راسي بنفي وإحباط
- كان نفسي بس الظاهر أن مش كل حاجه نفسنا فيها بتتحقق