اسكريبتات متنوعه بقلمي / إيمان شلبي

عاجزه ولكن ( البارت الرابع والآخير)

عاجزه_ولكن
#البارت_الرابع

زياد

قالتها " ملك" وهي بتتنفض من السرير ،جسمها كله عرق ،بتتنفس بسرعه وكأن في حد كان بيجري وراها !

حطت ايديها علي قلبها وهي بتغمض عينيها براحه كبيره وفرحه أن اللي كانت عايشه فيه ما كان إلا حلم أشبه بكابوس مُميت بالمعني الحرفي

حلم عاشته وعاشت كل تفاصيله
عاشت وجعه وهو بيعافر لأجل يثبت لها أنه بيحبها زي أخته مع أن عينه بتقول عكس كده

وجعه وهو عايش بتأنيب ضمير أن اللي حصل كله كان بسببه ،عاشت وجع مامتها وهي شايفه بنتها مستقبلها بيضيع ومش عارفه تعملها حاجه بسبب قله الفلوس !

عاشت وجع مديحه وهي بتأنب ابنها علي شيئ مش مقصود ،وجعها وهي شايفه أرضها الغاليه عندها بتتباع لأنها الوحيده الفاضله من ريحه باباها قبل ما يموت

حمدت ربنا أن اللي حصل مكانش حقيقه ،فضلت تتخيل لو كان كل ده حقيقه ياتري كانت هتقدر تسامحه ؟!

كانت هتقدر تتقبل الوضع انها مش هتقدر تمشي ،كانت هتقدر تتقبل أنه يتبرعلها ويعرض نفسه للخطر

افكار كتيره زحمت دماغها وهي قاعده علي السرير بتفتكر الحلم اللي كأنه حقيقه عاشتها بكل تفاصيلها وبكل وجعها

قامت من السرير بحزن لاول مره وهي بتتمني من كل قلبها أن الحلم ميتحققش حتي لو جزء بسيط منه
كان اصعب حلم عاشته في حياتها ومتتمناش حتي تفتكره

خرجت برا كانت مامتها بتحضر الفطار واول ما شافتها ابتسمت بحب وهي بتقول :

- صباح الخير

ملك بهدوء غير عادتها :
- صباح النور ياحبيبتي

مديحه باستغراب :
- مالك ياحبيبتي

ملك وهي بتهز رأسها بابتسامه:
- مفيش انا كويسه لسه صاحيه بس

مديحه برفعه حاجب:
- متأكده؟

ملك وهي بتتهرب منها :
- اه انا داخله الحمام

مديحه وهي بتفرك ايديها بتوتر :
- ا احم م ملك

ملك باستغراب :
- مالك ياماما في ايه ؟

مديحه :
- ف في عريس متقدملك

ملك وهي بتغمض عينيها بضيق :
- تاني ياماما هنتكلم في الموضوع ده تاني !

مديحه بسرعه ولهفه :
- يابنتي نفسي افرح بيكي قبل ما اموت

ملك بلهفه وهي بتقرب منها:
- بعد الشر عليكي ياماما ربنا يخليكي ليا

مديحه وهي بتترجاها بعينيها :
- طب وافقي عشان خاطري اقعدي معاه يمكن يحصل قبول

ملك وهي بتتنهد :
- حاضر ياماما

مديحه بفرحه :
- بجد موافقه ؟؟