اسكريبتات متنوعه بقلمي / إيمان شلبي

السيده الاولي ( البارت الاول)

#السيدة_الاولي
#البارت_الاول

انت يا استاذ ياللي بتنتحر ...

وقف سراج اللي كان بيعمله وهو بينفخ بضيق وبيلف يشوف مين البنت اللي ماشيه في الشارع في وقت متأخر زي ده واللي وقفته عن الانتحار ...

سراج بضيق : نعم خير ياآنسه

البنت : متعرفش فين بيت الأستاذ عبد الحميد عبد العاطي

سراج باستغراب : عايزه بيته ليه ؟

البنت بضيق : انت مالك انت عايزه اعرف فين وخلاص كل الناس بتتدخل في حياه كل الناس بطريقه تضايق كل الناس !

سراج وهو بينزل من علي سور  الكوبري  اللي كان مقرر ينط منه عشان ينهي حياته...

انتي هبله يابتاعه انتي أنا بسألك عشان اللي بتسألي عليه ده جدي

البنت بذهول : ايه ده انت سراج !

سراج بضيق : ايوه خير بقي عايزه جدي في ايه

البنت وهي بتبصله من فوق لتحت بشك : انت متأكد انك سراج ؟

سراج بعصبيه : ياستي أنا زفت عايزه ايه ؟؟

البنت بضيق : انت قفوش ليه يااستاذ سراج ..

سراج بصوت عالي رعبها : ما تتنيلي تقولي عايزه ايه ؟

البنت ببرود : عايزه اروح لجدو عبد الحميد خلاص هسأل حد تاني ..كمل انتحارك يااستاذ عن اذنك ...

هو الجميل رايح علي فين ؟

البنت بتوتر وهي بتبص علي الشباب اللي واقفين قصادها وباين انهم مش في وعيهم علي الاطلاق ...

البنت بخوف: ا انا

خير ياشباب في حاجه ؟

احدهم بخوف وتوتر : ا ايه ده سراج باشا ..

سراج وهو بيقرب منهم وبيحط أيده في جيبه ببرود : عليك نور  واخفي من هنا احسنلك

الشاب : ح حاضر

البنت برفعه حاجب : ايه ده انت باين عليك جامد جموده بقي ...

سراج باستغراب : جامد جموده

البنت: احم م متشكره ياسراج كمل اللي كنت بتعمله اسفه اني عطلتك ..

سراج بقرف : سراج حاااف كده

البنت بسخريه : اومال عايزاها بايه بجبنه !!

سراج بعصبيه وغرور: اسمي سراج باشااا ولما تتكلمي معايا تتكلمي باحترام ...

البنت وهي بتبصله بتحدي من عينيها السوداء ورموشها الكثيفه : الكلام ده لحد تاني مش لجميله هانم بنت عز الدين ...

سراج بصدمه : جميله !! انتي جميله بنت عز الدين باشا ..

جميله وهي بتبصله بغرور : ايوه ...