اسكريبتات متنوعه بقلمي / إيمان شلبي

ساعه القدر ( البارت الثالث)

#ساعه_القدر
#البارت_الثالث

سامر بسخريه وهو بيوزع نظراته بين قدر و آدم

- اخس عليكي ياقدورتي بجد هو انتي مش قايله انك مخطوله ااااه ياسوسه انتي مطلعتيش سهله

قال جملته الآخيره وهو بيغمزلها بطرف عينيه بخبث ومكر

قدر وشفايفها بتترعش برعب

- س سامر س سامر انت فاهم غلط د ده

آدم وهو بيقاطعها ببرود وجمود

- خطيبتك زي اختي يااستاذ سامر

سامر بسخريه
- ياجدع لا والله تصدق الحضن كان مبين قد ايه أنه حضن اخوي لا عظيم الحضن الأخوي ده

آدم وهو بيحط أيده في جيبه وبيرفع حاجبه الشمال ببرود

- هو انا ليه حاسس ان في تريقه في الموضوع ؟

سامر وهو مكشر وبيجز علي أسنانه بعنف

- لا لسمح الله اتريق ليه ده انا حياله شايف خطيبتي واقفه في حضن واحد

قدر بدموع

- سامر اقسم بالله آدم زي اخويا و والله

سامر وهو بيقاطعها بزعيق

- انتي تخرسي خالص سامعه اخرسي خاااالص اومال ايه بقي دور الشريفه العفيفه اللي بتعمليه عليا ده كل ما امسك ايدك تسحبيها وتقوليلي عيييب ياساااامر حرررام ياساااامر ربنا يزعل مننا ياساااامر

قدر بشهقات وهي بتقرب منه وبتبص في عينه برجاء

- ابوس ايدك اسمعني

سامر بقسوه وهو بيبصلها من فوق لتحت

- ولا اسمعك ولا تسمعيني كلامي مش معاكي كلامي مع ابوكي الراجل المحترم اللي فاكر بنته خضره شريفه

قال جملته وهو بيزقها من قدامه لدرجه كانت هتقع بس آدم لحقها ومسكها من ايديها قبل ما تقع

أما عن قدر فضلت تجري ورا سامر وهي بتترجاه أنه ميقولش حاجه
باباها لو سمع حاجه زي كده مش بعيد يموتها ،مامتها عمرها ما هتفكر تسمع مبررها فورا هتسيبها لقدرها ونصيبها اللي دايما بيبقي مخالف لتوقعتها

محدش فيهم هيفهمها
باباها كالعاده هيكسر عضمها من الضرب ومامتها هتخاف تتدخل لتتضرب هي كمان

- ياساااامر اقف ياساااامر اسمعني ابوس ايدددك ساااامر اسمعني طيب

قالتها بانهيار وهي بتنادي عليه لكن لا حياه لمن تنادي وكأن سامر مش بني آدم وكأن قلبه حجر

قعدت علي الارض وهي بتصرخ بأعلي صوتها وآدم بيقرب منها بلهفه

- قدر قدر انتي كويسه

قدر بأنهيار وعصبيه : ابعد عني بقي انت السبب ابعد عنيييي انت ظهرت في حياتي ليه ظهرت ليه عايز تبوظ حياتي أكتر ما هي بايظه حرام عليييييك مش عايزه اشوف وششششك امشي من قداااامي