اسكريبتات متنوعه بقلمي / إيمان شلبي

لماذا انا ( البارت السادس والأخير)

الجزء السادس 🖤بقلمي إيمان شلبي 🖤
- ايه لا طبعا استحاله

قولتها وانا بتنفض من مكاني وببص ليوسف وبابا اللي صدمتهم رده فعلي الدفاعية الغير مبررة اللي كلها اشمئزاز واستنكار

لقيت يوسف وشه احمر من الإحراج وهو بيسألني بصوت جاهد أنه يخرج طبيعي :

- لا ليه يا انسه وسام

- لا ليه ؟؟؟!
انت حقيقي بتسأل ليه بعد كل اللي حصل وبعد الاتهامات البشعه اللي اتهمتني بيها وجاي تسألني ليه ؟؟؟؟

فرك أيده بتوتر وهو بيحط وشه في الأرض وبيحاول يخرج صوته :

- ا احم طب ممكن بعد اذنك وبعد اذن عمي  نقعد ونتكلم ؟ 

كنت لسه هرد لقيت بابا سبقني وهو بيقوله بتوتر :

- طبعا يا يوسف يابني اتفضل ده انت الغالي ابن الغالي

- الغالي ابن الغالي !!

قولتها باستغراب وتساؤل واشمئزاز وانا ببص لبابا اللي بصلي وهو بيقول بتحذير :

- اقعدي مع يوسف وهتفهمي كل حاجه

وكالعادة مسابش فرصه اني ارد واختفي من قدامي

طالت لحظات الصمت واحنا قاعدين قصاد بعض ويوسف بيتأمل كل تفصيله فيا وكأنه اول مره يشوفني !

أما عني فكان قلبي بيدق
لاول مره يدق بالشكل الغريب ده حتي وانا مع كرم عمري ما حسيته بيدق لدرجه شكيت اني بحب كرم
كنت باصه في الأرض بفرك ايدي بتوتر ووشي كله احمر ،جسمي كله عرق وكأننا قاعدين تحت الشمس !

كنت مستنيه منه اجابه علي سؤالي ،فضولي دفعني اعرف ليه انا بالذات اتقدملي بالرغم نظرات الاتهام اللي كانت في عيونه من دون ادله واضحه وكأني عدوته أو مرات أبوه

طال الصمت لأكتر من ربع ساعه لدرجه اني اتعصبت ورفعت راسي اسأله بغيظ:

- هتفضل مبحلق فيا كده كتير ايه مشوفتش بنت  قبل كده ؟؟

بصلي وابتسم بهدوء وهو بيسند خده علي أيده بتسبيل :
- صراحه شوفت بس مشوفتش بنت في جمالك

تلقائياً وشي بقي زي الفراوله وانا ببلع ريقي وبفرك ايدي بتوتر وبقوله بارتباك فيه بعض العصبيه :
- لو سمحت احترم نفسك

اتنهد وهو بيبصلي بنظرات كلها حب واشتياق
- طب نتكلم جد بقي بصراحه كده انا جاي اعتذر عن كل اللي حصل و

- تعتذر ؟!
قولتها وانا بضحك بسخريه وببصله ببرود:
- لا كتر خيرك

- ا احم وسام اسمعيني انا ...

- انت اللي اسمعني يا حضره الظابط اعتذراك مش هاممني من الاساس وجودك هنا مش مهم يا يوسف بيه وسبق وقولتلك لا علي موضوع الجواز اللي طلعت بيه فجأه ده !
وبعدين يا يوسف بيه انت ازاي ترتبط بواحده زانيه وبتخون جوزها انت مش خايف اخونك مع الخدام ولا ايه