رقييييييه
رقيه وهي بتلف حوالين نفسها يمين وشمال بخوف : يالهووي استر يارب استر يارب ه*يبلعني اروح فين اعمل ايه
دخل "باسم" الأوضه زي المجنون وهو ماسك في أيده القميص الأزرق أو اللي كان ازرق ...
رقيه وهي واقفه علي السرير بخ*وف : ا انا هفهمك ا انا
باسم بعصبيه وجنون : هتفهميني ايه ؟! ها هتفهميني ايه ده عاشر قميص تبوظيه اعمل فيكي ايه ؟!
رقيه بتوتر : م م ماهو يعني انا هفهمك الكلور اللي بتجيبه هو اللي بيبوظ الهدوم
باسم : يعني مش انتي اللي غبي*ه وبتبوظي الهدوم ؟!
رقيه : توء توء الكلور
باسم وهو بيقعد علي طرف السرير وبيحط رأسه بين أيده الاتنين : يارب اعمل ايه فيها يارب اعمل ايه مبقاش عندي هدوم كل هدومي باظت مره تغسلهم في كلور مره تحب تعمل زي ابطال الروايات وتلبس القميص وتبوظه مره توقع عليه اكل متعرفش تطلع البقعه فتاخده خرق عشان تمسح بيهم المطبخ يارب انت العالم بحالي يارب انا ايه بس اللي دبسني التدبيسه ديه ؟!
رقيه وهي بتحط ايديها في وسط*ها : مالها بقي التدبيسه ديه ياخويا مالها ؟! علي فكره انا اللي المفروض اتكلم أنا اللي سيبت بيت اهلي وسيبت الدلع عشان واحد غريب بنضفلك شقتك وبعملك احلي اكل بغض النظر اني بح*رقه بلبسلك ريش يعني سايبه بيت اهلي عشان اقلب فرخه في بيت جوزي وكمان بتتكلم !!
باسم بذهول : فرخه؟! فين الريش ده انا من ساعه ما اتجوزنا ما شوفتش غير بيجامات كلها كارتون توم وجيري وروبانزل وميكي موس !
رقيه : لو سمحت متتريقش علي هدومي
باسم بجنون : هي ديه هدوم ؟! ديه كلها هدوم اطفال ، ياريتني سمعت كلام اهلك قالولي جاي تتجوز طفله وانا اقولهم بحيييبها يابني هتتدبس وانا ارد واقول ديه احلي واجمل تدبيسه يابني هيجيلك الض*غط والسكر وانا اقول وماله فداها عمري وروحي انا مني لله علي اللي عملته في نفسي ...
قال جملته وهو بيفتح الدولاب عشان يدور علي حاجه يلبسها
رقيه وهي بتبصله من فوق لتحت : انت اصلا مش عارف قيمتي غيرك هي*موت عليا عشان انا حلوه ومدملكه والف مين يهواني
باسم وهو بيلف برفعه حاجب : نعم ؟! غيري ه*يموت عليكي ومين بقي أن شاء الله اللي هي*موت ده ...
رقيه وهي بتبلع ريقها بخوف : ي*موت ؟! انا قولت ي*موت !
باسم وهو ب*يقرب منها وهي بترجع لورا بخوف : ف في ايه ياسطا انت بتقرب ليه
باسم بهدوء ما قبل العاصفه : مين ده اللي هي*موت عليكي عشان اخلص عليه ؟!
رقيه بابتسامه واسعه : الله انت بتغير عليا
أنت تقرأ
اسكريبتات متنوعه بقلمي / إيمان شلبي
Mistério / Suspenseمجموعه اسكريبتات رومانسي ،كوميدي،حزين ،بقلم ايمان شلبي هنا هتعيش معانا لو كنت حابب تعيط عليك وعلي اسكريبت باب الذكريات 🥲 عايز تضحك عليك وعلي اسكريبت احببت مجهوله 😂عايز محن وفقع مراره هتلاقي كتشير اوي😂عايز كله في اسكريبت واحد عليك وعلي ظننته خالي...
