اسكريبتات متنوعه بقلمي / إيمان شلبي

عالم تاني ( البارت الرابع والاخير)

قالت جملتها وقامت خرجت بأقصي سرعه من الباب وهي مش قادره تفهم اي حاجه !

-صباح الخير ياساندي هانم

ساندي بصدمه :مروه ؟!

مروه الخدامه باستغراب : ايوه ياساندي هانم خير في حاجه ؟

ساندي وهي بتحضنها بلهفه: انا مش في حلم يعني انا غنيه ؟

مروه باستغراب : في ايه ياساندي هانم انتي كويسه ؟

ساندي وهي بتبعد عنها بفرحه : انا كويسه كويسه خالص ..

قالت جملتها وهي بتجري علي تحت ومروه واقفه تبص لآثرها وهي بتضرب كف فوق التاني ...

-ديه باين عليها اتجنت خالص ..

-ماما

كوثر بفرحه وهي بتحاول تداري دموعها : ساندي حبيبتي ص صباح الخير

ساندي وهي بتجري علي حضنها : ماما وحشتيني بالرغم أنه يوم واحد بس انا اكتشفت اني مقدرش اعيش من غيرك انتي وبابا ..

كوثر باستغراب : يوم ايه يابنتي أنا مش فاهمه حاجه ؟

ساندي : مش مهم مش مهم تفهمي فين بابا ؟

كوثر : باباكي راح الشركه ياحبيبتي  مالك ياساندي انتي كويسه ياحبيبتي ؟!

ساندي وهي بتتنهد : اوي ياماما اوي

كوثر وهي بتفتحلها دراعاتها : طب تعالي

ساندي باستغراب : اجي فين؟

كوثر: تعالي في حضني انا حاسه انك وحشاني اوي وعايزه احضنك

قربت منها ساندي بدموع وثواني اترمت في حضنها وهي بتتنهد بفرحه وكأنها كانت مستنيه كوثر تقولها كده من سنين ..

غمضت عينيها وهي حاسه براحه وفرحه محستش بيها قبل كده ...

اما عن كوثر كانت حضناها وسانده رأسها علي راس ساندي بدموع ...بتفتكر اللي حصل امبارح واللي قاله عمرو ليهم في الفون

فلاش باك

-يعني ايه يابني مش هنكمل في اللعبه ديه ؟!

عمرو وهو بيتنهد : يعني زي ما بقولك يامحمود بيه بنتك مش محتاجه تكون معانا عشان تتغير ..

محمود باستغراب: يعني ايه ؟

عمرو: كوثر هانم جنبك ؟

محمود : ايوه بس ليه

عمرو : افتح الاسبيكر لو سمحت

محمود باستغراب : ليه

عمرو بضيق : لو سمحت افتح الاسبيكر

محمود : طيب فتحته

عمرو : مدام كوثر

كوثر : ن نعم

عمرو : حضرتك تقدري تقوليلي أمتي اخر مره حضنتي فيها ساندي ؟!

كوثر وهي بتبص لمحمود باستغراب : مش فاهمه ايه السؤال ده ؟ ايه علاقته بالموضوع اصلا