اسكريبتات متنوعه بقلمي / إيمان شلبي

عاجزه ولكن ( البارت التاني )

#عاجزه_ولكن
-يعني ايه يعني انا بنتي بقت مشلوله؟؟

قالتها " مديحه" ام ملك بصدمه كبيره احتلت كيانها وعاجزه_ولكنهي بتترمي بجسمها كله علي الكرسي اللي وراها ،قلبها بيدق بسرعه رهيبه بتحاول تكذب الخبر اللي سمعته ،اللي هيغير حياتها وحياه بنتها !

بنتها اللي لسه في عز شبابها ،بنتها المجنونه ،العفويه،اللي مش بتهمد في مكان واحد ،طول الوقت بتتحرك يمين وشمال ،طول الوقت ضحكتها مبتفارقش وشها ،طول الوقت عايشه حياتها طناش مش بتهتم بأي حاجه

كل حاجه هتتغير ،ضحكتها ،جنونها ،عفويتها ،هي هتتغير شخصياً لما تعرف انها مش هتقدر تتحرك تاني مش هقدر تكون حره ،مش هتقدر تعيش سنها

غلطه ،غلطه بسيطه مش مقصوده غيرت كل حاجه دمرت عيله ودخلت الندم علي قلوب عيله وخاصه هو اللي مش قادر يستوعب لحد دلوقتي أن بسببه وبسبب تهوره في شخص أصبح قعيد

هز الدكتور رأسه برسميه:
- في أمل تمشي بس هيكلف كتير اوي للاسف

مديحه وهي بتتنفض من مكانها وبتقول بلهفه  ودموع :
- ايه هو انا مستعده اعمل اي حاجه مستعده ابيع هدومي بس بنتي تقوم تمشي علي رجلها من تاني

الدكتور وهو بيتنهد :
- في عمليه بس هتكلف خمسه مليون جنيه
لو قادرين تجمعوا الفلوس انا موجود في أي وقت هحدد معاد مع الدكتور ونسافر لانه مش عايش هنا عن اذنكم

قال كلامه التعجيزي بالنسبه لهم ومشي من قدامهم ،نزلت دموع مديحه بقهره وهي مش عارفه منين هتجمع المبلغ الكبيره ده ؟!

هما ناس علي قد حالهم ماشين اليوم بيومه زي اي حد ،وراهم مسؤوليات واقساط بالكوم وراهم عيال غير ملك منين هيجمعوا المبلغ ده !

قربت فتحيه منها وهي بتطبطب علي كتفها :
- اهدي يامديحه أن شاء الله هتتحل

زقتها مديحه بكل قوتها وهي بتبصلها بشر من عيونها اللي أصبحت حمراء دم :

-ابعدي عني أنا مش هسكت مش هسيب حق بنتي انا هبلغ عنه هقولهم أن هو السبب في اللي حصل لبنتي حسبي الله ونعم الوكيل فيه انا مش مسامحاكي ولا مسامحه ابنك حسبي الله ونعم الوكيل فيه

كان واقف " زياد" بعيد عن الكل ،كان ساند ظهره علي الحيطه اللي وراه بيتنفس بعنف ،مش قادر يستوعب اللي حصل ،في لمح البصر وبسبب غلطه بسيطه كل حاجه اتغيرت كل حاجه أصبحت أشبه بكابوس يتمني لو يفوق منه ويرتاح من عذاب الضمير

غمض عينه بقوه وحط أيده علي ودنه بيحاول يمنع صوتها اللي بيوصل لمسامعه لحد هذا الوقت وهي بتستنجد بيه وبكل اللي واقفين ينقذوها بتستنجد بالكل يدعيلها قبل ما تدخل العمليات

دموعها كأنها خنجر مسموم بيشق قلبه لنصين ، يعتقد أن لو كانت  الرصاصه جت فيه هو مكانش هيحس بالوجع 
اللي حاسس بيه دلوقتي وجعها بيزيد وجعه أضعاف